Wetin Wi Kin Lan Frɔm Jiova in Savant dɛn We Nɔ Kɔmɔt Biɛn Am?
“I dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.”—MAYKA 6:8.
SIŊ DƐN: 63, 43
1, 2. Aw Devid bin sho se i nɔ de kɔmɔt biɛn Gɔd? (Luk di pikchɔ nia dis atikul in taytul.)
SƆL ɛn in 3,000 sojaman dɛn bin de luk fɔ Devid na di ɛmti land usay pɔsin nɔ ebul liv we bin de na Juda. Wetin mek? Na bikɔs dɛn bin want fɔ kil am. Bɔt wan nɛt, Devid ɛn in sojaman dɛn bin si usay Sɔl ɛn in sojaman dɛn bin de. Dɛn ɔl bin de slip, so Devid ɛn Abishay bin waka saful saful pas di sojaman dɛn ɛn dɛn si Sɔl. Abishay tɔk saful wan to Devid se: “Lɛ [a] jɛs chuk am ɛn fasin am na di grɔn de wit in yon spia.” I tɔk bak se i “nɔ go gɛt fɔ chuk am tu tɛm sɛf.” Bɔt Devid nɔ bin gri fɔ lɛ i kil Sɔl. I tɛl Abishay se “lɛ i sɔri fɔ am, as nɔbɔdi nɔ go du bad to di pɔsin we PAPA GƆD pik ɛn go fɔ natin.” Dɔn Devid tɔk bak se “mek PAPA GƆD nɔ mek i ambɔg ɛnibɔdi we PAPA GƆD insɛf dɔn pik.”—Fɔs Samiɛl 26:8-12.
2 Devid bin no wetin i nid fɔ du fɔ lɛ i nɔ kɔmɔt biɛn Jiova. I bin no se i fɔ rɛspɛkt Sɔl ɛn i nɔ bin ivin tink fɔ du ɛni bad tin to am. Wetin mek? Na bikɔs Gɔd bin dɔn pik Sɔl fɔ bi kiŋ na Izrɛl. Jɔs lɛk trade, Jiova want mek ɔl in savant dɛn de biɛn am ɛn i want mek dɛn rɛspɛkt ɔl di wan dɛn we i dɔn pik fɔ de oba dɛn.—Rid3. Aw Abishay nɔ bin kɔmɔt biɛn Devid?
3 Abishay bin rɛspɛkt Devid bikɔs i bin no se na in Gɔd dɔn pik fɔ bi kiŋ. Bɔt we Devid bi kiŋ, i bin mek siriɔs mistek dɛn. I bin du mami ɛn dadi biznɛs wit Yuraya in wɛf, ɛn i bin tɛl Joab fɔ mek shɔ se dɛn kil Yuraya na di wɔ. (Sɛkɛn Samiɛl 11:2-4, 14, 15; Fɔs Kronikul 2:16) Joab na bin Abishay in brɔda, so i go mɔs bi se Abishay bin yɛri bɔt wetin Devid bin du, bɔt i bin stil kɔntinyu fɔ rɛspɛkt Devid. Apat frɔm dat, Abishay na bin bigman pan di sojaman dɛn, so i bin fɔ dɔn yuz in pawa fɔ mek insɛf kiŋ, bɔt i nɔ bin ɛva du am. Bifo dat, i bin wok fɔ Devid ɛn protɛkt am frɔm in ɛnimi dɛn.—Sɛkɛn Samiɛl 10:10; 20:6; 21:15-17.
4. (a) Aw Devid bin sho wetin i min nɔ fɔ kɔmɔt biɛn Gɔd? (b) Us ɔda ɛgzampul dɛn wi go tɔk bɔt?
4 Devid nɔ bin kɔmɔt biɛn Jiova te i day. We i bin smɔl, i bin kil wan jayant we nem Golayath we bin de fityay Jiova ɛn di Izrɛlayt dɛn. (Fɔs Samiɛl 17:23, 26, 48-51) Afta we Devid bi kiŋ, Jiova bin sɛn in prɔfɛt we nem Nethan fɔ go kɔrɛkt am fɔ di mistek dɛn we i dɔn mek. Wantɛm wantɛm, Devid bin gri se i dɔn sin ɛn i bin fil bad fɔ wetin i dɔn du. (Sɛkɛn Samiɛl 12:1-5, 13) Leta, we Devid bin dɔn ol, i bin gi bɔku tin dɛn we gɛt valyu, fɔ ɛp fɔ bil Jiova in tɛmpul. (Fɔs Kronikul 29:1-5) Dis sho klia wan se pan ɔl we Devid bin mek siriɔs mistek dɛn na in layf, i nɔ bin ɛva kɔmɔt biɛn Gɔd. (Sam 51:4, 10; 86:2) Insay dis atikul, wi go tɔk bɔt Devid ɛn ɔda pipul dɛn we bin de da tɛm de ɛn wi go lan bak bɔt aw wi go de biɛn Jiova pas aw wi go de biɛn ɛni ɔda pɔsin. Ɛn wi go tɔk bɔt ɔda kwaliti dɛn we go ɛp wi fɔ du dat.
YU GO DE BIƐN JIOVA?
5. Us lɛsin wi lan frɔm di mistek we Abishay bin mek?
5 We Abishay bin want fɔ kil Sɔl, i bin de tray fɔ sho Devid se i de biɛn am. Bɔt bikɔs Devid bin no se i nɔ go fayn fɔ du bad tin to “di pɔsin we PAPA GƆD pik,” i nɔ bin gri fɔ lɛ Abishay kil di kiŋ. (Fɔs Samiɛl 26:8-11) Dis tich wi wan impɔtant lɛsin: We wi want fɔ disayd udat fɔs wi fɔ de biɛn, wi fɔ tink bɔt us Baybul advays go ɛp wi dɛn tɛm dɛn de.
I impɔtant fɔ de biɛn Jiova pas fɔ de biɛn ɛni ɔda pɔsin
6. Pan ɔl we na nɔmal tin fɔ lɛ wi de biɛn wi famili ɛn padi dɛn, wetin mek wi fɔ tek tɛm?
6 Na nɔmal tin fɔ lɛ wi de biɛn di wan dɛn we wi lɛk, lɛk wi padi ɔ pɔsin na wi Jɛrimaya 17:9) So if sɔmbɔdi we wi lɛk du bad tin ɛn lɛf di trut, wi fɔ mɛmba se i impɔtant fɔ de biɛn Jiova pas fɔ de biɛn ɛni ɔda pɔsin.—Rid Matyu 22:37.
famili. Bɔt bikɔs wi nɔ pafɛkt, di we aw wi kin fil kin ful wi. (7. Aw wan sista nɔ bin kɔmɔt biɛn Jiova pan ɔl we i nɔ bin izi fɔ am?
7 If dɛn dɔn disfɛloship pɔsin na yu famili, yu kin stil sho Jiova se yu de biɛn am. Fɔ ɛgzampul, lɛ wi tɔk bɔt wan sista we nem An, we in mama bin dɔn disfɛloship. Wan de, in mama kɔl am na fon ɛn tɛl am se i want fɔ kam fɛn am. [1] (Rid di ɛndnot ɔnda di las paregraf.) An in mama se i nɔ gladi atɔl bikɔs in famili nɔ bin de tɔk to am. Dis bin mek An fil bad, ɛn i bin prɔmis in mama se i go rayt lɛta to am. Bifo An rayt di lɛta, i bin tink gud wan bɔt sɔm advays dɛn na di Baybul. (Fɔs Lɛta Fɔ Kɔrint 5:11; Jɔn In Sɛkɛn Lɛta 9-11) Insay di lɛta, i bin ɛksplen fayn wan to in mama se na in lɛf di famili we i sin ɛn i nɔ bin fil bad fɔ di sin we i bin du. An bin tɛl in mama se di wangren tin we go mek i gladi bak na we i kam bak to Jiova.—Jems 4:8.
8. Us kwaliti dɛn go ɛp wi nɔ fɔ kɔmɔt biɛn Gɔd?
8 Insay Devid in tɛm, Gɔd bin gɛt sɔm savant dɛn we nɔ bin de kɔmɔt biɛn am. Dɛn bin ɔmbul, gud, ɛn gɛt maynd. Lɛ wi si aw dɛn kwaliti dɛn ya go ɛp wi nɔ fɔ kɔmɔt biɛn Jiova.
WI FƆ ƆMBUL
9. Wetin mek Abna bin tray fɔ kil Devid?
9 Sɔl in pikin we na Jonɛthan ɛn di man we bin de oba di sojaman dɛn na Izrɛl, we nem Abna, bin si we Devid kɛr Golayath in ed go to Kiŋ Sɔl. Jonɛthan kam fɔ bi Devid in padi, ɛn i nɔ bin kɔmɔt biɛn am. (Fɔs Samiɛl 17:57–18:3) Bɔt Abna in nɔ bin du so. Infakt, i bin ivin ɛp Sɔl, we bin want fɔ kil Devid. (Fɔs Samiɛl 26:1-5; Sam 54:3) Jonɛthan ɛn Abna bin no se Gɔd want lɛ Devid bi di nɛks kiŋ na Izrɛl. Bɔt afta we Sɔl day, Abna nɔ bin sɔpɔt Devid. Bifo dat, i bin tray fɔ mek Sɔl in bɔy pikin we nem Ishboshɛth bi kiŋ. Leta, i go bi se Abna insɛf bin want fɔ bi kiŋ, ɛn sɔntɛm na dat mek i bin du mami ɛn dadi biznɛs wit wan pan Kiŋ Sɔl in wɛf dɛn. (Sɛkɛn Samiɛl 2:8-10; 3:6-11) Wetin mek Jonɛthan bin de sɔpɔt Devid bɔt Abna in nɔ bin de sɔpɔt am? Na bikɔs Jonɛthan bin de biɛn Jiova ɛn i bin ɔmbul bɔt Abna in nɔ bin de biɛn Jiova ɛn i nɔ bin ɔmbul.
10. Wetin mek Absalɔm kɔmɔt biɛn Gɔd?
10 Kiŋ Devid in pikin, we na Absalɔm bin kɔmɔt biɛn Gɔd bikɔs i nɔ bin ɔmbul. I bin want fɔ bi kiŋ, so i “bigin waka wit ɔs ɛn karej.” “Dɔn i kin gɛt fifti man [dɛn] fɔ de bifo am.” (Sɛkɛn Samiɛl 15:1) I mek bɔku Izrɛlayt dɛn de biɛn am. I bin ivin tray fɔ kil in papa, pan ɔl we i bin no se na Jiova dɔn mek Devid bi kiŋ na Izrɛl.—Sɛkɛn Samiɛl 15:13, 14; 17:1-4.
11. Wetin wi kin lan frɔm di ɛgzampul dɛn we de na di Baybul bɔt Abna, Absalɔm, ɛn Baruch?
11 We pɔsin nɔ ɔmbul ɛn i want fɔ gɛt mɔ pawa, i kin at fɔ lɛ i de biɛn Gɔd. Na tru se wi lɛk Jiova, ɛn wi nɔ want fɔ de tink bɔt wisɛf nɔmɔ ɛn wikɛd lɛk Abna ɛn Absalɔm. Bɔt wi fɔ tek tɛm fɔ lɛ wi nɔ bigin tink fɔ gɛt bɔku mɔni ɔ fɔ gɛt wok we go mek wi fil se wi impɔtant. Dis go ambɔg wi padi biznɛs wit Jiova. Tɛm bin kam we Jɛrimaya in sɛktri we nem Baruch, bin want sɔntin we i nɔ bin gɛt, so i nɔ bin gladi igen we i de sav Gɔd. Bɔt Jiova bin tɛl am se: “Biliv mi, a de brok wetin a bin dɔn bil, a de rut wetin a bin dɔn plant.” I tɛl am bak se: “Yu de luk fɔ big tin fɔ yusɛf? Nɔ luk fɔ big tin.” (Jɛrimaya 45:4, 5) Baruch bin lisin to Jiova. Ɛn wisɛf fɔ lisin to Jiova tide, bikɔs i nɔ go te igen, i go kam pul ɔl di wikɛd pipul dɛn na di wɔl.
We yu tɛl yu brɔda fɔ go to di ɛlda dɛn fɔ mek dɛn ɛp am, yu de du gud tin to am ɛn yu nɔ de kɔmɔt biɛn Jiova
12. Ɛksplen wetin mek wi nɔ go de biɛn Gɔd ɛn de du di tin dɛn we wi want.
12 Wan brɔda na Mɛksiko, we nem Daniɛl, bin gɛt fɔ disayd udat i fɔ de biɛn. I bin want fɔ mared wan yɔŋ uman we nɔ de wɔship Jiova. Daniɛl tɔk se: “A bin stil de rayt lɛta to am ivin we a bin dɔn bigin fɔ payɔnia.” Bɔt
Daniɛl bin kam fɔ no se i jɔs de tink bɔt insɛf nɔmɔ ɛn du wetin in want. I nɔ bin de biɛn Jiova, ɛn i bin nid fɔ put insɛf dɔŋ. So i bin tɛl wan machɔ ɛlda bɔt dis yɔŋ uman. Daniɛl tɔk bak se: “I ɛp mi fɔ si se if a want fɔ de biɛn Gɔd, a gɛt fɔ stɔp fɔ rayt lɛta to am. Afta we a pre ɛn kray bɔku tɛm to Jiova, a bin stɔp fɔ rayt am. I nɔ tu te, a bigin fɔ ɛnjɔy di prichin wok mɔ.” Naw Daniɛl dɔn mared uman we lɛk Jiova, ɛn tide in na sakit ovasia.WE WI NƆ KƆMƆT BIƐN GƆD, I KIN ƐP WI FƆ DU GUD
If yu kam fɔ no se yu padi dɔn sin siriɔs wan, yu fɔ tɔk to am ɛn mek di ɛlda dɛn ɛp am (Luk na paregraf 14)
13. We Devid bin sin, aw Nethan nɔ bin kɔmɔt biɛn Gɔd ɛn Devid?
13 We wi nɔ kɔmɔt biɛn Jiova, wi nɔ go kɔmɔt biɛn ɔda pipul dɛn bak, ɛn wi go ɛp dɛn di bɛst we we wi ebul. Di prɔfɛt Nethan bin de biɛn Jiova ɛn i bin de biɛn Devid bak. Afta we Devid bin dɔn tek ɔda man in wɛf ɛn kil di man, Jiova bin sɛn Nethan fɔ go tɛl am se wetin i du na bad tin. Nethan bin gɛt maynd ɛn i bin obe Jiova. Bɔt i bin du tin wit sɛns ɛn i bin tɔk fayn wan to Devid. I bin want fɔ ɛp Devid fɔ no se i dɔn sin bad wan. So i bin pul wan stori bɔt wan jɛntriman we bin tif wan poman in wangren ship. We Devid bin yɛri dis, i bin vɛks bad bad wan fɔ wetin di jɛntriman du. So Nethan tɛl am se “nain na di sem wan we biev so.” Na da tɛm de Devid kam fɔ no se i dɔn du bad tin na Jiova in yay.—Sɛkɛn Samiɛl 12:1-7, 13.
14. Aw yu go de biɛn Jiova ɛn yu padi ɔ fambul?
14 Na Jiova fɔ bi di fɔs pɔsin we yu fɔ de biɛn, ɛn yu go de biɛn ɔda pipul dɛn bak we yu du gud tin to dɛn. Fɔ ɛgzampul, yu go gɛt pruf se wan brɔda dɔn sin siriɔs wan. Yu go want fɔ de biɛn am, mɔ if da pɔsin de na yu tayt padi ɔ na yu fambul. Bɔt yu no bak se i impɔtant mɔ fɔ de biɛn Jiova. So jɔs lɛk Nethan, obe Jiova bɔt stil du gud tin to yu brɔda. Tɛl am se mek i tɔk to di ɛlda dɛn wantɛm wantɛm so dat dɛn go ɛp am. If i nɔ du am, yusɛf sɛf fɔ tɛl di ɛlda dɛn. We yu du dis, yu de sho se yu de biɛn Jiova. Dɔn yu dɔn du yu brɔda gud bikɔs di ɛlda dɛn go ɛp am fɔ gɛt tayt padi biznɛs wit Jiova bak. Dɛn go tek tɛm kɔrɛkt am fayn wan.—Rid Lɛvitikɔs 5:1; Lɛta Fɔ Galeshya 6:1.
WI NID FƆ GƐT MAYND FƆ DE BIƐN GƆD
15, 16. Wetin mek Ushay bin nid fɔ gɛt maynd fɔ lɛ i nɔ kɔmɔt biɛn Gɔd?
15 Ushay na bin wan pan Kiŋ Devid in padi dɛn we nɔ bin kɔmɔt biɛn am. We pipul dɛn bin want fɔ mek Absalɔm bi kiŋ, Ushay bin nid fɔ gɛt maynd fɔ de biɛn Devid ɛn Gɔd. I bin no se Absalɔm bin dɔn kam na Jerusɛlɛm wit in sojaman dɛn ɛn Sɛkɛn Samiɛl 15:13; 16:15) So, wetin Ushay bin du? Yu tink se i bin lɛf Devid ɛn sɔpɔt Absalɔm? Nɔ, i nɔ bin du dat. Pan ɔl we Devid bin dɔn ol ɛn bɔku pipul dɛn bin want fɔ kil am, Ushay nɔ bin kɔmɔt biɛn am bikɔs Jiova bin dɔn pik Devid fɔ bi kiŋ. So Ushay bin go na Mawnt Ɔliv fɔ go mit Devid.—Sɛkɛn Samiɛl 15:30, 32.
Devid bin dɔn rɔnawe. (16 Devid bin tɛl Ushay fɔ go bak na Jerusɛlɛm ɛn mek lɛk se in na Absalɔm in padi so dat i go mek Absalɔm lisin to in advays ɛn nɔ lisin to Aitofɛl in yon advays. Ushay bin gɛt maynd ɛn i bin put in layf pan denja fɔ obe Devid ɛn fɔ lɛ i nɔ kɔmɔt biɛn Jiova. Devid bin pre fɔ lɛ Jiova ɛp Ushay, ɛn na dat bin apin. Absalɔm bin lisin to Ushay in advays ɛn i nɔ bin lisin to Aitofɛl in yon.—Sɛkɛn Samiɛl 15:31; 17:14.
17. Wetin mek wi nid fɔ gɛt maynd fɔ de biɛn Jiova?
17 Wi nid fɔ gɛt maynd fɔ lɛ wi go de biɛn Jiova ɛn obe am bifo wi du wetin wi fambul dɛn, wokmet dɛn, ɔ wetin di bigman dɛn na gɔvmɛnt want wi fɔ du. Fɔ ɛgzampul, Taro we de na Jepan, bin tɔk se frɔm we in na bin smɔl bɔbɔ, i bin de tray fɔ du ɔl wetin i ebul fɔ du fɔ mek in mama ɛn papa gladi. I bin de obe dɛn ɛn i nɔ bin de kɔmɔt biɛn dɛn; i nɔ bin jɔs de du am fɔ du sek, bɔt i bin de du am bikɔs i lɛk dɛn. Bɔt we i bigin fɔ stɔdi di Baybul wit Jiova Witnɛs dɛn, in mama ɛn papa bin want fɔ stɔp am. Dis bin mek i fil bad, ɛn i nɔ bin rili izi fɔ am fɔ tɛl dɛn se i dɔn mekɔp in maynd fɔ go na di mitin dɛn. Taro se: “Dɛn bin vɛks bad bad wan ɛn fɔ lɔng tɛm, dɛn tɛl mi se a nɔ fɔ go fɛn dɛn na dɛn os. A bin pre fɔ lɛ a gɛt maynd fɔ du wetin a dɔn disayd fɔ du. Naw dɛn at dɔn kam dɔŋ, ɛn a kin go fɛn dɛn ɔltɛm.”—Rid Prɔvabs 29:25.
18. Aw yu dɔn bɛnifit frɔm dis atikul?
18 Jɔs lɛk Devid, Jonɛthan, Nethan, ɛn Ushay, wisɛf go gladi we wi nɔ kɔmɔt biɛn Jiova. Wi nɔ fɔ ɛva tan lɛk Abna ɛn Absalɔm, we bin kɔmɔt biɛn Jiova. Na tru se wi nɔ pafɛkt ɛn wi kin mek mistek dɛn. Bɔt lɛ wi sho Jiova se fɔ de biɛn am na di tin we impɔtant pas ɔl na wi layf.
^ [1] (paregraf 7) Dɛn dɔn chenj sɔm nem dɛn na dis atikul.