LIV YU LAYF LƐK KRISTIAN
Jiova Na “Papa to Udat Nɔ Gɛt Papa”
Ɛni ia, bɔku yɔŋ wan dɛn de disayd fɔ bi Gɔd in padi. (Sam 110:3) Jiova rili bisin bɔt ɛni wan pan una. I ɔndastand di difrɛn prɔblɛm dɛn we una kin gɛt ɛn i dɔn prɔmis fɔ ɛp una fɔ sav am. If dɛn de mɛn yu na famili usay na yu mama ɔ papa nɔmɔ de, mɛmba se Jiova go bi “Papa to udat nɔ gɛt papa.” (Sam 68:5) Di trenin we Jiova de gi yu go ɛp yu fɔ go bifo ilɛk wetin de apin na yu os.—1Pi 5:10.
WACH DI VIDIO WE GƐT DI TAYTUL, PIPUL DƐN WE DE TINAP TRANGA WAN FƆ DI FET—DI WAN DƐN WE NA DƐN MAMA Ɔ PAPA NƆMƆ DE SAV JIOVA, DƆN UNA ANSA DI KWƐSTYƆN DƐN WE DE DƆŊ:
-
Wetin wi lan frɔm Tami, Chals, ɛn Jimi dɛn ɛgzampul?
-
Us prɔmis de na Sam 27:10 fɔ di wan dɛn we na dɛn mama ɔ papa nɔmɔ de sav Jiova?
