Aw fɔ Ɛp “Trenja” dɛn Pikin Dɛn?
“Di tin we kin mek a gladi pas ɔl na we a kin yɛri se mi pikin dɛn de waka na di tru rod.”—JƆN IN TƆD LƐTA 4.
SIŊ DƐN: 134, 133
1, 2. (a) Us prɔblɛm kin mit bɔku pikin dɛn we dɛn ɛn dɛn mama ɛn papa go de na ɔda kɔntri? (b) Us kwɛstyɔn dɛn wi go tɔk bɔt insay dis atikul?
WAN brɔda we nem Jɔshwa tɔk se: “Frɔm we a smɔl na mi mama ɛn papa dɛn langwej a bin de tɔk na os ɛn na di kɔngrigeshɔn. Bɔt we a bigin fɔ go skul, a bin bigin fɔ lɛk di lokal langwej we dɛn de tɔk na di kɔntri usay wi de. Afta sɔm tɛm, na di lokal langwej nɔmɔ a bin de tɔk. A nɔ bin de ɔndastand wetin dɛn bin de tɔk na di mitin, ɛn a nɔ bin yus to mi mama ɛn papa dɛn kɔlchɔ igen.” Dis tin we apin to Jɔshwa dɔn apin to bɔku pipul dɛn.
2 Tide, i dɔn pas 240,000,000 pipul dɛn we nɔ de liv na di kɔntri usay dɛn bɔn. If yu na mama ɔ papa we dɔn go de na ɔda kɔntri, aw yu go ɛp yu pikin dɛn fɔ lɛk Jiova ɛn “waka na di tru rod”? (Jɔn In Tɔd Lɛta 4) Aw ɔda pipul dɛn kin ɛp yu?
MAMA ƐN PAPA DƐN, UNA SƐT FAYN ƐGZAMPUL
3, 4. (a) Aw mama ɛn papa dɛn kin sɛt fayn ɛgzampul fɔ dɛn pikin dɛn? (b) Wetin mama ɛn papa dɛn nɔ fɔ tink se dɛn pikin dɛn fɔ du?
3 Mama ɛn papa dɛn, i impɔtant fɔ mek una sɛt fayn ɛgzampul if una want mek una pikin dɛn bi Jiova in padi ɛn de sote go. We yu pikin dɛn si se yu de “put di Kiŋdɔm fɔs” na yu layf, dɛn go lan fɔ abop pan Jiova fɔ di tin dɛn we dɛn nid. (Matyu 6:33, 34, NW) Nɔ tray fɔ gɛda prɔpati dɛn, bifo dat, mek Jiova in savis bi di tin we impɔtant pas ɔl na yu layf. Liv yu layf di we we de sho se nɔto ɔltin yu ebul du ɛn nɔ put an pan dɛt. Fɛn di ‘jɛntri we de na ɛvin,’ dat na fɔ mek Jiova gladi fɔ yu ɛn nɔ rɔnata mɔni ɔ tray fɔ gɛt “gudfes to mɔtalman.”—Rid Mak 10:21, 22; Jɔn 12:43.
4 Lɛ natin nɔ mek yu bizi te yu nɔ gɛt tɛm fɔ yu pikin dɛn. Mek lɛ dɛn no se yu gladi we dɛn disayd fɔ put Jiova fɔs na dɛn layf ɛn nɔ put fem ɔ mɔni fɔs na dɛn layf, ilɛksɛf na fɔ yu ɔ fɔ dɛnsɛf. Mama ɛn papa dɛn nɔ fɔ tink se na dɛn pikin dɛn fɔ gi dɛn wetin dɛn nid fɔ ɛnjɔy layf. Mɛmba se, “na mama ɛn papa de gi pikin wetin dɛn want, nɔto pikin de gi dɛn mama ɛn papa wetin dɛn want.”—Sɛkɛn Lɛta Fɔ Kɔrint 12:14.
MAMA ƐN PAPA DƐN, UNA TRAY FƆ SƆLV DI LANGWEJ PRƆBLƐM
5. Wetin mek mama ɛn papa dɛn fɔ de tich dɛn pikin dɛn bɔt Jiova ɔltɛm?
5 Di Baybul bin dɔn tɔk se, pipul dɛn frɔm “ɔl di trayb dɛn na [di] wɔl” de kam na Jiova in ɔganayzeshɔn. (Zɛkaraya 8:23) Bɔt if yu pikin dɛn nɔ ɔndastand yu langwej bɛtɛ wan, i nɔ go izi fɔ mek yu tich dɛn di trut. Yu Baybul stɔdi dɛn we impɔtant pas ɔl na yu pikin dɛn, ɛn na we dɛn “no” Jiova go mek dɛn gɛt layf we go de sote go. (Jɔn 17:3) If yu want yu pikin dɛn fɔ no di tin dɛn we Jiova de tich wi, yu fɔ de “tich dɛn” ɔltɛm.—Rid Ditarɔnɔmi 6:6, 7.
Yu Baybul stɔdi dɛn we impɔtant pas ɔl na yu pikin dɛn
6. Aw yu pikin dɛn kin bɛnifit we dɛn lan yu langwej? (Luk di pikchɔ nia dis atikul in taytul.)
6 I go mɔs bi se yu pikin dɛn go lan di lokal langwej na skul ɛn frɔm ɔda pipul dɛn. Bɔt dɛn go lan yu langwej we yu de tɔk to dɛn ɔltɛm. We yu pikin dɛn de tɔk yu langwej, i go izi fɔ mek dɛn tɔk to yu ɛn tɛl yu aw dɛn de fil. Bɔt ɔda bɛnifit dɛn de. We yu pikin dɛn de tɔk pas wan langwej, i go ɛp dɛn fɔ tink gud wan ɛn ɛp dɛn fɔ ɔndastand aw ɔda pipul dɛn de tink. Dɛn go gɛt di chans bak fɔ du mɔ na di prichin wok. Wan sista we nem Karolina we de na ɔda kɔntri wit in mama ɛn papa, tɔk se: “Wi rili de ɛnjɔy we wi de na kɔngrigeshɔn we de tɔk ɔda langwej. Ɛn i rili fayn fɔ ɛp na say we dɛn nid mɔ pipul dɛn fɔ ɛp.”
7. Wetin yu go du if langwej na prɔblɛm na yu famili?
7 Bɔt we pikin dɛn de lan di kɔlchɔ ɛn *—Luk di futnot.
langwej we de na di kɔntri usay dɛn go, sɔm pan dɛn nɔ go want fɔ tɔk dɛn mama ɛn papa dɛn langwej igen ɔ dɛn nɔ go ivin sabi aw fɔ tɔk am. Mama ɛn papa dɛn, una go lan di lokal langwej smɔl if na so tin dɔn bi to una pikin dɛn? I go izi fɔ yu fɔ mɛn yu pikin dɛn as Kristian dɛn if yu ɔndastand wetin dɛn de tɔk, di tin dɛn we dɛn de yuz fɔ ɛnjɔy dɛnsɛf, dɛn skul wok, ɛn if yu ebul fɔ tɔk di langwej we dɛn ticha de tɔk. Na tru se wi nid fɔ tek tɛm, tray tranga wan, ɛn put wisɛf dɔŋ fɔ lan nyu langwej. Bɔt dat rili impɔtant. Fɔ ɛgzampul, if yu pikin dɛf, yu nɔ tink se i go bɛtɛ fɔ lan sayn langwej so dat yu go ebul fɔ tɔk to am? Yu nɔ gri se yu fɔ sabi tɔk di langwej we yu pikin sabi fɔ tɔk gud gud wan?8. Aw yu go ɛp yu pikin dɛn if yu nɔ de tɔk di lokal langwej fayn?
8 I nɔ kin rili izi fɔ sɔm mama ɛn papa dɛn we de na ɔda kɔntri fɔ tɔk dɛn pikin dɛn nyu langwej gud gud wan. Dis kin mek i nɔ izi fɔ mama ɛn papa dɛn fɔ ɛp dɛn pikin dɛn fɔ ɔndastand “dɛn tin we rayt na Gɔd in Buk.” (Sɛkɛn Lɛta To Timoti 3:15) If na so tin de bi, yu kin stil ɛp yu pikin dɛn fɔ no Jiova ɛn lɛk am. Wan ɛlda we nem Shan bin tɔk se: “Wi mama nɔ sabi tɔk di langwej we wi de tɔk gud gud wan ɛn mi ɛn mi sista nɔ de tɔk in yon langwej fayn fayn wan. Bɔt wi kam fɔ ɔndastand se i rili impɔtant fɔ no Jiova we wi bin de si wi mama de stɔdi, pre, ɛn du in bɛst fɔ kɔndɔkt famili wɔship ɛni wik.”
9. Aw mama ɛn papa dɛn go ɛp dɛn pikin dɛn we nid fɔ stɔdi insay tu langwej?
9 Sɔm pikin dɛn go nid fɔ lan bɔt Jiova insay tu langwej dɛn. Wetin mek? Bikɔs dɛn de tɔk wan langwej na skul ɛn ɔda wan na os. Fɔsɛka dis, sɔm mama ɛn papa dɛn kin yuz wi buk ɛn magazin dɛn, odio rɛkɔdin, ɛn fim dɛn we de insay di tu langwej dɛn. Fɔ tru, mama ɛn papa dɛn we go na ɔda kɔntri wit dɛn pikin dɛn fɔ tray tranga wan fɔ ɛp dɛn pikin dɛn fɔ kam nia Jiova.
US KƆNGRIGESHƆN YU FƆ DE?
10. (a) Udat go disayd us kɔngrigeshɔn fɔ atɛnd? (b) Wetin di wan we de oba di famili fɔ du bifo dɛn disayd fɔ du sɔntin?
10 We “trenja” dɛn de fa frɔm ɔda Jiova Witnɛs dɛn we de tɔk dɛn langwej, dɛn fɔ atɛnd mitin na kɔngrigeshɔn we de tɔk di lokal langwej. (Sam 146:9) Bɔt if dɛn de nia wan kɔngrigeshɔn we de tɔk dɛn yon langwej, na di wan we de oba di famili go disayd us kɔngrigeshɔn go fayn fɔ di famili. Bifo i disayd, i fɔ tek tɛm pre ɛn tink gud wan bɔt dat. Dɔn i go tɔk bak wit in wɛf ɛn in pikin dɛn. (Fɔs Lɛta Fɔ Kɔrint 11:3) Wetin-ɛn-wetin i fɔ tink bɔt? Us prinsipul dɛn na di Baybul go ɛp am fɔ disayd?
Na di wan we de oba di famili go disayd us kɔngrigeshɔn go fayn fɔ di famili
11, 12. (a) Aw langwej kin afɛkt di we aw pikin de bɛnifit na di mitin dɛn? (b) Wetin mek sɔm pikin dɛn nɔ want fɔ lan dɛn mama ɛn papa dɛn langwej?
Fɔs Lɛta Fɔ Kɔrint 14:9, 11.) Nɔto di pikin in rial langwej nɔmɔ go afɛkt di we aw i de tink ɛn fil. Infakt, sɔm pikin dɛn kin lan fɔ gi kɔmɛnt, du prizɛnteshɔn, ɛn fɔ tɔk dɛn mama ɛn papa dɛn langwej bɔt dɛn nɔ kin rili ebul fɔ tɔk wetin de na dɛn maynd ɛn aw dɛn de fil.
11 Mama ɛn papa dɛn fɔ tink bɔt wetin dɛn pikin dɛn rili nid. Nɔto di mitin dɛn nɔmɔ go mek di pikin dɛn ɔndastand gud gud wan di tru tin dɛn we de na di Baybul. Tink bɔt dis: If yu pikin dɛn atɛnd mitin na kɔngrigeshɔn we de tɔk di langwej we dɛn sabi gud gud wan, dɛn go bɛnifit ɔ sɔntɛm dɛn go ivin lan fast pas aw yu bin de tink se dɛn go ebul fɔ lan. Bɔt di pikin dɛn nɔ go bɛnifit if dɛn nɔ rili ɔndastand di langwej. (Rid12 Ɛn bak, nɔto langwej nɔmɔ kin tɔch di pikin in at. Na so i bi fɔ Jɔshwa we wi bin tɔk bɔt fɔs. In sista we nem Ɛsta, tɔk se: “To pikin dɛn, dɛn mama ɛn papa dɛn kɔlchɔ, langwej, ɛn rilijɔn rili impɔtant.” If pikin dɛn nɔ sabi dɛn mama ɛn papa dɛn kɔlchɔ, dɛn nɔ kin want fɔ lan dɛn mama ɛn papa dɛn langwej ɛn rilijɔn. Wetin mama ɛn papa dɛn fɔ du if dɛn dɔn muf go na ɔda kɔntri wit dɛn pikin dɛn?
13, 14. (a) Wetin mek wan mama ɛn papa bigin fɔ atɛnd mitin wit dɛn pikin dɛn na kɔngrigeshɔn we de tɔk di lokal langwej? (b) Aw di mama ɛn papa kɔntinyu fɔ gɛt tayt padi biznɛs wit Jiova?
13 Mama ɛn papa dɛn we na Kristian nɔ de tink bɔt wetin dɛn nid fɔs, bɔt na wetin dɛn pikin dɛn nid na in fɔs dɛn de tink bɔt. (Fɔs Lɛta Fɔ Kɔrint 10:24) Jɔshwa ɛn Ɛsta dɛn papa we nem Samiɛl, tɔk se: “Mi ɛn mi wɛf bin luk wi pikin dɛn fɔ si us langwej de mek di trut tɔch dɛn at, dɔn wi pre fɔ mek Jiova gi wi sɛns. Di ansa we wi gɛt nɔto di ansa we wi bin want. Bɔt we wi si se dɛn nɔ bin de bɛnifit bɛtɛ we dɛn de atɛnd mitin insay di langwej we wi de tɔk, wi disayd fɔ bigin atɛnd mitin na di kɔngrigeshɔn usay dɛn de tɔk di lokal langwej. Wi ɔl bin de atɛnd mitin ɔltɛm ɛn go fil savis. Wi bin de invayt di brɔda ɛn sista dɛn fɔ it wit wi ɛn spɛn tɛm wit wi. Ɔl dis bin ɛp wi pikin dɛn fɔ no di brɔda ɛn sista dɛn ɛn fɔ no Jiova as dɛn Papa ɛn Padi. Wi tink se dis impɔtant pas fɔ lɛ dɛn sabi wi langwej gud gud wan.”
14 Samiɛl bin tɔk bak se: “Fɔ lɛ mi ɛn mi wɛf kɔntinyu fɔ gɛt tayt padi biznɛs wit Jiova, wi bin de atɛnd mitin bak insay wi yon langwej. Wi bin rili bizi ɛn wi kin taya. Bɔt wi tɛl Jiova tɛnki bikɔs i de blɛs wi fɔ di sakrifays we wi de mek ɛn di tray we wi de tray. Wi tri pikin dɛn ɔl de yuz ɔl dɛn tɛm fɔ sav Jiova.”
WETIN YƆŊ WAN DƐN KIN DU
15. Wetin mek wan sista we nem Kristina tink se i go ebul du mɔ if i de na kɔngrigeshɔn we de tɔk di lokal langwej?
15 We pikin dɛn de gro ɔp, dɛn kin kam fɔ no se dɛn go ebul fɔ sav Jiova mɔ we dɛn de na kɔngrigeshɔn we de tɔk di langwej we dɛn ɔndastand gud gud wan. If na so i bi, mama ɛn papa dɛn nɔ fɔ fil se dɛn pikin dɛn nɔ want fɔ de wit dɛn. Wan sista we nem Kristina bin tɔk se: “A sabi tɔk mi mama ɛn papa Di Apɔsul Dɛn Wok [Akt] 2:11, 41) We Kristina bin ol 18 ia, i bin tɔk dis to in mama ɛn papa ɛn i disayd fɔ muf go na kɔngrigeshɔn we de tɔk di lokal langwej. Kristina bin tɔk se: “We a de lan bɔt Jiova insay di langwej we dɛn de tɔk na mi skul, i bin ɛp mi fɔ du mɔ fɔ Jiova.” I nɔ tu te, Kristina bigin fɔ rɛgyula payɔnia ɛn i rili gladi.
dɛn langwej smɔl, bɔt di wan we dɛn bin de tɔk na mitin bin tu at fɔ mi fɔ ɔndastand. We a bin ol 12 ia, a bin atɛnd wan kɔnvɛnshɔn we dɛn du insay di langwej we dɛn de tɔk na mi skul. Na di fɔs tɛm dat a kam fɔ ɔndastand se di tin dɛn we a bin de yɛri na tru! Wan ɔda tin bin apin we chenj mi layf, dat na we a bigin fɔ pre insay di langwej we dɛn de tɔk na mi skul. A kin ebul fɔ tɛl Jiova wetin de na mi at!” (16. Wetin mek Nadia bin gladi we i lɛf na di kɔngrigeshɔn usay dɛn de tɔk in mama ɛn papa dɛn langwej?
16 If yu na yɔŋ pɔsin, yu tink se i go fayn if yu de na kɔngrigeshɔn we de tɔk di lokal langwej? If na so i bi, aks yusɛf wetin mek. Yu tink se if yu muf go na kɔngrigeshɔn we de tɔk di lokal langwej, dat go ɛp yu fɔ kam nia Jiova mɔ ɛn mɔ? (Jems 4:8) Ɔ yu want fɔ muf so dat yu mama ɛn papa nɔ go de wach ɔl wetin yu de du ɔ na bikɔs yu nɔ want fɔ tray? Wan sista we nem Nadia, we de wok naw na Bɛtɛl tɔk se: “We mi, mi brɔda, ɛn mi tri sista dɛn pas twɛlv ia, wi bin want fɔ muf go na kɔngrigeshɔn we de tɔk di lokal langwej.” Bɔt Nadia in mama ɛn papa no se if dɛn muf go de, dat go ambɔg dɛn pikin dɛn padi biznɛs wit Jiova. Nadia bin kɔntinyu fɔ se: “Naw wi gladi we wi mama ɛn papa bin wok tranga wan fɔ tich wi dɛn langwej ɛn mek wi atɛnd mitin na kɔngrigeshɔn usay dɛn de tɔk dɛn langwej. Dis dɔn rili ɛp wi ɛn gi wi mɔ chans fɔ ɛp ɔda pipul dɛn fɔ no Jiova.”
AW ƆDA PIPUL DƐN KIN ƐP?
17. (a) Udat dɛn Jiova gi di wok fɔ mɛn pikin dɛn? (b) Udat dɛn go ebul ɛp mama ɛn papa dɛn fɔ tich dɛn pikin dɛn di tru tin dɛn na di Baybul?
17 Jiova dɔn gi mama ɛn papa dɛn di wok fɔ tich dɛn pikin dɛn di tru tin dɛn we de na di Baybul. Jiova nɔ gi dis wok to grani ɛn granpa dɛn ɔ ɛni ɔda pɔsin. (Rid Prɔvabs 1:8; 31:10, 27, 28.) Bɔt stil, mama ɛn papa dɛn we nɔ sabi di lokal langwej go nid ɛp fɔ ebul ɛp dɛn pikin dɛn insay di langwej we dɛn rili ɔndastand. We mama ɛn papa dɛn aks fɔ ɛp, i nɔ min se dɛn de tray fɔ avɔyd di wok we dɛn gɛt fɔ mɛn dɛn pikin. Bɔt, na wan we dat fɔ mɛn dɛn pikin dɛn ɛn gi dɛn “Kristiɛn trenin.” (Lɛta Fɔ Ɛfisɔs 6:4) Fɔ ɛgzampul, mama ɛn papa dɛn kin aks di ɛlda dɛn na di kɔngrigeshɔn fɔ sho dɛn sɔm we dɛn fɔ du famili wɔship ɛn ɛp dɛn fɔ fɛn gud padi fɔ dɛn pikin dɛn.
Mama, papa ɛn dɛn pikin dɛn kin bɛnifit we dɛn de atɛnd mitin na di sem kɔngrigeshɔn (Luk na paregraf 18 ɛn 19)
18, 19. (a) Aw ɔda Kristian dɛn go ɛp di yɔŋ wan dɛn? (b) Wetin mama ɛn papa dɛn fɔ kɔntinyu fɔ du?
18 Fɔ lɛ mama ɛn papa dɛn go ebul ɛp dɛn pikin dɛn, i go fayn wan wan tɛm lɛ dɛn invayt ɔda famili dɛn fɔ jɔyn dɛn pan dɛn famili wɔship. Apat frɔm dat, bɔku yɔŋ wan dɛn kin lan frɔm ɔda Kristian dɛn we dɛn prich wit dɛn ɔ du ɔda tin dɛn togɛda. (Prɔvabs 27:17) Shan we wi bin tɔk bɔt fɔs, tɔk se: “A mɛmba gud gud wan di brɔda dɛn we bin ɛp mi. A kin lan mɔ ɛnitɛm we dɛn ɛp mi wit mi asaynmɛnt dɛn na di mitin. Ɛn a kin ɛnjɔy di tɛm dɛn we wi kin kip kɔmpin togɛda.”
19 Bɔt di wan dɛn we mama ɛn papa dɛn pik fɔ ɛp dɛn pikin dɛn fɔ ɛnkɔrej di pikin dɛn ɔltɛm fɔ rɛspɛkt dɛn mama ɛn papa. Dɛn go du dis bay we dɛn de tɔk gud bɔt dɛn mama ɛn papa ɛn nɔ tek di wok fɔ mɛn di pikin dɛn na dɛn yon an. Ɛn bak, di wan dɛn we de ɛp nɔ fɔ biev ɛnikayn we we di wan dɛn insay di kɔngrigeshɔn ɔ ɔda pipul dɛn go si as sɔntin we bad. (Pita In Fɔs Lɛta 2:12) Pan ɔl we mama ɛn papa dɛn kin aks fɔ lɛ ɔda pipul dɛn ɛp dɛn, na dɛn stil gɛt di wok fɔ tich dɛn pikin dɛn di tru tin dɛn na di Baybul. Mama ɛn papa dɛn fɔ de wach di we aw ɔda Kristian dɛn de ɛp dɛn pikin dɛn.
20. Aw mama ɛn papa dɛn go ɛp dɛn pikin dɛn fɔ sav Jiova fetful wan?
20 Mama ɛn papa dɛn, una pre to Jiova lɛ i ɛp una, ɛn una du ɔl wetin una ebul fɔ du. (Rid Sɛkɛn Kronikul 15:7.) Una put una pikin in padi biznɛs wit Jiova fɔs bifo wetin una want. Una du ɔl wetin una ebul fɔ du fɔ mek shɔ se Gɔd in Wɔd tɔch una pikin in at. Nɔ stɔp fɔ biliv se yu pikin go bi Jiova in savant. We yu pikin dɛn fala wetin Gɔd in Wɔd se ɛn dɛn si yu fayn ɛgzampul, yu go fil lɛk aw di apɔsul Jɔn bin fil bɔt di pipul dɛn we i bin ɛp fɔ bi tru Kristian dɛn, we i tɔk se: “Di tin we kin mek a gladi pas ɔl na we a kin yɛri se mi pikin dɛn de waka na di tru rod.”—Jɔn In Tɔd Lɛta 4.
^ par. 7 Rid di atikul we nem “You Can Learn Another Language!” insay di Mach 2007, Awake! pej 10 to pej 12.