TRU TRU STORI
A Nɔ Stɔp fɔ Tich Ɔda Pipul dɛn Bikɔs A Dɛf
A baptayz insay 1941 we a ol 12 ia. Bɔt na insay 1946 na in a bin ebul fɔ rili ɔndastand di tru tin dɛn we de insay di Baybul. Wetin mek dat bin apin? Mek a tɛl yu mi stori.
INSAY di ia 1910, mi mama ɛn papa dɛn bin travul frɔm Tibilisi insay Jɔjia, ɛn dɛn go de na Kanada. Dɛn bin de na wan smɔl fam os nia Pɛli, Saskachiwan na di wɛstɛn pat na Kanada. A bin bɔn insay 1928 ɛn na mi na bin di las wan pan wi siks we dɛn bɔn. Mi papa day siks mɔnt bifo dɛn bɔn mi, ɛn mi mama day we mi na bin yɔŋ bebi. I nɔ tu te afta dat, mi big sista we nem Lusi, bin day we i ol 17 ia. So na mi ɔnkul we nem Nik, bin kia fɔ mi, mi brɔda, ɛn mi sista dɛn.
Wan de, we a jɔs bigin waka, mi fambul dɛn si we a de drɔ wan pan wi ɔs dɛn tel. Dɛn bin fred se sɔntɛm di ɔs go kik mi, so dɛn ala pan mi fɔ lɛf. Bɔt mi bak bin tɔn to dɛn ɛn a nɔ bin yɛri we dɛn de ala. Natin nɔ bin du mi. Bɔt na da de de mi fambul dɛn no se a dɛf.
Sɔmbɔdi we na bin padi to wi famili, bin se i go bɛtɛ fɔ mek a go skul wit ɔda dɛf pikin dɛn. So Ɔnkul Nik bin mek a go na wan dɛf skul na Saskatun, insay Saskachiwan. Dis skul bin de fa frɔm usay mi fambul dɛn de, ɛn bikɔs a bin ol fayv ia, a bin rili de fred. Na ɔlide tɛm ɛn insay di sɔma sizin nɔmɔ a bin de kam fɛn mi fambul dɛn. As tɛm de go, a lan sayn langwej ɛn a bin de ɛnjɔy fɔ ple wit di ɔda pikin dɛn.
AW A LAN DI TRU TIN DƐN NA DI BAYBUL?
Insay 1939, mi big sista we nem Mariɔn bin mared to Bil Danilchuk, ɛn dɛn bigin fɔ kia fɔ mi ɛn mi sista we nem Fransɛs. Dɛn na bin di fɔs pipul dɛn na mi famili we bigin fɔ stɔdi di Baybul wit Jiova Witnɛs dɛn. We a bin de kam ɔlide insay di sɔma sizin, dɛn bin rili de tray fɔ tich mi wetin dɛn bin de lan frɔm di Baybul. I nɔ bin izi fɔ wi fɔ tɔk to dɛn bikɔs dɛn nɔ sabi sayn langwej. Bɔt dɛn bin de si se a rili lɛk wetin a bin de lan bɔt Jiova. A bin ɔndastand se wetin dɛn bin de du gɛt sɔntin fɔ du wit wetin di Baybul se, so a bin de fala dɛn fɔ go prich. I nɔ tu te, a bin want fɔ baptayz ɛn insay Sɛptɛmba 5, 1941, Bil bin baptayz mi insay wan ayɛn kɔntena we dɛn ful-ɔp wit wɛl wata. Di wata bin rili rili kol!
Insay 1946, wit sɔm dɛf pipul dɛn na wan kɔnvɛnshɔn na Klivland, insay Oayo
Insay 1946, we a go bak na os fɔ ɔlide, wi bin go wan kɔnvɛnshɔn na Klivland, insay Oayo, na Amɛrika. Di fɔs de, mi sista dɛn bin rayt not fɔ mi so dat a go ebul ɔndastand wetin dɛn de tɔk. Bɔt di sɛkɔn de, a bin gladi fɔ no se wan sayn langwej grup de usay dɛn de intaprit wetin dɛn de tɔk na di kɔnvɛnshɔn. Naw, a bin ebul fɔ ɛnjɔy di program, ɛn i bin rili fayn we a ebul fɔ ɔndastand klia wan wetin di Baybul de tich!
A BIGIN ƐP PIPUL DƐN FƆ NO DI TRU
Da tɛm de, Wɔl Wɔ Tu bin jɔs dɔn, ɛn pipul dɛn bin want fɔ sho se dɛn de sɔpɔt dɛn kɔntri. Bɔt we di kɔnvɛnshɔn dɔn ɛn a go bak na skul, a bin mekɔp mi maynd fɔ kɔntinyu fɔ fetful to Jiova. So a bin lɛf fɔ salut di flag, lɛf fɔ siŋ di nashɔnal antɛm, ɛn lɛf fɔ jɔyn dɛn we dɛn de sɛlibret ɔlide dɛn. A bin lɛf fɔ go na chɔch wit mi skulmet dɛn. Di wan dɛn we bin de wok na di skul nɔ bin gladi, dɛn bin de tray fɔ siz advantej pan mi ɛn tɛl mi lay lay tin dɛn fɔ mek a chenj mi maynd. Mi skulmet dɛn bin notis wetin bin de apin ɛn dat bin mek a gɛt bɔku chans fɔ prich to dɛn. As tɛm de go, sɔm pan mi skulmet dɛn lɛk, Lari Androsɔf, Nɔman Ditrik, ɛn Ɛmil Shnayda, bin tek di trut, ɛn dɛn stil de sav Jiova.
We a go na ɔda siti dɛn, a bin de tray tranga wan fɔ prich to dɛf pipul dɛn. Fɔ ɛgzampul, insay Mɔntriɔl, a go na wan ples usay dɛf pipul dɛn bin gɛda. Na de a bin ebul fɔ prich to Ɛdi Tega, wan yɔŋ man we bin de na wan bad grup. I bin de na di sayn langwej kɔngrigeshɔn na Laval insay Kyubɛk, te i day las ia. A bin mit bak wan yɔŋ man we nem Joan Adanɛz. Lɛk di Biria pipul dɛn we bin de trade, i bin tray fɔ no mɔ fɔ mek shɔ se wetin i bin de lan bin kɔmɔt frɔm di Baybul. (Di Apɔsul Dɛn Wok [Akt] 17:10, 11) Insɛf kam na di trut ɛn te i day, in na bin ɛlda na Ɔtawa insay Ɔntario.
Strit witnɛsin insay 1950
Insay 1950, a bin muf go na Vankuva. Pan ɔl we a lɛk fɔ prich to dɛf pipul dɛn, a nɔ go ɛva fɔgɛt wetin bin apin we a prich to wan uman na strit. Di uman i nem na Kris Spaysa ɛn i nɔ dɛf. I bin gri fɔ de ɔda fɔ di magazin dɛn ɛn i bin want fɔ mek a sabi in man we nem Gari. A go fɛn dɛn na dɛn os, ɛn wi tɔk fɔ lɔng tɛm
bay we wi bin de rayt rayt to wisɛf. Afta dat, i bin te smɔl we mi ɛn dɛn nɔ si, bɔt a bin sɔprayz we dɛn kam grit mi na wan kɔnvɛnshɔn na Toronto insay Ɔntario. Gari fɔ baptayz da de de. Da ɛkspiriɛns de mɛmba mi se i impɔtant fɔ de prich, bikɔs wi nɔ go no if di pɔsin we wi prich to go tek di trut.Leta, a go bak na Saskatun. Na de a mit wan uman we bin se mek a stɔdi in dɛf gyal pikin dɛn we na twin. Dɛn nem dɛn na Jian ɛn Juan Rotɛnbaga. Dɛn ɔl tu na bin studɛnt dɛn na di sem dɛf skul we a bin go. I nɔ bin tu te, di titi dɛn bin bigin fɔ tɛl dɛn klasmet dɛn bɔt wetin dɛn bin de lan. As tɛm de go, fayv pan dɛn we bin de na di klas bin kam fɔ bi Jiova Witnɛs. Wan pan dɛn na bin Yunis Kɔlin. A bin dɔn mit Yunis fɔs insay di las ia we a bin de na dɛf skul. Da tɛm de, i bin gi mi wan swit ɛn i aks mi if wi kin bi padi. Leta, i bin kam fɔ bi impɔtant pɔsin na mi layf. I bi mi wɛf!
Wit Yunis insay 1960 ɛn 1989
We Yunis in mama bin kam fɔ no se i de stɔdi di Baybul, in mama bin tɛl di prinsipal na di skul fɔ mek i tɔk to Yunis fɔ lɛf fɔ stɔdi. Pan ɔl we di prinsipal bin tray fɔ stɔp am ɛn ivin tek di tin dɛn we i de stɔdi wit, Yunis bin mekɔp in maynd fɔ kɔntinyu fɔ fetful to Jiova. We i bin want fɔ baptayz, in mama ɛn papa bin tɛl am se, “If yu bi Jiova Witnɛs, yu go kɔmɔt na wi os!” So we Yunis ol 17 ia, i bin kɔmɔt na os ɛn go de to wan famili we na Jiova Witnɛs. I kɔntinyu fɔ stɔdi ɛn leta i bin baptayz. We wi mared insay 1960, in mama ɛn papa nɔ bin kam pan wi mared. Bɔt as tɛm de go, dɛn bin kam fɔ rɛspɛkt wi fɔseka wetin wi bin biliv ɛn di we aw wi bin de mɛn wi pikin dɛn.
JIOVA DƆN KIA FƆ MI
Mi bɔypikin Nikolas ɛn in wɛf Dɛbora, de wok na di Lɔndɔn Bɛtɛl
As mama ɛn papa dɛn we dɛf, i nɔ bin rili izi fɔ mɛn sɛvin bɔypikin dɛn we nɔ dɛf. Bɔt wi bin mek shɔ se dɛn lan sayn langwej so dat wi go ebul fɔ tɔk to dɛn ɛn tich dɛn di tru tin dɛn na di Baybul. Di brɔda ɛn sista dɛn na di kɔngrigeshɔn bin rili ɛp wi. Fɔ ɛgzampul, wan pan dɛn bin rayt to wi se wan pan wi bɔypikin dɛn bin de tɔk bad wɔd dɛn na Kiŋdɔm Ɔl. Wi bin ebul fɔ sɔlv di prɔblɛm kwik kwik wan. Naw, 4 pan mi bɔypikin dɛn Jems, Jɛri, Nikolas, ɛn Stivin, na ɛlda dɛn ɛn dɛn de sav Jiova fetful wan wit dɛn wɛf dɛn ɛn dɛn famili. Apat frɔm dat, Nikolas ɛn in wɛf, Dɛbora, de ɛp fɔ translet sayn langwej na di Briten branch, ɛn Stivin ɛn in wɛf, Shanan, dɛnsɛf de translet sayn langwej na di branch ɔfis na Amɛrika.
Mi bɔypikin dɛn, Jems, Jɛri, ɛn Stivin ɛn dɛn wɛf dɛn de sɔpɔt di prichin wok difrɛn difrɛn we dɛn pan sayn langwej
I sɔri fɔ no se, wan mɔnt bifo wi sɛlibret wi 40 ia mared anivasri, Yunis bin day frɔm kansa. Pan ɔl we i nɔ bin izi fɔ am, di fet we i bin gɛt fɔ se i go gɛt layf bak bin ɛp am fɔ bia. A de wet fɔ di de we a go si am bak.
Faye ɛn Jems, Jɛri ɛn Ivlin, Shanan ɛn Stivin
Sam 10:14) A want fɔ tɛl tɛnki to ɔl di wan dɛn we bin de rayt not dɛn fɔ mi, di wan dɛn we lan sayn langwej, ɛn di wan dɛn we ɛp fɔ intaprit fɔ mi di bɛst we we dɛn ebul.
Insay Fɛbwari, 2012, a fɔdɔm ɛn brok mi wesbon. A bin kam fɔ si se a nid pɔsin fɔ ɛp mi, so a bin go de to wan pan mi bɔypikin ɛn i wɛf. Wi de naw na di Kalgari Sayn Langwej Kɔngrigeshɔn usay a stil de sav as ɛlda. Rili, na di fɔstɛm dis fɔ mek a de na sayn langwej kɔngrigeshɔn! So aw a dɔn kɔntinyu fɔ gɛt tayt padi biznɛs wit Jiova ɔl dis tɛm we a dɔn de na Inglish kɔngrigeshɔn? Na Jiova ɛp mi. I kip in prɔmis fɔ se i go kia fɔ dɛn pikin dɛn we nɔ gɛt papa. (We a go payɔnia skul insay sayn langwej we a ol 79 ia
Sɔm tɛm dɛn bin de we a nɔ de ɔndastand wetin dɛn bin de tɔk ɔ a bin de fil se nɔbɔdi nɔ ɔndastand aw fɔ ɛp pɔsin we dɛf. We a bin de fil dɛn we dɛn de, i kin mek a fil bad ɛn a kin want fɔ giv-ɔp, a kin mɛmba wetin Pita bin tɛl Jizɔs we i bin se: “Masta, udat wi go go to? Na yu de tɔk dɛn wɔd we de gi pɔsin layf we go de sote go.” (Jɔn 6:66-68) Lɛk bɔku ɔda dɛf brɔda ɛn sista dɛn we dɔn de na di trut fɔ lɔng tɛm, a dɔn lan fɔ peshɛnt. A dɔn lan fɔ abop pan Jiova ɛn in ɔganayzeshɔn, ɛn dis dɔn mek a dɔn gɛt bɔku bɛnifit dɛn. Naw bɔku fim dɛn de insay mi langwej, ɛn a gladi we a de go mitin ɛn kɔnvɛnshɔn dɛn insay Amɛrikin Sayn Langwej. Fɔ tru, bɔku fayn fayn tin dɛn dɔn apin to mi ɛn bɔku tin dɛn dɔn mek a gladi we a de sav Jiova, wi gret Gɔd.