LIV YU LAYF LƐK KRISTIAN
Fala Jizɔs in Ɛgzampul Gud Gud Wan
Jizɔs sɛt fayn ɛgzampul we wi kin falamakata mɔ we pipul dɛn de trit wi bad. (1Pi 2:21-23) Jizɔs nɔ bin tɔn dɛt we dɛn bin de kɔs am ɛn ivin we dɛn bin de mek i sɔfa. (Mak 15:29-32, NW) Wetin bin ɛp am fɔ bia? I bin mekɔp in maynd fɔ du wetin Jiova want. (Jɔn 6:38) I bin de pe atɛnshɔn bak pan “di op we bin de bifo am.”—Ibr 12:2, NW.
Wetin wi go du we dɛn trit wi bad fɔseka wetin wi biliv? Tru Kristian dɛn nɔ fɔ “tɔn di bad” gi pɔsin we du dɛn bad. (Rom 12:14, 17) We wi falamakata di we aw Jizɔs bin bia we dɛn du am bad, wi go gladi bikɔs wi no se Gɔd go gladi fɔ wi.—Mat 5:10-12; 1Pi 4:12-14.
WACH DI FIM WE GƐT DI TAYTUL, JIOVA I NEM IMPƆTANT PAS ƆL, DƆN ANSA DƐN KWƐSTYƆN DƐN YA:
-
Aw Sista Pɔtzinga * bin yuz in tɛm fayn we in wangren bin de na jel?
-
Us bad tin dɛn Brɔda ɛn Sista Pɔtzinga bin bia we dɛn bin de na difrɛn kɔnsɛntreshɔn kamp dɛn?
-
Wetin bin ɛp dɛn fɔ bia?
We wi de sɔfa wi fɔ falamakata Jizɔs in ɛgzampul gud gud wan
^ par. 6 Na so dɛn kin spɛl am insay Inglish Poetzinger.
