LIV YU LAYF LƐK KRISTIAN
Tɛk Tɛm Pik Yu Padi Dɛn
Di tin we bin apin to di Izrɛlayt dɛn we dɛn bin de nia Moab na ɛgzampul we Kristian dɛn kin lan frɔm. (1Kɔr 10:6, 8, 11) We di Izrɛlayt dɛn bin mek padi biznɛs wit di uman dɛn na Moab we bin de du mami ɛn dadi biznɛs di we aw Gɔd nɔ want ɛn wɔship aydɔl dɛn, dis bin mek dɛn sin siriɔs wan. Ɛn dat bin mek bad bad tin dɛn apin. (Nɔm 25:9) Wi de wit wokmet dɛn, skulmet dɛn, neba dɛn, fambul dɛn ɛn ɔda pipul dɛn we nɔ de wɔship Jiova. Wetin wi lan frɔm dis Baybul ɛgzampul bɔt di bad tin dɛn we kin apin we wi gɛt tayt padi biznɛs wit dɛn pipul dɛn ya?
WACH DI VIDIO WE GƐT DI TAYTUL, ƐGZAMPUL DƐN WE WI KIN LAN FRƆM—SHƆT PAT, DƆN UNA ANSA DI KWƐSTYƆN DƐN WE DE DƆŊ:
-
Us bad we Zimray ɛn in kɔmpin dɛn bin de tink we dɛn tɛl Jemin bɔt?
-
Aw Finias bin ɛp Jemin fɔ si tin dɛn di rayt we?
-
Us difrɛns de fɔ mek nays to pɔsin we nɔ de sav Jiova ɛn fɔ bi in padi?
-
Wetin mek wi fɔ tek tɛm we wi de pik tayt padi dɛn ivin insay di Kɔngrigeshɔn?
-
Wetin mek wi fɔ avɔyd fɔ jɔyn grup dɛn na soshal midia wit pipul dɛn we wi nɔ sabi?
