LIV YU LAYF LƐK KRISTIAN
Di Oli Spirit Du Wok we Bin At fɔ Du
Frɔm tɛm, Gɔd in pipul dɛn dɔn ebul fɔ du wɔndaful tin dɛn bikɔs Jiova de ɛp dɛn, nɔto bikɔs ɔf wetin dɛn ebul du. Insay 1954, Jiova in ɔganayzeshɔn bin pul wan fim we gɛt di taytul The New World Society in Action. Ɛn bɔku pan di wan dɛn we ɛp fɔ mek am na bin Bɛtɛlayt dɛn we nɔ wande mek fim. Na Jiova in oli spirit nɔmɔ bin ɛp dɛn fɔ ebul du dis tranga wok. Dis gi wi kɔnfidɛns se if wi abop pan Jiova wi go ebul fɔ du ɛni wok we wi gɛt.—Zɛk 4:6.
WACH DI VIDIO WE DE SHO AW DƐN MEK “THE NEW WORLD SOCIETY IN ACTION,” DƆN UNA ANSA DI KWƐSTYƆN DƐN WE DE DƆŊ:
-
Wetin mek dɛn bin disayd fɔ mek vidio bɔt wɔl ɛdkwata?
-
Aw di vidio bin sho se Bɛtɛl tan lɛk mɔtalman bɔdi?—1Kɔ 12:14-20
-
Us prɔblɛm dɛn di brɔda dɛn bin gɛt we dɛn bin de mek di vidio? Aw dɛn bin ebul fɔ sɔlv dɛn?
-
Wetin dis ɛkspiriɛns tich wi bɔt Jiova in oli spirit?
