LIV YU LAYF LƐK KRISTIAN
Jiova Rili Valyu Wi Prea Dɛn
Prea dɛn we Jiova gri wit tan lɛk di fayn smɛl we insɛns we dɛn bin de bɔn ɔltɛm na di tɛmpul bin gɛt. (Sam 141:2) Wi de sho se wi valyu wi padi biznɛs wit wi Papa we de na ɛvin we wi tɛl am aw wi lɛk am ɛn gladi fɔ wetin i de du fɔ wi, we wi tɛl am di tin we de mɔna wi ɛn wetin wi want fɔ du, ɛn we wi de beg am fɔ dayrɛkt wi. Fɔ tru, Jiova de si di shɔt prea dɛn we wi de mek na wi mitin dɛn as impɔtant pat pan wi wɔship. Bɔt, Jiova kin rili gladi we wi de spɛnd lɔng tɛm fɔ tɔk to am tru prea ɛn tɛl am ɔltin we de na wi at.—Prɔ 15:8.
WACH DI VIDIO WE GƐT DI TAYTUL, A RILI VALYU PREA, DƆN UNA ANSA DI KWƐSTYƆN DƐN WE DE DƆŊ:
-
Us asaynmɛnt dɛn Brɔda Jɔnsin dɔn gɛt as i de wok fɔ Jiova?
-
Aw Brɔda Jɔnsin dɔn sho se i abop pan Jiova we i de pre?
-
Us lɛsin dɛn yu lan frɔm Brɔda Jɔnsin in ɛkspiriɛns dɛn?
