Bikɔs wi lɛk wi brɔda ɛn sista dɛn frɔm wi at, wi kin op se dɛn go disayd fɔ du di rayt tin. (1Kɔ 13:​4, 7) Fɔ ɛgzampul, if pɔsin kɔmit sin ɛn dɛn disiplin am, wi de op se i go gri fɔ mek dɛn ɛp am ɛn chenj. Wi kin peshɛnt wit di wan dɛn we nɔ gɛt bɛtɛ fet ɛn tray fɔ ɛp dɛn. (Rom 15:​1) If pɔsin lɛf fɔ sav Jiova, wi nɔ go giv-ɔp se i nɔ go kam bak wande.—Lyu 15:​17, 18.

WACH DI VIDIO WE GƐT DI TAYTUL, MƐMBA DI KAYN WE AW LƆV DE MEK PƆSIN BIEV—YU GO DE ABOP ƆLTƐM SE BƐTƐ GO FALA DƐN, DƆN UNA ANSA DI KWƐSTYƆN DƐN WE DE DƆŊ:

• Aw Abna bin de chenj di wan dɛn we i de biɛn?

• Wetin Devid ɛn Joab bin du we Abna kam bak ɛn aks fɔ de wit dɛn?

• Wetin mek wi fɔ op se bɛtɛ go fala wi brɔda ɛn sista dɛn?