LIV YU LAYF LƐK KRISTIAN
Avɔyd di Trap dɛn na Soshal Nɛtwɔk
WETIN MEK I IMPƆTANT? Lɛk bɔku ɔda tin dɛn, soshal nɛtwɔk kin ɛp wi ɔ ambɔg wi. Sɔm Kristian dɛn kin disayd nɔ fɔ yuz soshal nɛtwɔk dɛn. Ɔda Kristian dɛn kin yuz soshal nɛtwɔk fɔ tɔk to dɛn padi ɛn fambul dɛn. Bɔt Setan want fɔ mek wi yuz soshal nɛtwɔk di we we go mek wi gɛt badnem ɛn ambɔg wi padi biznɛs wit Jiova. Wi fɔ falamakata Jizɔs fɔ yuz di advays (prinsipul) dɛn frɔm Gɔd in Wɔd fɔ sabi di denja dɛn ɛn avɔyd dɛn.—Lyu 4:4, 8, 12.
TRAP DƐN WE WI FƆ AVƆYD:
-
Fɔ spɛnd bɔku tɛm. We wi de yuz bɔku tɛm pan soshal nɛtwɔk ɔ soshal midia, dat kin mek wi nɔ gɛt bɛtɛ tɛm fɔ du tin dɛn we go mek wi gɛt tayt padi biznɛs wit Jiova
Baybul prinsipul dɛn: Ɛfi 5:15, 16; Fil 1:10
-
Fɔ wach tin dɛn we nɔ fayn. We wi de wach pikchɔ dɛn we pipul dɛn nɔ drɛs fayn, dat kin mek wi bigin luk dɛn rud rud fim ɔ pikchɔ dɛn ɔ put an pan mami ɛn dadi biznɛs di we aw Gɔd nɔ want. We wi de rid tin dɛn we pipul dɛn we dɔn lɛf Jiova rayt, dat kin mek wi nɔ gɛt bɛtɛ fet igen
-
Fɔ post tin dɛn ɔ pikchɔ dɛn we nɔ fayn. Bikɔs wi at disitful, dat kin mek pɔsin tink fɔ sɛn tin dɛn ɔ pikchɔ dɛn we nɔ fayn na soshal nɛtwɔk. Bɔt dis kin mek pɔsin gɛt badnem ɔ mek i nɔ gɛt bɛtɛ fet igen
Baybul prinsipul dɛn: Rom 14:13; Ɛfi 4:29
WACH DI FIM WE GƐT DI TAYTUL, TEK TƐM WE YU DE YUZ SOSHAL NƐTWƆK, DƆN UNA TƆK BƆT AW FƆ AVƆYD DƐN TIN DƐN YA:
