LIV YU LAYF LƐK KRISTIAN
Aw fɔ Yuz di Baybul Stɔdi Vidio Dɛn?
Wi gɛt 4 Baybul stɔdi vidio dɛn fɔ yuz fɔ prich. Wetin mek dɛn mek ɛni wan pan dɛn vidio dɛn ya?
-
Wetin Mek I Fayn fɔ Stɔdi di Baybul?—Di Lɔŋ Vidio I de fɔ ɛp pipul dɛn we want fɔ no mɔ bɔt di Baybul ilɛk us rilijɔn dɛn de. I de ɛnkɔrej di wan dɛn we de wach di vidio fɔ luk na di Baybul fɔ ansa to kwɛstyɔn dɛn we pipul dɛn kin gɛt ɛn i gɛt ɛgzampul bɔt ansa dɛn we yu go si insay di Baybul. I de ɛksplen aw fɔ aks fɔ Baybul stɔdi.
-
Wetin Mek I Fayn fɔ Stɔdi di Baybul? (di shɔt pat) I fiba di lɔŋ vidio bɔt na af pat pan am. I fayn mɔ fɔ yuz am na tɛritri dɛn usay pipul dɛn nɔ gɛt bɛtɛ tɛm fɔ tɔk.
-
Wetin Kin Apin Pan Ɛni Baybul Stɔdi? Dɛn mek am fɔ mek pipul dɛn want fɔ no mɔ bɔt di arenjmɛnt we wi gɛt fɔ stɔdi di Baybul wit pipul dɛn fɔ fri ɛn ansa sɔm kwɛstyɔn dɛn we pipul dɛn kin aks bɔt am, lɛk aw fɔ aks fɔ Baybul stɔdi.
-
Wɛlkɔm to Yu Baybul Stɔdi. Dɛn mek am fɔ sho Baybul studɛnt dɛn we una dɔn stat fɔ stɔdi di Baybul. Pan ɔl we dɛn tɔk bɔt di vidio na pej 2 na di Ɛnjɔy Layf Sote Go! buk, yu kin sho am we una de stɔdi di Ɛnjɔy Layf Sote Go! brosho. Di vidio tɔk bɔt wetin de na di buk ɛn wetin di studɛnt fɔ ɛkspɛkt we una de stɔdi.
Pan ɔl we rizin de we mek dɛn mek ɛni wan pan di vidio dɛn, wi kin sho ɔ sɛn ɛni wan pan dɛn to pipul dɛn we nid de. Dɛn de ɛnkɔrej pɔblisha dɛn fɔ sabi dɛn vidio dɛn ya ɛn fɔ de yuz dɛn we dɛn de prich.
