Valyu di Fridɔm we Yu Gɛt fɔ Disayd Wetin Yu Want fɔ Du
“Ɛni say we di Masta [“Jiova,” NW] in Spirit de, pipul fri.”—SƐKƐN LƐTA FƆ KƆRINT 3:
SIŊ DƐN: 40, 54
1, 2. (a) Us difrɛn we dɛn we pipul dɛn de tink bɔt di fridɔm we wi gɛt fɔ disayd fɔ du sɔntin? (b) Wetin di Baybul tich wi bɔt di fridɔm we wi gɛt fɔ du sɔntin? Us kwɛstyɔn dɛn wi de kam tɔk bɔt?
WE WAN uman bin de disayd fɔ du sɔntin, i bin tɛl in padi se: “Nɔ mek lɛ a tink; jɔs tɛl mi wetin fɔ du. Dat go izi.” Di uman bin want mek dɛn tɛl am wetin fɔ du bifo i yuz di fridɔm we Gɔd gi am fɔ disayd wetin i go want fɔ du. We yu? Yu lɛk fɔ disayd fɔ du sɔntin fɔ yusɛf, ɔ yu want mek ɔda pipul dɛn disayd fɔ yu? Wetin yu tink bɔt di fridɔm we yu gɛt fɔ disayd fɔ du sɔntin?
2 Pipul dɛn gɛt difrɛn we we dɛn tink bɔt di fridɔm we wi gɛt fɔ disayd fɔ du sɔntin. Sɔm pipul dɛn se wi nɔ gɛt fridɔm fɔ disayd fɔ du sɔntin bikɔs Gɔd bin dɔn disayd di tin dɛn we wi gɛt fɔ du. Ɔda pipul dɛn se wi go gɛt fridɔm fɔ disayd wetin wi want fɔ du we wi nɔ gɛt ɛnibɔdi we de kɔntrol wi. Bɔt di Baybul tɛl wi se Gɔd mek wi fɔ lɛ wi ebul fɔ disayd fɔ du sɔntin wit sɛns ɛn i gi wi di fridɔm fɔ du dat. (Rid Jɔshwa 24:
WETIN WI GO LAN FRƆM JIOVA ƐN JIZƆS?
3. Aw Jiova de yuz in fridɔm?
3 Jiova gɛt fridɔm fɔ du ɛnitin we i want, ɛn wi kin lan frɔm di we aw i de yuz di fridɔm we i gɛt. Fɔ ɛgzampul, Jiova pik di Izrɛlayt dɛn fɔ bi in “spɛshal pipul dɛn.” (Ditarɔnɔmi 7:
Bifo Jizɔs kam na di wɔl, i bin disayd fɔ kɔntinyu fɔ de biɛn Gɔd ɛn nɔ jɔyn Setan we tɔn in bak pan Gɔd
4, 5. (a) Udat na di fɔs pɔsin we Gɔd mek ɛn gi fridɔm fɔ disayd fɔ du sɔntin ɛn aw i bin yuz am? (b) Us kwɛstyɔn wi fɔ aks wisɛf?
4 Jiova bin disayd fɔ yuz di fridɔm we i gɛt fɔ mek enjɛl dɛn ɛn mɔtalman. Na Jizɔs fɔs Jiova mek. I bin mek am lɛk aw in tan ɛn i bin gi am fridɔm fɔ disayd wetin i want fɔ du. (Lɛta Fɔ Kɔlɔse 1:
5 Yɛs i pɔsibul. Wi go ebul fɔ falamakata Jizɔs bikɔs Gɔd mek wi lɛk aw i tan. (Jɛnɛsis 1:
WE WI YUZ DI FRIDƆM WE WI GƐT DI RAYT WE ƐN WE WI YUZ AM DI RƆŊ WE
6. Gi wan ɛgzampul we de sho wetin mek i impɔtant fɔ mek wi gɛt sɔntin we de sho wi usay fɔ stɔp we wi de yuz di fridɔm we wi gɛt.
6 Yu tink se bikɔs wi fridɔm gɛt say we i fɔ stɔp dat min se wi nɔ gɛt tru tru fridɔm? Nɔ, nɔto so i bi! Wetin mek? Bikɔs if we wi nɔ du pas wetin wi fɔ du, dat de protɛkt wi. Fɔ ɛgzampul, sɔntɛm wi go disayd fɔ drayv fɔ go na wan siti we de fa say. Bɔt imajin se no trafik lɔ nɔ de ɛn ɔlman kin disayd fɔ drayv fast ɛn dɛn kin yuz ɛni len we dɛn want. Yu tink se yu go fil sef fɔ travul na da rod de? Nɔ, yu nɔ go fil sef. Na dat mek wi nid sɔntin we go sho wi usay fɔ stɔp fɔ mek wi nɔ du pas wetin wi fɔ du so dat wi go bɛnifit frɔm di tru tru fridɔm we wi gɛt. Lɛ wi tɔk bɔt sɔm ɛgzampul dɛn we de na di Baybul we de sho wi aw wi kin bɛnifit we wi stɔp na di say we Jiova tɛl wi fɔ stɔp.
7. (a) Wetin bin difrɛn bitwin Adam ɛn di animal dɛn? (b) Tɔk bɔt wan we we Adam bin yuz in fridɔm.
7 We Jiova bin mek Adam, i bin gi am di sem fridɔm fɔ disayd fɔ du sɔntin we i bin gi di enjɛl dɛn. Bɔt Gɔd nɔ gi di animal dɛn fridɔm fɔ disayd fɔ du sɔntin. Aw Adam bin yuz di fridɔm we i gɛt di rayt we? Adam bin gladi fɔ gi nem to ɔl di animal dɛn. Gɔd “briŋ dɛn kam to di man fɔ si uskayn nem i go gi dɛm.” Afta Adam wach ɔl di animal dɛn, i gi dɛn ɔl nem we fit dɛn. Jiova nɔ bin chenj ɛni wan pan di nem dɛn we Adam bin disayd fɔ gi di animal dɛn. Bifo dat, “ɛni nem we i gi dɛm, na da nem de lɛf pan dɛm.”—Jɛnɛsis 2:
8. Aw Adam bin yuz di fridɔm we i gɛt ɛn wetin bin apin?
8 Jiova bin gi Adam di wok fɔ mek di wɔl tɔn to Paradays bay we i tɛl am se: “Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl. Una go gɛt pawa fɔ kɔntrol ɔl di fish dɛm, ɔl di bɔd dɛm ɛn ɔl dɛn animal dɛm.” (Jɛnɛsis 1:
Di Izrɛlayt dɛn bin disayd fɔ bi Gɔd in pipul dɛn ɛn dɛn gri fɔ stɔp di say we Gɔd se dɛn fɔ stɔp
9. Wetin Jiova bin alaw di Izrɛlayt dɛn fɔ disayd fɔ du? Wetin di Izrɛlayt dɛn bin prɔmis se dɛn go du?
9 Na Adam ɛn Iv dɔn mek wi ɔl nɔ pafɛkt ɛn wi de day. Bɔt wi stil gɛt di rayt fɔ yuz di fridɔm we wi gɛt fɔ disayd fɔ du wetin wi want. Wi kin si dat bay di we aw Gɔd bin trit di Izrɛlayt dɛn. Jiova bin alaw dɛn fɔ disayd if dɛn go bi in spɛshal Ɛksodɔs 19:
10. Us ɛgzampul dɛn we Di Ibru Pipul Dɛn chapta 11 tɔk bɔt we de sho se mɔtalman we nɔ pafɛkt kin yuz di fridɔm we i gɛt fɔ ɔnɔ Gɔd? (Luk di pikchɔ nia dis atikul in taytul.)
10 Dɛn bin rayt bɔt 16 fetful man ɛn uman dɛn insay Di Ibru Pipul Dɛn chapta 11. Dɛn pipul ya bin disayd fɔ rɛspɛkt wetin Jiova bin dɔn tɔk bɔt usay dɛn fɔ stɔp we dɛn de yuz dɛn fridɔm fɔ disayd fɔ du sɔntin. Dat bin mek dɛn gɛt bɔku blɛsin ɛn op fɔ tumara bambay. Fɔ ɛgzampul, Noa bin rili gɛt fet ɛn i bin disayd fɔ du ɔl wetin Gɔd tɛl am fɔ du we i de bil di big bot we go sev in famili ɛn di wan dɛn we dɛn go bɔn afta dɛn. (Di Ibru Pipul Dɛn 11:
11. (a) Wetin na wan pan di blɛsin dɛn we pas ɔl we gɛt fɔ du wit wi fridɔm fɔ disayd fɔ du sɔntin? (b) Wetin ɛp yu fɔ yuz di fridɔm we yu gɛt di rayt we?
11 I kin luk izi we pɔsin kin disayd fɔ wi, bɔt wi nɔ go ɛva ɛnjɔy wan pan di blɛsin dɛn we pas ɔl if wi nɔ disayd fɔ wisɛf. Wetin na da blɛsin de? Ditarɔnɔmi 30:
NƆ YUZ DI FRIDƆM WE YU GƐT FƆ DISAYD FƆ DU SƆNTIN DI RƆŊ WE
12. Wetin wi nɔ fɔ ɛva du wit di fridɔm we wi gɛt fɔ disayd fɔ du sɔntin?
12 Imajin se yu gi yu padi wan fayn gift. Aw yu go fil if i trowe di gift we yu gi am na dɔti bɔks ɔ i ivin yuz am fɔ du bad to ɔda pɔsin? Yu go fil bad nɔto so? Jiova dɔn gi wi di fridɔm fɔ disayd fɔ du sɔntin. So i go fil bad if i si se pipul dɛn nɔ de yuz di fridɔm we i gi dɛn di rayt we, ɛn we dɛn kin disayd fɔ du tin we nɔ rayt ɔ du bad to ɔda pipul dɛn. Di Baybul se insay “di las dez,” pipul dɛn “nɔ go de tɛl tɛnki.” (Sɛkɛn Lɛta To Timoti 3:
13. Us wan we wi go avɔyd fɔ yuz di fridɔm we wi gɛt di rɔng we?
Pita In Fɔs Lɛta 2:
14. Wetin mek wi nid fɔ abop pan Jiova we wi de yuz di fridɔm we wi gɛt fɔ disayd fɔ du sɔntin?
14 Jiova se: “Mi, Jiova, na mi na una Gɔd, na mi de tich una fɔ una yon bɛnifit, na mi de sho una di say we una fɔ waka.” (Ayzaya 48:
RƐSPƐKT DI FRIDƆM WE ƆDA PIPUL DƐN GƐT FƆ DISAYD FƆ DU SƆNTIN
15. Wetin wi lan frɔm di advays we de na Lɛta Fɔ Galeshya 6:
15 Wi fɔ rɛspɛkt di fridɔm we ɔda pipul dɛn gɛt fɔ disayd fɔ dɛnsɛf. Wetin mek? Lɛta Fɔ Galeshya 6:
16, 17. (a) Aw di fridɔm we wi gɛt fɔ disayd fɔ du sɔntin bin bring prɔblɛm na di kɔngrigeshɔn insay Kɔrint? (b) Wetin Pɔl bin du fɔ ɛp dɛn Kristian dɛn de? Wetin dat tich wi?
16 Mek wi tɔk bɔt wan ɛgzampul na di Baybul we de sho wetin mek wi nid fɔ rɛspɛkt di fridɔm we wi brɔda dɛn gɛt fɔ disayd fɔ du sɔntin. Di Kristian dɛn we bin de na di kɔngrigeshɔn insay Kɔrint bin de agyu if dɛn fɔ it bif we dɛn bin de sɛl na makit we dɛn dɔn sakrifays to aydɔl. Sɔm Kristian dɛn kɔnshɛns bin alaw dɛn fɔ it di bif bikɔs dɛn no se aydɔl nɔ min ɛnitin. Bɔt di wan dɛn we bin de wɔship dɛn aydɔl dɛn de bin fil se if dɛn it di bif i go tan lɛk se dɛn de wɔship di aydɔl. (Fɔs Lɛta Fɔ Kɔrint 8:
17 Fɔs, Pɔl bin mɛmba di tu grup dɛn se nɔto it go mek dɛn kɔntinyu fɔ gɛt padi biznɛs wit Gɔd. (Fɔs Lɛta Fɔ Kɔrint 8:
18. Aw yu go sho se yu valyu di fridɔm we yu gɛt fɔ disayd wetin yu want fɔ du?
18 Jiova dɔn gi wi di fridɔm fɔ disayd fɔ du sɔntin, we go mek wi gɛt tru tru fridɔm. (Sɛkɛn Lɛta Fɔ Kɔrint 3: