Jiova want mek wi sav am bikɔs wi lɛk am. (Mat 22:​37, 38) Na di lɛk we Baybul studɛnt dɛn lɛk Gɔd go ɛp dɛn fɔ mek dɛn chenj di we aw dɛn de liv ɛn tinap tranga wan we dɛn gɛt prɔblɛm. (1Jɔ 5:​3) We Baybul studɛnt dɛn lɛk Gɔd na dat go mek dɛn want fɔ baptayz.

Ɛp yu Baybul studɛnt dɛn fɔ si se Gɔd lɛk dɛn. Aks kwɛstyɔn dɛn lɛk: “Wetin dis tich yu bɔt Jiova?” ɔ “Aw dis sho se Gɔd lɛk yu?” Ɛp dɛn fɔ si aw Jiova de ɛp dɛn. (2Kro 16:​9) Tɛl dɛn bɔt aw Jiova dɔn ansa yu we yu pre bɔt sɔm patikyula tin dɛn, ɛn ɛnkɔrej dɛnsɛf fɔ notis aw Jiova de ansa dɛn yon prea dɛn. Wi kin rili gladi we wi de si se wi Baybul studɛnt dɛn no se Jiova lɛk dɛn ɛn dɛn gɛt tayt padi biznɛs wit am.

WACH DI VIDIO WE GƐT DI TAYTUL, ƐP YU BAYBUL STUDƐNT DƐN FƆ GƐT TAYT PADI BIZNƐS WIT JIOVA, DƆN UNA ANSA DI KWƐSTYƆN DƐN WE DE DƆŊ:

• Us prɔblɛm Judit bin gɛt?

• Aw Anita bin ɛp Judit?

• Wetin Judit bin du fɔ sɔlv in prɔblɛm?