JW Laybri na wan fri ap (sɔftwia program) we go ɛp yu fɔ dawnlod Baybul, buk ɛn magazin dɛn, fim dɛn, ɛn odio program dɛn na yu fon, tablɛt, ɔ kɔmpyuta.

AW FƆ GƐT AM: Go na di Intanɛt, ɛn dawnlod JW Laybri frɔm ap stɔ. Di wan dɛn we de yuz difrɛn kayn fon, tablɛt ɛn ɔda ilɛktronik tin dɛn go ebul fɔ gɛt dis ap. We yu go na di Intanɛt na fɔ opin di ap ɛn pik di tin we yu go want fɔ dawnlod na yu fon ɔ tablɛt. If yu nɔ gɛt Intanɛt na os, sɔntɛm yu kin yuz di wan we de na Kiŋdɔm Ɔl, pɔblik laybri, ɔ Intanɛt kafe. We yu dɔn dawnlod buk ɛn magazin dɛn na yu fon ɔ tablɛt yu nɔ nid fɔ go na Intanɛt igen fɔ gɛt dɛn. Ɛnti dɛn kin put nyu tin dɛn ɔltɛm na JW Laybri, as tɛm go, yu go nid fɔ de go na di Intanɛt so dat yu go dawnlod dɛn nyu tin dɛn ya we dɛn kin ad.

WETIN MEK I FAYN FƆ GƐT AM? JW Laybri de mek am izi fɔ mek yu du yu pasɔnal stɔdi ɛn i de ɛp yu fɔ bɛnifit mɔ we yu de na mitin. Yu kin yuz am bak we yu de prich, mɔ we yu de prich ɔdasay apat frɔm os to os.