Jiova bin tɛl Jɛrimaya fɔ wɔn di Ju pipul dɛn bɔt di trɔbul we go kam bikɔs dɛn bin dɔn fɔgɛt dɛn Gɔd, Jiova. (Jɛr. 13:25) Wetin bin mek di pipul dɛn nɔ bin gɛt tayt padi biznɛs wit Jiova igen? Di Izrɛlayt dɛn famili dɛn nɔ bin gɛt tayt padi biznɛs wit Jiova igen. Fɔ tru di wan dɛn we bin de oba di famili dɛn nɔ bin de fala wetin de na Ditarɔnɔmi 6:5-7.

Tide, na famili dɛn we gɛt tayt padi biznɛs wit Jiova de mek wanwɔd de na di kɔngrigeshɔn dɛn. Di wan dɛn we de oba dɛn famili kin ɛp dɛn famili fɔ mɛmba Jiova bay we dɛn de tray tranga wan fɔ du Famili Wɔship ɔltɛm. (Sam 22:27) Afta una wach di fim we gɛt di taytul “Dɛn Wɔd Ya . . . Fɔ De Na Una At”—Wetin Sɔm Famili dɛn Se?, aks dɛn kwɛstyɔn dɛn ya:

• Wetin dɔn ɛp sɔm famili dɛn fɔ kɔntinyu fɔ du dɛn Famili Wɔship, pan ɔl we ɔda tin dɛn go apin we go want fɔ mek dɛn nɔ du Famili Wɔship?

• Wetin na sɔm bɛnifit dɛn we famili dɛn dɔn gɛt we dɛn de du dɛn Famili Wɔship ɔltɛm?

• Wetin kin mek a nɔ ebul du mi famili wɔship ɔltɛm? Aw a dɔn plan fɔ sɔlv da prɔblɛm de?