WETIN MEK I IMPƆTANT: Wi mitin dɛn de gi wi chans fɔ “siŋ” to Jiova ɛn “prez” am. (Sam 149:1) We wi go na mitin, wi de lan wetin Gɔd want wi fɔ du. (Sam 143:10) Di wan dɛn we de sho se dɛn want fɔ no mɔ ɛn di wan dɛn we de stɔdi di Baybul kin go bifo kwik kwik wan we dɛn bigin fɔ kam mitin.

AW FƆ DU AM?

• Nɔ westɛm fɔ invayt dɛn. Yu nɔ nid fɔ wet te una bigin fɔ stɔdi.—Rɛv. 22:17

• Ɛksplen to di pɔsin wetin i go gɛt fɔ yɛri na di mitin ɛn wetin wi go tɔk bɔt na di nɛks mitin. Dɛn tin dɛn ya go ɛp yu: di kɔngrigeshɔn mitin inviteshɔn, di fim we se Wetin Kin Apin na Kiŋdɔm Ɔl? we wi kin yuz fɔ invayt pipul dɛn fɔ kam di mitin, ɛn lɛsin 5 ɛn lɛsin 7 insay di buk we gɛt di taytul, Udat Dɛn De Du Wetin Jiova Want?

• Ɛp di pɔsin. Di pɔsin we yu de invayt go nid transpɔt ɔ i go nid fɔ lɛ yu sho am uskayn klos fɔ wɛr? Sidɔm nia am na mitin, ɛn una ɔltu yuz di tin dɛn we una nid fɔ di mitin. Sho am to ɔda pipul dɛn