Aks yusɛf dis kwɛstyɔn, ‘A want fɔ yuz wan pan tin dɛn we dɛn tɔk bɔt na di say we de sho wetin fɔ se?’

YƐS

• Pripia wetin fɔs yu go se. Afta yu dɔn grit di pɔsin, tɛl am klia wan wetin mek yu go fɛn am. (Fɔ ɛgzampul yu kin se: “A kam fɛn una bikɔs . . .”)

• Tink bɔt ustɛm yu go aks kwɛstyɔn, ustɛm fɔ rid di Baybul, ɛn ustɛm fɔ gi di pɔsin di tin we yu de prich wit. (Fɔ ɛgzampul: We yu want fɔ rid wan patikyula skripchɔ frɔm di Baybul yu kin se: “Fɔ mek wi go gɛt kɔrɛkt ansa to da kwɛstyɔn de, lɛ wi wach wetin dis vas se.”)

NƆ

• Pik wan tɔpik frɔm di magazin we yu rili tink se fayn ɛn we go fit di say we yu de prich

• Tink bɔt kwɛstyɔn we yu go aks we go ɛp di pɔsin fɔ tink ɛn we go mek una tɔk, bɔt yu nɔ fɔ mek di pɔsin shem. (Fɔ ɛgzampul: Yu kin yuz di kwɛstyɔn dɛn we de na pej 2 insay di magazin.)

• Pik wan skripchɔ we yu go rid. (If na di Awake! yu de yuz, yu kin disayd us skripchɔ fɔ rid, bikɔs dɛn mek dis magazin fɔ pipul dɛn we nɔ sabi di Baybul bɛtɛ ɛn we nɔ ivin biliv rilijɔn.)

• Rayt wan ɔ tu sɛntɛns dɛn we go ɛksplen bɔt aw di pɔsin go bɛnifit we i rid di atikul

I LƐK NA YƐS Ɔ NƆ

• Pripia wan kwɛstyɔn we una go tɔk bɔt we yu go du ritɔn visit

• Rayt sɔm tin dɛn we go ɛp yu fɔ mɛmba wetin yu want fɔ tɔk bɔt nɛks tɛm