Bikɔs Jiova na “Gɔd we gladi ɔltɛm,” i want wi fɔ ɛnjɔy we wi de du di prichin wok. (1Ti 1:​11) Wi go gladi mɔ we wi tray fɔ lan nyu we dɛn fɔ prich. Fɔ aks kwɛstyɔn dɛn na fayn we fɔ bigin fɔ tɔk to pɔsin ɛn i kin mek pɔsin want fɔ lan mɔ. Kwɛstyɔn dɛn kin ɛp pipul dɛn fɔ tink. (Mat 22:​41-45) We wi de aks kwɛstyɔn dɛn ɛn lisin, i jɔs tan lɛk wi de tɛl di pɔsin se, ‘Yu impɔtant to mi.’ (Jem 1:​19) Di ansa we di pɔsin gi go ɛp wi fɔ no wetin wi fɔ tɔk bɔt.

WACH DI VIDIO WE GƐT DI TAYTUL, GƐT GLADI-AT WE YU DE MEK DISAYPUL—DU MƆ FƆ PRICH ƐN TICH—AKS KWƐSTYƆN DƐN, DƆN UNA ANSA DI KWƐSTYƆN DƐN WE DE DƆŊ:

• Us fayn kwaliti dɛn Judit bin sho?

• Aw Anita bin yuz kwɛstyɔn dɛn fɔ sho se i bisin bɔt Judit?

• Aw Anita bin yuz kwɛstyɔn dɛn fɔ mek Judit want fɔ no mɔ bɔt di gud nyuz?

• Aw Anita bin yuz kwɛstyɔn dɛn fɔ ɛp Judit fɔ tink?