LIV YU LAYF LƐK KRISTIAN
Shɛpad dɛn We De Wok fɔ Ɛp Jiova in Pipul Dɛn
Bɔku pipul dɛn nɔ trɔst di wan dɛn we de na pawa. Bɔt wi nɔ go blem dɛn. Fɔ lɔng tɛm, mɔtalman dɛn dɔn de yuz dɛn pawa bad we fɔ bɛnifit dɛnsɛf. (May 7:3) Wi rili gladi we dɛn dɔn tren di ɛlda dɛn na di kɔngrigeshɔn fɔ yuz di pawa we dɛn gɛt fɔ ɛp Jiova in pipul dɛn.—Ɛst 10:3; Mat 20:25, 26.
Ɛlda dɛn difrɛn frɔm di wan dɛn we gɛt pawa na dis wɔl, dɛn de wok as ovasia dɛn bikɔs dɛn lɛk Jiova ɛn in pipul dɛn. (Jɔn 21:16; 1Pi 5:1-3) Jizɔs de dayrɛkt dɛn shɛpad dɛn ya fɔ ɛp pɔblisha dɛn fɔ fil se dɛn de pat pan Jiova in famili we de wɔship am ɛn ɛp dɛn fɔ gɛt tayt padi biznɛs wit Jiova. Dɛn nɔ kin westɛm fɔ ɛnkɔrej Jiova in ship dɛn; ɛn fɔ ɛp dɛn we dɛn gɛt wɛlbɔdi prɔblɛm we dɛn fɔ du sɔntin bɔt kwik kwik wan, ɛn we dizasta dɛn kin apin. If yu nid ɛp wit ɛnitin, na fɔ tɔk to di ɛlda dɛn na yu kɔngrigeshɔn.—Jem 5:14.
WACH DI VIDIO WE GƐT DI TAYTUL, SHƐPAD DƐN WE DE KIA FƆ DI SHIP DƐN, DƆN UNA ANSA DI KWƐSTYƆN DƐN WE DE DƆŊ:
-
Aw Marina bin bɛnifit frɔm di ɛp we di ɛlda dɛn gi am?
-
Aw Ilayas bin bɛnifit frɔm di ɛp we di ɛlda dɛn gi am?
-
Aw dɛn ɛkspiriɛns dɛn ya dɔn afɛkt di we aw yu de si di wok we di ɛlda dɛn de du?
