I kin izi fɔ mek wi tink se we wi yɔŋ wi go kɔntinyu fɔ gɛt trɛnk ɛn wi nɔ go gɛt di “trɔbul” we pɔsin kin gɛt we i dɔn ol insay dis wɔl we Setan de rul. (Ɛkli. 12:1) If yu na yɔŋ pɔsin, yu go se yu gɛt bɔku tɛm fɔ du mɔ fɔ sav Gɔd, lɛk fɔ yuz ɔl yu tɛm fɔ du di prichin wok?

“Tin dɛn we wi nɔ no se go apin kin apin” to wi ɔl, ivin di wan dɛn we yɔŋ. (Ɛkli. 9:11, NW) “Una nɔ no wetin go bi to una tumara.” (Jem. 4:14) So, nɔ se i nɔ impɔtant fɔ du mɔ fɔ sav Gɔd. Tray fɔ du “big wok” we yu stil gɛt chans. (1 Kɔr. 16:9) Yu nɔ go rigrɛt am.

• Fɔ prich insay ɔda lanwej

• Fɔ payɔnia

• Fɔ go di skul dɛn we di ɔganayzeshɔn dɔn mek fɔ tich wi di Baybul

• Fɔ du bildin wok

• Fɔ wok na Bɛtɛl

• Fɔ du sakit wok