LIV YU LAYF LƐK KRISTIAN
Si Yusɛf Lɛk Aw Jiova De Si Yu
Jiova “kin lɛk we in pipul [dɛn] gladi.” (Sam 149:4) Pan ɔl we wi nɔ pafɛkt, i de si wi gud kwaliti dɛn ɛn di tin dɛn we wi ebul fɔ du. Bɔt sɔntɛnde, i nɔ kin izi fɔ mek wi si wi yon gud kwaliti dɛn. Bikɔs ɔda pipul dɛn nɔ de trit wi fayn dat kin mek wi fil se wi nɔ gɛt valyu. Ɔ if wi pe atɛnshɔn pan di mistek dɛn we wi bin dɔn mek trade, i go mek wi bigin dawt if Jiova rili lɛk wi. Wetin go ɛp wi if wi de fil dɛn kayn we dɛn ya?
Mɛmba se Jiova de si wetin mɔtalman nɔ de ebul fɔ si. (1Sa 16:7) Dat min se i de si pas wetin wi no bɔt wisɛf. Wi rili gladi bikɔs di Baybul ɛp wi fɔ no aw Jiova de si wi. Wi kin ɔndastand dat we wi rid vas dɛn ɛn stori dɛn na di Baybul we de sho aw Jiova rili lɛk di wan dɛn we de wɔship am.
WACH DI VIDIO WE GƐT DI TAYTUL, TRAY FƆ MEK YU AT BILIV SE JIOVA LƐK YU, DƆN UNA ANSA DI KWƐSTYƆN DƐN WE DE DƆŊ:
-
Wetin di ɛgzampul bɔt pɔsin we de rɔn ɛn in papa tich wi bɔt di we aw Jiova de si wi?
-
If pɔsin we kɔmit siriɔs sin du wetin i fɔ du fɔ gɛt tayt padi biznɛs bak wit Jiova, aw i go gɛt kɔnfidɛns se Jiova dɔn fɔgiv am?—1Jɔ 3:19, 20
-
Aw di brɔda bɛnifit we i rid ɛn tink gud wan bɔt Devid ɛn Jɛoshafat dɛn stori?
