DU WETIN YU DƆN LAN WE YU DE PRICH | GƐT GLADI-AT WE YU DE MEK DISAYPUL
Yuz Wi Risach Tul Dɛn
Jiova de gi wi tul dɛn we de ɛp wi fɔ tich fayn lɛk vidio dɛn, trakt dɛn, magazin dɛn, brosho dɛn, buk dɛn, ɛn wi men tul we na di Baybul. (2Ti 3:16) I de gi wi bak risach tul dɛn we de ɛp wi fɔ ɛksplen di Baybul. Dɛn tul dɛn ya na, di Watchtower Library, the JW Library® ap, the Watchtower ONLINE LIBRARY™, ɛn Risach Gayd fɔ Jiova Witnɛs Dɛn.
Yu go gɛt gladi-at we yu yuz dɛn tul dɛn fɔ luk gud wan fɔ di valyu tin dɛn we de na Gɔd in Wɔd. Mek shɔ se yu tich yu studɛnt dɛn aw fɔ yuz dɛn tul dɛn. Dɛnsɛf go gladi we dɛn de gɛt ansa to di kwɛstyɔn dɛn we dɛn gɛt bɔt di Baybul fɔ dɛnsɛf.
WACH DI VIDIO WE GƐT DI TAYTUL, GƐT GLADI-AT WE YU DE MEK DISAYPUL—GRI FƆ MEK JIOVA ƐP YU—RISACH TUL DƐN, DƆN UNA ANSA DI KWƐSTYƆN DƐN WE DE DƆŊ:
-
Wetin Judit bin se bɔt udat mek ɔltin?
-
Usay Anita bin fɛn infɔmeshɔn bɔt di tɔpik?
-
Fɔ fɛn ɛn tɔk bɔt di valyu tin dɛn na Gɔd in Wɔd de mek wi gladi
Aw Anita bin fɛn sɔntin we bin fayn fɔ Judit?
-
We Anita bin de yuz di risach tul dɛn, aw dat bin afɛkt am?
