As di ɛnd de kam nia na di mɔ pipul dɛn go de strayk, dɛn go de ɛng bɔm pan dɛnsɛf fɔ kil pipul dɛn, ɛn na so wɔ go de apin bɔku say dɛn. (Rɛv 6:​4) Aw wi go pripia fɔ di prɔblɛm dɛn we go mit wi tumara bambay?

• Rɛdi bay we yu gɛt tayt padi biznɛs wit Jiova: Fɛn Baybul prinsipul ɛn stori dɛn we go ɛp yu fɔ abop pan Jiova ɛn in ɔganayzeshɔn ɛn we go ɛp yu nɔ fɔ put an pan wɔ ɔ pɔlitiks. (Prɔ 12:​5; jr-E pej 125 ɛn pej 126, par. 23 ɛn par. 24) Naw na di tɛm fɔ gɛt tayt padi biznɛs wit di wan dɛn we de na yu kɔngrigeshɔn.—1Pi 4:​7, 8

• Du wetin yu fɔ du fɔ rɛdi: Mek arenjmɛnt fɔ di tɛm dɛn we yu nɔ go ebul fɔ kɔmɔt na os ɛn kip sɔntin dɛn we yu go nid. Mek arenjmɛnt bak bɔt wetin fɔ du di tɛm we yu go nid fɔ kɔmɔt na os. Chɛk wetin de insay yu imajɛnsi bag ɛn put tin dɛn we yu go nid lɛk maks, glɔv, ɛn mɔni. Fɛn we fɔ tɔk to yu ɛlda dɛn ɛn mek shɔ se dɛnsɛf no aw fɔ kɔntakt yu.—Ayz 32:​2; g17.5-E pej 3 to pej 7

We prɔblɛm de, kɔntinyu fɔ du di tin dɛn we yu bin de du fɔ wɔship Jiova. (Fil 1:​10) Avɔyd fɔ de muv frɔm wan ples go ɔdasay, pas if yu nid fɔ muv. (Mat 10:​16) Sheb it ɛn ɔda tin dɛn.—Rom 12:​13.

WACH DI VIDIO WE GƐT DI TAYTUL, YU RƐDI FƆ DI TƐM WE BAD TIN GO APIN? DƆN UNA ANSA DI KWƐSTYƆN DƐN WE DE DƆŊ:

• Aw Jiova go ɛp yu di tɛm we prɔblɛm de?

• Wetin na sɔm tin dɛn we wi go du fɔ pripia?

• Aw wi go ɛp pipul dɛn we di dizasta afɛkt?