Aw Wi Go Gɛt Tru Tru Fridɔm?
“If Gɔd in Pikin mek una fri, dɛn una go fri fɔ tru.”—JƆN 8:36.
1, 2. (a) Wetin pipul dɛn de du fɔ gɛt fridɔm? (b) Wetin dɔn apin?
TIDE, bɔku pipul dɛn na di wɔl de tɔk bɔt ikwal rayt ɛn fridɔm. Sɔm pipul dɛn want fridɔm bikɔs ɔda pipul dɛn de trit dɛn bad, ɔ bikɔs ɔda pipul dɛn de tink se dɛn bɛtɛ pas dɛn ɛn bikɔs dɛn po. Ɔda pipul dɛn want fridɔm fɔ tɔk wetin dɛn want fɔ tɔk, fɔ disayd wetin dɛn want fɔ disayd, ɛn fɔ liv di layf we dɛn want fɔ liv. Pipul dɛn ɔlsay na di wɔl want fridɔm.
2 Pipul dɛn kin kam togɛda ɛn strayk, sɔm kin ivin sɛt ala ala fɔ lɛ dɛn go gɛt fridɔm. Bɔt fɔ se dɛn kin gɛt wetin dɛn rili want? Nɔ, i nɔ kin bi so. Dɛn kin sɔfa mɔ ɛn mɔ ɛn sɔm kin ivin day. Na tru Kiŋ Sɔlɔmɔn bin tɔk na Ɛkliziastis 8:9 we i se: ‘Pipul we gɛt pawa de sɔprɛs di wan we dɛn gɛt pawa pas te dɛn ambɔg dɛn.’
3. Wetin wi go du fɔ gɛt tru tru fridɔm ɛn fɔ mek wi satisfay?
3 Di Baybul tɛl wi wetin wi nid fɔ du fɔ mek wi go gɛt tru tru gladi at ɛn satisfay. Di disaypul Jems bin tɔk se: “Gɔd in wɔd na di rayt tin fɔ mɔtalman ɛn i de mek mɔtalman Jems 1:25) Di wɔd dɛn we de na di Baybul kɔmɔt frɔm Jiova, ɛn i no wetin wi nid we go mek wi rili gladi ɛn satisfay. Jiova bin gi Adam ɛn Iv tru tru fridɔm ɛn ɔl wetin dɛn nid fɔ lɛ dɛn go gɛt gladi at.
fri; ɛnibɔdi we put ɔl in at pan am . . . Gɔd go blɛs am.” (DI TƐM WE MƆTALMAN BIN GƐT TRU TRU FRIDƆM
4. Us fridɔm Adam ɛn Iv bin gɛt? (Luk di pikchɔ nia dis atikul in taytul.)
4 We wi rid Jɛnɛsis chapta 1 ɛn 2, wi lan se di kayn fridɔm we Adam ɛn Iv bin gɛt bin rili wɔndaful, ɛn na da kayn fridɔm de pipul dɛn want tide bɔt dɛn nɔ ebul fɔ gɛt am. Dɛn bin gɛt ɔl wetin dɛn nid, dɛn nɔ bin de fred natin, ɛn nɔbɔdi nɔ bin de trit in kɔmpin bad. Dɛn nɔ bin de wɔri bɔt it, wok, sik, ɔ day. (Jɛnɛsis 1:27-29; 2:8, 9, 15) Bɔt fɔ se dɛn bin gɛt fridɔm fɔ du ɔltin? Lɛ wi si.
5. Apat frɔm wetin pipul dɛn de tink, wetin pipul dɛn nid we go mek dɛn gɛt fridɔm?
5 Bɔku pipul dɛn tink se fɔ gɛt tru tru fridɔm min se dɛn fɔ du ɛnitin we dɛn want fɔ du ɛn nɔ wɔri bɔt wetin gɛt fɔ apin. Wan buk we dɛn kɔl The World Book Encyclopedia tɔk se fridɔm na “we yu ebul fɔ disayd fɔ du sɔntin ɛn du wetin yu disayd.” Bɔt i tɔk bak se pipul dɛn go gɛt fridɔm if di gɔvmɛnt nɔ de stɔp dɛn fɔ du wetin dɛn want, we no rizin nɔ de fɔ mek dɛn du dat, we nɔ impɔtant, ɛn we nɔ fia. Dis min se i impɔtant fɔ stɔp sɔm tin dɛn so dat ɔlman go gɛt fridɔm. Bɔt udat gɛt di rayt fɔ disayd if di stɔp we dɛn stɔp pipul dɛn na fia wan, if i impɔtant, ɛn if dɛn gɛt rizin fɔ du dat?
6. (a) Wetin mek na Jiova wangren nɔ gɛt say usay in fridɔm stɔp? (b) Uskayn fridɔm we mɔtalman gɛt? Wetin mek?
6 I impɔtant fɔ mek wi mɛmba se na Jiova nɔmɔ gɛt ɔl di fridɔm, ɛn i nɔ gɛt say usay in fridɔm stɔp. Wetin mek? Na bikɔs na in mek ɔltin ɛn na in na di Ɔlmayti we de Rul di wan ol wɔl. (Fɔs Lɛta To Timoti 1:17; Rɛvɛleshɔn 4:11) Kiŋ Devid bin yuz fayn wɔd dɛn fɔ tɛl wi bɔt Jiova in pozishɔn. (Rid Fɔs Kronikul 29:11, 12.) Bɔt ɔl di enjɛl dɛn na ɛvin ɛn ɔl di mɔtalman dɛn na dis wɔl gɛt usay dɛn fridɔm stɔp. Jiova Gɔd want wi fɔ ɔndastand se na in nɔmɔ gɛt di rayt fɔ disayd usay wi fridɔm nid fɔ stɔp ɛn usay i fayn fɔ lɛ wi stɔp. Jiova bin dɔn disayd usay wi fridɔm fɔ stɔp frɔm di tɛm wi i bigin mek di wɔl.
7. Wetin na sɔm pan di tin dɛn we wi kin du we de mek wi gladi?
7 Pan ɔl we Adam ɛn Iv bin gɛt bɔku fridɔm, dɛn bin stil gɛt say usay dɛn fridɔm stɔp. Sɔm na bin nɔmal tin to dɛn. Fɔ ɛgzampul, fɔ mek dɛn kɔntinyu fɔ liv, dɛn bin nid fɔ blo, it, ɛn slip. Fɔ se dis bin min se dɛn nɔ gɛt ɛni fridɔm? Nɔ, i nɔ bin min dat. Infakt, Jiova bin mek shɔ se dɛn gɛt gladi at ɛn satisfay we dɛn du dɛn tin dɛn de. (Sam 104:14, 15; Ɛkliziastis 3:12, 13) Wi ɔl kin ɛnjɔy di fayn briz, wi kin ɛnjɔy we wi de it di it dɛn we wi lɛk, ɛn fɔ slip fayn na nɛt. Wi nɔ kin fil se pɔsin de tayt wi we wi de du dɛn tin dɛn ya. Adam ɛn Iv go mɔs dɔn fil dis sem we.
8. Us patikyula lɔ Jiova bin gi Adam ɛn Iv? Wetin mek?
Jɛnɛsis 1:28) Fɔ se dis lɔ bin mek dɛn nɔ gɛt fridɔm? Nɔ, nɔto so i bi! Dis bin gi dɛn di chans fɔ mek di wan ol wɔl bi Paradays, usay dɛn go de sote go wit dɛn pafɛkt pikin dɛn. Na dis Gɔd bin want fɔ mɔtalman. (Ayzaya 45:18) Tide, i nɔ min se pipul dɛn nɔ de du wetin Gɔd want if dɛn disayd nɔ fɔ mared ɔ bɔn pikin. Tide, pipul dɛn kin stil mared ɛn bɔn pikin dɛn pan ɔl we prɔblɛm dɛn kin de. (Fɔs Lɛta Fɔ Kɔrint 7:36-38) Wetin mek? Na bikɔs dɛn kin fil se dɛn go satisfay ɛn gɛt gladi at. (Sam 127:3) If Adam ɛn Iv bin obe Jiova, dɛn fɔ dɔn ɛnjɔy dɛn mared ɛn gladi fɔ de wit dɛn famili sote go.
8 Jiova bin gi Adam ɛn Iv wan patikyula lɔ. I bin tɛl dɛn fɔ bɔn pikin dɛn, ful-ɔp di wɔl, ɛn kia fɔ ɔltin. (AW WI BIN LƆS TRU TRU FRIDƆM?
9. Wetin mek di lɔ we Gɔd bin gi na Jɛnɛsis 2:17 (NW) bin fia, impɔtant, ɛn i bin gɛt gud rizin fɔ du dat?
9 Jiova bin gi Adam ɛn Iv wan ɔda lɔ, ɛn i bin tɛl dɛn wetin go apin if dɛn nɔ obe am. Jiova bin tɔk se: “As fɔ di sɛns tik we de sho gud ɛn bad, yu nɔ fɔ it frɔm am, bikɔs di de we yu it frɔm am, natin nɔ go pwɛl am, yu go day.” (Jɛnɛsis 2:17, NW) Yu tink se dis lɔ we Jiova gi bin fia, impɔtant, ɛn i gɛt gud rizin fɔ du dat? Fɔ se i bin mek Adam ɛn Iv nɔ gɛt fridɔm igen? Nɔ, nɔto so i bi. Infakt, bɔku masta sabi bukman dɛn we dɔn stɔdi di Baybul tink se Gɔd in lɔ bin rili mek sɛns. Wan pan dɛn bin tɔk se di lɔ we Gɔd bin gi dɛn de tich wi se “na Gɔd nɔmɔ no wetin gud . . . fɔ mɔtalman ɛn na Gɔd nɔmɔ no wetin nɔ gud . . . fɔ dɛn. Fɔ mek wi go ɛnjɔy di ‘gud,’ mɔtalman fɔ abop pan Gɔd ɛn obe am. If dɛn nɔ obe am, i go lɛf dɛn fɔ disayd fɔ dɛnsɛf wetin gud . . . ɛn wetin nɔ gud.” Dat na tin we nɔ rili izi fɔ mek mɔtalman du fɔ dɛnsɛf.
Di tin we Adam ɛn Iv disayd fɔ du bin put wi pan trɔbul! (Luk na paregraf 9 to 12)
10. Wetin mek di fridɔm we pɔsin kin gɛt fɔ disayd wetin i want fɔ du difrɛn frɔm di fridɔm we pɔsin kin gɛt fɔ disayd wetin gud ɛn wetin bad?
Na Jiova nɔmɔ bin gɛt di rayt fɔ disayd wetin gud ɛn wetin bad
10 Sɔm pipul dɛn tink se Jiova nɔ bin gi Adam ɛn Iv fridɔm fɔ du wetin dɛn want fɔ du. Bɔt dɛn nɔ no se di rayt we pɔsin kin gɛt fɔ pik wetin i want fɔ du, difrɛn frɔm di rayt we pɔsin kin gɛt fɔ disayd wetin gud ɛn wetin bad. Adam ɛn Iv bin gɛt di fridɔm fɔ disayd if dɛn go obe Gɔd ɔ if dɛn nɔ go obe am. Bɔt na Jiova nɔmɔ bin gɛt di rayt fɔ disayd wetin gud ɛn wetin bad. Di sɛns tik we de sho wetin gud ɛn wetin bad bin de gi pruf to Adam ɛn Iv fɔ no se na Jiova nɔmɔ gɛt di rayt fɔ disayd wetin gud ɛn wetin bad. (Jɛnɛsis 2:9) Nɔto ɔltɛm wi kin no wetin go apin we wi disayd fɔ du sɔntin, ɛn wi nɔ kin rili no if na gud tin go apin. Na dat mek wi kin si se pipul dɛn gɛt gud rizin fɔ du sɔntin, bɔt dɛn kin sɔfa afta dat, ɛn bad bad tin kin apin. (Prɔvabs 14:12) Fɔ tru, mɔtalman nɔ gɛt di fridɔm fɔ du ɔltin. We Jiova bin gi Adam ɛn Iv di lɔ fɔ se dɛn nɔ fɔ it frɔm di tik, Jiova bin de tich dɛn se dɛn fɔ obe am if dɛn want fɔ gɛt tru tru fridɔm. Wetin Adam ɛn Iv bin disayd fɔ du?
11, 12. Wetin mek di tin we Adam ɛn Iv bin disayd fɔ du mek bad bad tin apin? Gi wan ɛgzampul.
11 I sɔri fɔ no se Adam ɛn Iv bin disayd nɔ fɔ obe Jiova. Iv bin disayd fɔ lisin to Setan we bin prɔmis am se: “Una yay go opin ɛn una go tan lɛkɛ am, dɔn una go no wetin gud frɔm wetin bad.” (Jɛnɛsis 3:5) Yu tink se di tin we Adam ɛn Iv bin disayd fɔ du bin mek dɛn gɛt mɔ fridɔm jɔs lɛk aw Setan bin tɔk? Nɔ, nɔto so i bi. Infakt, dɛn bin kam fɔ no se bikɔs dɛn nɔ bin gri fɔ lɛ Jiova dayrɛkt dɛn, dat bin mek dɛn sɔfa bad bad wan. (Jɛnɛsis 3:16-19) Wetin mek? Na bikɔs Jiova nɔ bin gi mɔtalman di fridɔm fɔ disayd fɔ insɛf wetin gud ɛn wetin bad.—Rid Prɔvabs 20:24; Jɛrimaya 10:23.
12 Dis tin we bin apin tan lɛk pɔsin we de flay plen. Fɔ mek i rich usay i de go sef wan, i nid fɔ flay di plen na di say usay dɛn tɛl am fɔ flay. I nid fɔ yuz bak di tin dɛn we di plen gɛt lɛk map, kɔmpas, ɛn i fɔ de tɔk wit di wan dɛn we de sho am usay i fɔ flay di plen. Bɔt if di pɔsin we de flay di plen nɔ gri fɔ du wetin dɛn tɛl am ɛn flay di plen di we aw i want, dat go mek i gɛt aksidɛnt. Jɔs lɛk da pɔsin we de flay plen, Adam ɛn Iv bin want fɔ du tin di we aw dɛn Lɛta Fɔ Rom 5:12) Adam ɛn Iv nɔ bin gɛt mɔ fridɔm we dɛn bin tray fɔ disayd fɔ dɛnsɛf wetin gud ɛn wetin bad. Bifo dat, dɛn bin lɔs di tru tru fridɔm we Jiova bin gi dɛn.
want. Dɛn nɔ gri fɔ lisin to Gɔd. Wetin bin apin? Bad bad tin bin apin! Di tin we dɛn bin disayd fɔ du bin briŋ sin ɛn day pan dɛn ɛn ɔl dɛn pikin dɛn. (AW FƆ GƐT TRU TRU FRIDƆM?
13, 14. Aw wi go gɛt tru tru fridɔm?
13 Sɔm pipul dɛn tink se di bɛst tin fɔ dɛn na we dɛn gɛt fridɔm fɔ du ɛnitin we dɛn want fɔ du. Bɔt na so i bi? Pan ɔl we fridɔm de mek pɔsin gɛt bɔku bɛnifit, yu go ebul imajin aw di wɔl fɔ dɔn tan lɛk if ɔlman bin fri fɔ du ɛnitin we i want fɔ du? Wan buk we dɛn kɔl The World Book Encyclopedia tɔk se di lɔ dɛn we mɔtalman kin mek kin tranga bikɔs dɛn kin tray fɔ protɛkt ɛn stɔp di pipul dɛn fridɔm. Dis na tin we nɔ kin rili izi. Na dat mek wi de si bɔku lɔ dɛn, lɔya dɛn, ɛn jɔj dɛn we de tray fɔ ɛksplen di lɔ dɛn ɛn mek pipul dɛn du wetin di lɔ se.
14 Jizɔs Krays bin ɛksplen aw wi go gɛt tru tru fridɔm. I bin tɔk se: “If una de du ɔl wetin a tɛl una fɔ du, una na mi lanin bɔy dɛn fɔ tru, una go no wetin tru bɔt Gɔd, ɛn dat go mek una fri.” (Jɔn 8:31, 32) So fɔ gɛt tru tru fridɔm, wi nid fɔ du tu tin dɛn. Fɔs, wi nid fɔ biliv di tru tin dɛn we Jizɔs bin de tich. Sɛkɔn, wi nid fɔ bi wan pan in disaypul dɛn. We wi du dɛn tin dɛn ya, dat go mek wi gɛt tru tru fridɔm. Bɔt wetin wi go fri frɔm? Jizɔs bin tɔk se: “Ɛnibɔdi we sin, na slev to sin.” I bin kɔntinyu fɔ tɔk se: “If Gɔd in Pikin mek una fri, dɛn una go fri fɔ tru.”—Jɔn 8:34, 36
15. Wetin mek di fridɔm we Jizɔs bin prɔmis mek wi “fri fɔ tru”?
15 Di fridɔm we Jizɔs bin prɔmis in disaypul dɛn bɛtɛ fa fawe pas di kayn fridɔm we bɔku pipul dɛn want tide. We Jizɔs bin tɔk se, “if Gɔd in Pikin mek una fri, dɛn una go fri fɔ tru,” i bin de tɔk bɔt di fridɔm we pɔsin go gɛt we i nɔ bi slev to sin igen, we na di wɔs tin we dɔn ɛva apin to mɔtalman. Aw wi bi slev to sin? Sin de mek wi de du bad tin dɛn. I kin mek bak wi nɔ du di rayt tin ɔ nɔ du wi bɛst. Dis dɔn mek pipul dɛn de sɔfa, gɛt pwɛl at, pen, ɛn leta dɛn kin ivin day. (Lɛta Fɔ Rom 6:23) Di apɔsul Pɔl bin no wetin i min fɔ bi slev to sin. (Rid Lɛta Fɔ Rom 7:21-25.) Pas te Jiova pul sin kɔmɔt na dis wɔl, na da tɛm de wi go gɛt di tru tru fridɔm we Adam ɛn Iv bin gɛt.
16. Aw wi go “fri fɔ tru”?
16 We Jizɔs bin tɔk se, “if una de du ɔl wetin a tɛl una fɔ du,” dis sho se if wi want Jizɔs fɔ fri wi, wi nid fɔ du sɔm tin dɛn. Wetin na dɛn tin ya? As Kristian dɛn we dɔn gi dɛn layf to Jiova, wi dɔn rɛdi fɔ sɔfa ɛn disayd fɔ du wetin Jizɔs tɛl in disaypul dɛn fɔ du. (Matyu 16:24) Jɔs lɛk aw Jizɔs bin prɔmis, wi go gɛt tru tru fridɔm tumara bambay, we na da tɛm de wi go gɛt ɔl di bɛnifit dɛn frɔm Krays in day wan.
17. (a) Aw wi go satisfay ɛn gɛt tru tru gladi at? (b) Wetin wi go lan bɔt insay di nɛks atikul?
17 Fɔ mek wi go gɛt tru tru gladi at ɛn satisfay, wi nid fɔ obe di tin dɛn we Jizɔs dɔn tich as in disaypul. If wi du dis as tɛm de go wi go rili fri frɔm sin ɛn day. (Rid Lɛta Fɔ Rom 8:1, 2, 20, 21.) Insay di nɛks atikul, wi go tɔk bɔt aw wi go gɛt sɛns fɔ yuz di fridɔm we wi gɛt naw. Dɔn wi kin briŋ prez to Jiova we na di Gɔd we go mek wi gɛt tru tru fridɔm sote go.