Wetin mek wi fɔ tek tɛm pik wetin wi de yuz fɔ ɛnjɔy wisɛf? Bikɔs we wi de disayd us fim fɔ wach, us myuzik fɔ lisin to, us wɛbsayt fɔ go, us buk fɔ rid, ɔ us vidio gem fɔ ple, wi fɔ mɛmba se wetin wi de rid ɔ wach na in wi go ful-ɔp wi maynd wit. Wetin wi disayd fɔ rid, luk ɔ wach go afɛkt di we aw wi de biev. Bɔt i sɔri fɔ no se bɔku pan di tin dɛn we de fɔ ɛnjɔy wisɛf tide gɛt tin dɛn we Jiova et. (Sam 11:​5; Gal 5:​19-21) Na dat mek di Baybul de ɛnkɔrej wi fɔ kɔntinyu fɔ de tink bɔt tin dɛn we go ɔnɔ Jiova.—Fil 4:​8.

WACH DI FIM WE GƐT DI TAYTUL, USKAYN ƐNJƆYMƐNT A FƆ PIK? DƆN UNA ANSA DƐN KWƐSTYƆN DƐN YA:

• Aw di fɛt we di gladietɔ dɛn bin de fɛt na Rom trade fiba sɔm vidio gem dɛn we pipul dɛn de yuz fɔ ɛnjɔy dɛnsɛf tide?

• Wetin brɔda ɛn sista dɛn na di kɔngrigeshɔn go du fɔ ɛp yɔŋ wan dɛn fɔ tek tɛm fɛn fayn we fɔ ɛnjɔy dɛnsɛf?

• Aw di skripchɔ na Lɛta Fɔ Rom 12:​9 fɔ afɛkt wi we wi de disayd uskayn ɛnjɔymɛnt fɔ put an pan?

• Us fayn we dɛn de we pɔsin kin ebul ɛnjɔy insɛf na di say we yu de?