Insay wi kɔngrigeshɔn dɛn wi gɛt brɔda ɛn sista dɛn we dɔn sav Jiova fɔ lɔng tɛm. Dɛn ɛgzampul kin ɛp wi fɔ abop pan Jiova. Wi kin aks dɛn bɔt aw Jiova in ɔganayzeshɔn bin de trade, ɛn aw Jiova dɔn ɛp dɛn fɔ bia di prɔblɛm dɛn we bin de mit dɛn. Wi kin ivin invayt wan pan dɛn na wi Famili Wɔship ɛn intavyu am.

If yu na Kristian we dɔn de sav Jiova fɔ lɔng tɛm, tɛl yɔŋ Kristian dɛn bɔt aw Jiova dɔn ɛp yu. Jekɔb ɛn Josɛf bin tɛl dɛn pikin dɛn wetin Jiova bin du fɔ dɛn. (Jɛn 48:​21, 22; 50:​24, 25) Leta, Jiova bin tɛl papa dɛn fɔ tich dɛn pikin dɛn bɔt di wɔndaful tin dɛn we i bin dɔn du. (Dit 4:​9, 10; Sam 78:​4-7) Insay wi yon tɛm, mama ɛn papa dɛn ɛn ɔda brɔda ɛn sista dɛn na di kɔngrigeshɔn kin tɛl yɔŋ wan dɛn bɔt di wɔndaful tin dɛn we Jiova dɔn yuz in ɔganayzeshɔn fɔ du.

WACH DI FIM WE GƐT DI TAYTUL, WI KƆNTINYU FƆ GƐT WANWƆD WE DƐN BAN WI, DƆN UNA ANSA DI KWƐSTYƆN DƐN WE DE DƆŊ:

• Aw di branch ɔfis na Ɔstria bin ɛp di brɔda dɛn na sɔm kɔntri we dɛn dɔn ban wi wok?

• Wetin bin ɛp di brɔda ɛn sista dɛn na dɛn kɔntri dɛn de fɔ kɔntinyu fɔ gɛt strɔng fet?

• Wetin bin mek bɔku pɔblisha dɛn na Romenia lɛf Jiova in ɔganayzeshɔn? Wetin bin ɛp dɛn fɔ kam bak?

• Aw dɛn ɛkspiriɛns dɛn ya dɔn ɛp yu fɔ gɛt strɔng fet?