LIV YU LAYF LƐK KRISTIAN
Mama ɛn Papa dɛn Una Ɛp Una Pikin dɛn fɔ Aplay di Tin dɛn we Dɛn De Lan bɔt Jiova
Wan pan di bɛst we dɛn we mama ɛn papa dɛn go ɛp dɛn pikin dɛn fɔ aplay wetin dɛn de lan na we dɛn de ɛp dɛn fɔ bɛnifit frɔm di mitin dɛn. Di tin dɛn we pikin dɛn de si, yɛri, ɛn we dɛn de kɔmɛnt na mitin dat kin ɛp dɛn fɔ lan bɔt Jiova ɛn bi in tayt padi. (Dit 31:12, 13) If yu na mama ɔ papa, aw yu go ɛp yu pikin fɔ rili bɛnifit frɔm di mitin dɛn?
-
Tray tranga wan fɔ atɛnd di mitin dɛn na Kiŋdɔm Ɔl.—Sam 22:22
-
Spɛnd tɛm fɔ ɛnkɔrej di brɔda ɛn sista dɛn bifo ɛn afta di mitin.—Ibr 10:25
-
Mek shɔ se ɔlman na yu famili gɛt di pɔblikeshɔn dɛn we wi de yuz na di mitin ilɛk na fon, ɔ tablɛt, ɔ ad kɔpi.
-
Ɛp yu pikin fɔ pripia kɔmɛnt insay in yon wɔd dɛn.—Mat 21:15, 16
-
Tɔk fayn bɔt di mitin dɛn ɛn di tin dɛn we yu de lan de
-
Ɛp yu pikin dɛn fɔ du tin dɛn na Kiŋdɔm Ɔl lɛk fɔ klin ɛn tɔk wit brɔda ɛn sista dɛn we dɔn ol na di kɔngrigeshɔn
Fɔ mek una pikin dɛn gɛt tayt padi biznɛs wit Jiova una nid fɔ wok tranga wan, ɛn sɔntɛnde i nɔ kin rili izi. Bɔt una kin abop pan Jiova fɔ ɛp una.—Ayz 40:29.
WACH DI VIDIO WE GƐT DI TAYTUL, MAMA ƐN PAPA DƐN UNA ABOP PAN JIOVA FƆ TRƐNK, DƆN UNA ANSA DI KWƐSTYƆN DƐN WE DE DƆŊ:
-
Aw di taya we Zak ɛn Lia bin taya afɛkt dɛn?
-
Wetin mek mama ɛn papa dɛn nid fɔ abop pan Jiova fɔ gi dɛn trɛnk?
-
Us we dɛn Zak ɛn Lia bin sho se dɛn abop pan Jiova fɔ ɛp dɛn?
