Na di wan dɛn nɔmɔ we de du wetin rayt go ɛnjɔy tayt padi biznɛs wit Jiova. (1Pi 1:​14-16) As Baybul studɛnt dɛn de lɛf dɛn bad abit dɛn, dɛn kin bɛnifit dɛn famili, gɛt wɛlbɔdi, ɛn yuz dɛn mɔni fayn.

Ɛksplen Jiova in lɔ dɛn klia wan, gi rizin dɛn we mek wi fɔ obe, ɛn di bɛnifit dɛn we wi go gɛt we wi obe. Ɛp yu Baybul studɛnt dɛn fɔ chenj di we aw dɛn de tink ɛn dɛn go du wetin dɛn de lan. (Ɛfi 4:​22-24) Mek dɛn biliv se Jiova go ɛp dɛn fɔ ebul fɔ lɛf ɛni bad abit we nɔ izi fɔ lɛf. (Fil 4:​13) Tich dɛn fɔ pre ɛn beg Jiova we dɛn fil fɔ du tin we nɔ rayt. Ɛp dɛn fɔ no ɛn fɔ avɔyd tin dɛn we go tɛmpt dɛn. Ɛnkɔrej dɛn fɔ chenj dɛn bad abit dɛn to gud wan dɛn. Wi kin gladi we wi de si aw Jiova de ɛp Baybul studɛnt dɛn fɔ lɛf dɛn bad abit dɛn.

WACH DI VIDIO WE GƐT DI TAYTUL, ƐP YU BAYBUL STUDƐNT DƐN FƆ LƐF BAD ABIT DƐN, DƆN UNA ANSA DI KWƐSTYƆN DƐN WE DE DƆŊ:

• Aw Anita ɛn di ɛlda dɛn bin sho se dɛn gɛt kɔnfidɛns pan Judit?

• Us ɔda tin Anita bin du fɔ ɛp Judit?

• Wetin Judit bin du fɔ mek Jiova ɛp am?