Ɛni ia wi kin tray tranga wan fɔ invayt pipul dɛn na wi tɛritri fɔ jɔyn wi fɔ di Mɛmorial. Ɛn wi nɔ sabi bɔku pan dɛn. Wi fɔ invayt pipul dɛn we wi sabi bak. Bɔku tɛm, we wi invayt pipul dɛn we wi sabi i kin izi fɔ mek dɛn atɛnd. (yb08-E pej 11, par. 3; pej 14, par. 1) Udat dɛn yu tink bɔt we yu go invayt?

• Fambul dɛn

• Wokmet ɔ skulmet dɛn

• Neba dɛn

• Ritɔn visit ɛn Baybul stɔdi dɛn we yu bin gɛt trade ɛn di wan dɛn we yu gɛt naw

Dɔn bak, di ɛlda dɛn go invayt di wan dɛn we dɔn stɔp fɔ prich ɔ fɔ atɛnd di mitin dɛn. Wetin yu go du if yu ɛn yu padi nɔ de na di sem eria? Yu kin fɛn di tɛm ɛn ples usay dɛn de gɛt di Mɛmorial na di eria we i de bay we yu klik di say we se LAN BƆT WI we de ɔp na di jw.org om pej, dɔn pik “Mɛmorial.” As yu de pripia fɔ di Mɛmorial dis ia, tink bɔt di wan dɛn we yu go invayt ɛn gi dɛn inviteshɔn.