DI VALYU TIN DƐN FRƆM GƆD IN WƆD | JOB 1-5
Job Bin Kɔntinyu fɔ Du Wetin Rayt pan ɔl we I Gɛt Prɔblɛm
Na Ɔz Job bin de di tɛm we di Izrɛlayt dɛn bin de as slev na Ijipt. Pan ɔl we Job nɔto bin Izrɛlayt, i bin kɔntinyu fɔ wɔship Jiova fetful wan. I bin gɛt big famili, bɔku prɔpati dɛn, ɛn ɔlman bin sabi am na di say we i bin de. Pipul dɛn bin rili sabi am as pɔsin we sabi gi advays ɛn as jɔj we nɔ de tek wan pɔsin impɔtant pas ɔda pɔsin. I bin de ɛp pipul dɛn we po. Job na man we bin de du wetin rayt ɔltɛm.
Job bin sho klia wan se Jiova na di Pɔsin we rili impɔtant pas ɔlman na in layf
-
Setan bin kam fɔ si se Job na pɔsin we de du wetin rayt ɔltɛm. Setan bin no klia wan se Job go kɔntinyu fɔ obe Jiova, na dat mek i bin tɔk se nɔto fɔ natin Job de wɔship Jiova
-
Setan bin tɔk se Job de sav Jiova bikɔs i want fɔ bɛnifit insɛf
-
Fɔ pruv se wetin Setan bin tɔk na lay, Jiova bin alaw am fɔ atak Job pan ɔl we i bin fetful. Setan bin du tin we bin afɛkt ɔltin we Job bin gɛt ɛn dat ambɔg in layf bad bad wan
-
We Job bin kɔntinyu fɔ du wetin rayt, dat mek Setan tɔk se i nɔ pɔsibul fɔ mek mɔtalman kɔntinyu fɔ du wetin rayt ɔltɛm
-
Job nɔ bin sin ɔ blem Gɔd fɔ se I nɔ de du wetin rayt
