Kɔntinyu fɔ Gɛt di Lɔv we Yu Bin Gɛt Trade
‘Bikɔs bad go plɛnti mɔ ɛn mɔ, di lɔv we plɛnti pipul gɛt na dɛn at go de lɛs.’—MATYU 24:12.
1, 2. (a) Na to udat dɛn fɔs di tin we Jizɔs tɔk na Matyu 24:12 apin? (b) Aw di Baybul buk we nem Akt sho se bɔku pan di fɔstɛm Kristian dɛn bin kɔntinyu fɔ lɛk Gɔd mɔ ɛn mɔ? (Luk di pikchɔ nia dis atikul in taytul.)
WE JIZƆS bin de na di wɔl, i bin tɔk bɔt aw pipul dɛn go ebul no di tɛm we ‘di wɔl go wan dɔn.’ We i bin de tɔk bɔt dat, i se: ‘Di lɔv we plɛnti pipul gɛt na dɛn at go de lɛs.’ (Matyu 24:3, 12) Trade trade, di Ju pipul dɛn bin de se dɛn na Gɔd in pipul dɛn, bɔt as tɛm de go, dɛn nɔ bin lɛk Gɔd igen lɛk aw dɛn bin lɛk am fɔs.
2 Bɔt, bɔku pan di Kristian dɛn da tɛm de bin difrɛn. Dɛn bin gɛt zil fɔ prich “di Gud Nyuz bɔt Jizɔs Krays.” Dɛn bin de sho se dɛn lɛk Gɔd, dɛn lɛk dɛn kɔmpin Kristian dɛn, ɛn ivin di wan dɛn we nɔ no di trut. Dɛn Kristian dɛn ya bin kɔntinyu fɔ lɛk Gɔd mɔ ɛn mɔ. (Di Apɔsul Dɛn Wok [Akt] 2:44-47; 5:42) I sɔri fɔ no se sɔm pan di Kristian dɛn we bin de trade nɔ bin kɔntinyu fɔ lɛk Gɔd. Aw wi no dis?
3. Wetin go dɔn mek sɔm Kristian dɛn nɔ kɔntinyu fɔ lɛk Gɔd lɛk aw dɛn bin lɛk am fɔstɛm?
Rɛvɛleshɔn 2:4) I go bi se di Kristian dɛn na Ɛfisɔs bin de du tin lɛk di pipul dɛn we bin de arawnd dɛn. Dɛn pipul dɛn de bin jɔs de du wetin dɛn want. (Lɛta Fɔ Ɛfisɔs 2:2, 3) Ɛfisɔs na bin siti we gɛt mɔni. Di pipul dɛn we bin de de bin de tink aw fɔ liv pɔsh layf pas ɛni ɔda tin na dɛn layf. Apat frɔm dat, bɔku pipul dɛn na Ɛfisɔs bin de liv fri layf ɛn dɛn nɔ bin gɛt wan rɛspɛkt fɔ Gɔd in lɔ dɛn. Dɛn nɔ bin de sho se dɛn lɛk Gɔd ɛn dɛn kɔmpin dɛn; bifo dat, dɛn bin jɔs de tink bɔt aw fɔ ɛnjɔy dɛnsɛf.
3 Jizɔs bin tɛl di fɔstɛm Kristian dɛn we bin de na Ɛfisɔs se: “Una nɔ lɛk mi lɛkɛ aw una bin lɛk mi fɔstɛm.” (4. (a) Insay wi yon tɛm, aw pipul dɛn dɔn sho se dɛn nɔ gɛt bɛtɛ lɔv fɔ Gɔd igen? (b) Us tri tin dɛn wi de kam tɔk bɔt?
4 Di tin we Jizɔs bin tɔk we i se, pipul dɛn nɔ go lɛk Gɔd bɛtɛ igen na sɔntin we de apin insay wi yon tɛm bak. Tide, pipul dɛn nɔ rili gɛt bɛtɛ lɔv fɔ Gɔd igen. Bifo dɛn tɔn to Gɔd fɔ sɔlv di prɔblɛm dɛn na di wɔl, bɔku bɔku pipul dɛn de tɔn to ɔganayzeshɔn dɛn we mɔtalman mek. Dis dɔn mek dɛn nɔ gɛt bɛtɛ lɔv fɔ Gɔd igen. Ivin Jiova in savant dɛn nɔ go kɔntinyu fɔ gɛt bɛtɛ lɔv fɔ am igen, jɔs lɛk wetin bin apin na di kɔngrigeshɔn trade na Ɛfisɔs. So mek wi tɔk bɔt aw wi go kɔntinyu fɔ: (1) lɛk Jiova, (2) lɛk di tru tin dɛn na di Baybul, ɛn (3) lɛk wi brɔda ɛn sista dɛn.
DI LƆV WE WI GƐT FƆ JIOVA
5. Wetin mek wi fɔ lɛk Gɔd?
5 Udat wi fɔ lɛk pas ɔlman? Jizɔs bin se: “‘Yu fɔ lɛk di Masta [“Jiova,”NW] we na yu Gɔd wit ɔl yu at, wit ɔl yu layf ɛn wit ɔl yu maynd.’ Dis na di lɔ we pas ɔl di ɔda wan dɛn.” (Matyu 22:37, 38) Di lɔv we wi gɛt fɔ Gɔd de ɛp wi fɔ obe in lɔ dɛn, fɔ ebul bia, ɛn fɔ et ɛnitin we bad. (Rid Sam 97:10.) Bɔt Setan ɛn di pipul dɛn na di wɔl de tray fɔ mek wi nɔ gɛt bɛtɛ lɔv fɔ Gɔd ɔ fɔ mek wi nɔ ivin lɛk am igen.
6. Wetin kin apin we pipul dɛn nɔ lɛk Gɔd bɛtɛ igen?
6 Pipul dɛn na di wɔl nɔ rili no udat dɛn fɔ lɛk. Bɔku pipul dɛn nɔ lɛk Gɔd, na dɛnsɛf nɔmɔ dɛn “lɛk.” (Sɛkɛn Lɛta To Timoti 3:2, NW) Dɛn atɛnshɔn ɔl de pan di “bad” we de na dɛn at, “dɛn tin we pɔsin kin want bad bad wɛn i si dɛn, ɛn ɔl dɛn tin na di wɔl we de mek pɔsin prawd.” (Jɔn In Fɔs Lɛta 2:16) Di apɔsul Pɔl bin wɔn wi bɔt wetin kin apin if wi jɔs bisin bɔt wisɛf nɔmɔ. I se: “If una jɛs de mɛmba wetin una at want nɔmɔ, dat go mek una day.” Wetin mek i se so? Bikɔs di wan dɛn we de du dis go bi Gɔd in ɛnimi. (Lɛta Fɔ Rom 8:6, 7) Pipul dɛn we de yuz dɛn layf jɔs fɔ de fɛn mɔni ɛn fɔ du mami ɛn dadi biznɛs di we aw Gɔd nɔ want kin ɛndɔp wit pwɛl at.—Fɔs Lɛta Fɔ Kɔrint 6:18; Fɔs Lɛta To Timoti 6:9, 10.
7. Us bad we we pipul dɛn de tink tide we kin afɛkt Kristian dɛn?
7 Bɔku pipul dɛn de we nɔ biliv se Gɔd de, ɔ we nɔ shɔ if Gɔd de. Ɔda pipul dɛn biliv se ɔltin kam bay chans. Dɛn pipul ya kin tray fɔ mek ɔda pipul dɛn nɔ lɛk Gɔd ɔ ivin biliv se Gɔd de. Dɛn kin tray fɔ mek i tan lɛk se na di wan dɛn nɔmɔ Lɛta Fɔ Rom 1:25) Dis kayn we aw pipul dɛn de tink kin ivin afɛkt Kristian dɛn. I kin mek wi nɔ gɛt tayt padi biznɛs wit Jiova, ɛn wi nɔ kin gɛt bɛtɛ lɔv fɔ am igen.—Di Ibru Pipul Dɛn 3:12.
we ful ɔ we nɔ go skul go biliv se Pɔsin de we mek ɔltin. Dɔn, bɔku pipul dɛn rɛspɛkt sayɛnsman dɛn pas di Wan we mek wi. (8. (a) Wetin kin apin we kin mek Jiova in pipul dɛn at pwɛl? (b) Aw Sam 136 go kɔrej wi?
8 Bikɔs wi de na Setan in wikɛd wɔl, bɔku tin dɛn de we kin mek wi at pwɛl. (Jɔn In Fɔs Lɛta 5:19) Bɔt if wi alaw wi at fɔ pwɛl tumɔs, dat go mek wi nɔ gɛt bɛtɛ fet, ɛn wi nɔ go lɛk Gɔd bɛtɛ igen. Fɔ ɛgzampul, prɔblɛm dɛn kin mit wi bikɔs wi dɔn de ol, wi nɔ gɛt bɛtɛ wɛlbɔdi, ɔ wi gɛt mɔni prɔblɛm. Ɔ sɔntɛnde, wi kin fil bad bikɔs wi nɔ kin ebul fɔ du sɔm tin dɛn lɛk aw wi kin want fɔ du am. Wi kin fil bad we sɔm tin dɛn nɔ apin di we aw wi bin de tink se i fɔ apin. Ilɛk uskayn prɔblɛm dɛn wi gɛt, wi nɔ fɔ ɛva fil se Jiova dɔn lɛf wi. Tink bɔt dɛn fayn fayn wɔd dɛn ya we de na Sam 136:23 we se: “Nain na di wan we de mɛmba wi wɛn wi de dɔŋ, in lɔv de de sote go.” Wi fɔ biliv se Jiova go “yɛri” we wi pre to am fɔ ɛp wi ɛn i go ansa wi prea.—Sam 116:1; 136:24-26.
9. Wetin bin ɛp Pɔl fɔ kɔntinyu fɔ lɛk Gɔd mɔ ɛn mɔ?
9 Di apɔsul Pɔl na bin Gɔd in savant we bin de tink gud gud wan bɔt aw Jiova bin sɔpɔt am, ɛn dis bin ɛp am fɔ kɔntinyu fɔ gɛt fet. I bin rayt se: “Na [“Jiova,” NW] Gɔd de ɛp mi ɔltɛm, natin nɔ go mek a fred, bikɔs mɔtalman nɔ gɛt ɛni pawa fɔ du mi bad.” (Di Ibru Pipul Dɛn 13:6) Bikɔs Pɔl bin abop pan Jiova, dat bin ɛp am fɔ bia wit di prɔbɛm dɛn we bin de mit am. We Pɔl bin de gɛt prɔblɛm dɛn, i nɔ bin stɔp fɔ abop pan Jiova. Ivin we i bin de na prizin, i bin de ɛp in kɔmpin Kristian dɛn bay we i bin de rayt lɛta dɛn to di kɔngrigeshɔn dɛn fɔ ɛnkɔrej dɛn. (Lɛta Fɔ Ɛfisɔs 4:1; Lɛta Fɔ Filipay 1:7; Faylimɔn 1) Pan ɔl we Pɔl bin de gɛt difrɛn prɔblɛm dɛn, i bin stil kɔntinyu fɔ lɛk Jiova mɔ ɛn mɔ. I bin abop pan Gɔd we “de kɔrej wi ɔltɛm we wi de pan trɔbul.” (Sɛkɛn Lɛta Fɔ Kɔrint 1:3, 4) Aw wi go falamakata Pɔl?
Sho se yu lɛk Jiova (Luk na paregraf 10)
10. Aw wi go kɔntinyu fɔ lɛk Jiova mɔ ɛn mɔ?
10 Pɔl tɔk bɔt wan we we go ɛp wi fɔ kɔntinyu fɔ lɛk Gɔd mɔ ɛn mɔ. I bin rayt se: “Una fɔ de pre ɔltɛm.” Leta i bin rayt bak se: “Una nɔ taya fɔ pre.” (Fɔs Lɛta Fɔ Tɛsalonayka 5:17; Lɛta Fɔ Rom 12:12, NW) Wetin mek prea de ɛp wi fɔ kam nia Gɔd? We wi de pre, wi de tɔk to Jiova. Dis de mek am pɔsibul fɔ mek wi gɛt tayt padi biznɛs wit am. (Sam 86:3) We wi tɛl wi Papa we de na ɛvin wi bɛlɛ-wɔd ɛn di we aw wi de fil, dat de mek wi kam nia am. (Sam 65:2) Dɔn, wi de lɛk am mɔ ɛn mɔ we wi de si aw i de ansa wi prea dɛn. Wi biliv gud gud wan se “PAPA GƆD [“Jiova,” NW] rɛdi fɔ ɛp ɔl udat kɔl am fɔ ɛp” am. (Sam 145:18) We wi biliv se Jiova lɛk wi ɛn i de sɔpɔt wi, dat go ɛp wi fɔ bia wit ɛni prɔblɛm we go mit wi naw ɔ tumara bambay.
LƐK DI TRU TIN DƐN WE DE NA DI BAYBUL
11, 12. Wetin go ɛp wi fɔ lɛk di tru tin dɛn we de na di Baybul mɔ ɛn mɔ?
11 Bikɔs wi na Kristian dɛn, wi lɛk wetin tru. Na insay Gɔd in Wɔd wi go fɛn di tru. Jizɔs bin tɛl in Papa se: “Yu wɔd . . . na tru.” (Jɔn 17:17) Fɔ mek wi go lɛk di tru tin dɛn we de na di Baybul, wi fɔ no wetin de na di Baybul. (Lɛta Fɔ Kɔlɔse 1:10) Bɔt wi nid fɔ du mɔ. Notis aw wan pan di man dɛn we rayt Sam 119 ɛp wi fɔ ɔndastand wetin wi nid fɔ du. (Rid Sam 119:97-100.) Wi nid fɔ de tink gud gud wan bɔt wetin wi de rid na di Baybul ol de. As wi de tink bɔt aw wi go bɛnifit we wi fala di tru tin dɛn we de na di Baybul, dat go mek wi lɛk dɛn mɔ ɛn mɔ.
12 Wan pan di man dɛn we rayt di Sam buk bin se: “Yu lɔ dɛn swit fɔ lan, swit pas we pɔsin de lik ɔni!” (Sam 119:103) Di buk ɛn magazin dɛn we Gɔd in ɔganayzeshɔn de mek tan lɛk tin we swit fɔ it. We wi de it sɔntin we wi lɛk, wi want fɔ tek wi tɛm fɔ ɛnjɔy am. Semweso, wi fɔ tek wi tɛm fɔ stɔdi Gɔd in Wɔd. Dat go mek wi ɛnjɔy di “rayt wɔd” dɛn we na tru, ɛn i go izi fɔ wi fɔ mɛmba wetin wi bin dɔn rid ɛn yuz am fɔ ɛp ɔda pipul dɛn.—Ɛkliziastis 12:10.
13. Wetin bin ɛp Jɛrimaya fɔ lɛk Gɔd in Wɔd? Aw dat bin afɛkt am?
13 Di prɔfɛt Jɛrimaya bin lɛk Gɔd in Wɔd. I bin se: “A yɛri ɔl wetin yu se, ɛn a ɔndastand, ɛn wetin yu se mek a gladi ɛn dat mek mi at swit; bikɔs na yu gɛt mi, O PAPA GƆD [“Jiova,” NW ] Ɔlmayti.” (Jɛrimaya 15:16) Jɛrimaya bin tink gud wan bɔt ɔl wetin Gɔd bin de tɛl am, ɛn i bin lɛk dɛn. I bin gladi fɔ tinap fɔ Jiova ɛn tɔk bɔt in mɛsej. If wi lɛk di tru tin dɛn we de na di Baybul, wi go kam fɔ no se na big big ɔnɔ wi gɛt fɔ bi Jiova in Witnɛs dɛn ɛn fɔ prich bɔt di Kiŋdɔm insay dis las dez.
Sho se yu lɛk di tru tin dɛn we de na di Baybul (Luk na paregraf 14)
14. Wetin bak wi go du fɔ mek wi lɛk di tru tin dɛn we de na di Baybul mɔ ɛn mɔ?
Di Wachtawa na dɛn fon ɔ tablɛt bikɔs i de insay bɔku langwej dɛn na jw.org Wɛbsayt ɛn na di JW Laybri ap. Di we aw dɛn mek sɔm pan dɛn ilɛktronik tin dɛn ya kin mek wi fɛn skripchɔ dɛn we nɔ kot kwik kwik wan. Bɔt ilɛk us we wi yuz fɔ pripia wi wachtawa, if wi tek tɛm rid di skripchɔ dɛn fayn fayn wan ɛn tink gud wan bɔt wetin wi rid, i go mek wi lɛk di tru tin dɛn we de na di Baybul mɔ ɛn mɔ.—Rid Sam 1:2.
14 Wetin bak go ɛp wi fɔ lɛk di tru tin dɛn we de na di Baybul mɔ ɛn mɔ? Wi nid fɔ de atɛnd mitin dɛn ɔltɛm, bikɔs na de wi de lan bɔt Jiova. Ɛni wik, wi kin yuz di Di Wachtawa fɔ stɔdi di Baybul; dat na wan pan di men tin dɛn we de ɛp wi fɔ lan bɔt Gɔd. If wi rili want fɔ bɛnifit frɔm dɛn mitin dɛn ya, wi nid fɔ pripia bifo tɛm. Fɔ ɛgzampul, wi kin rid ɔl di skripchɔ dɛn we nɔ kot. Tide, bɔku pipul dɛn kin ebul fɔ rid ɔ dawnlodFƆ LƐK WI BRƆDA DƐN
15, 16. (a) Frɔm wetin de na Jɔn 13:34, 35, wetin Jizɔs bin se wi fɔ du? (b) Aw di we we wi lɛk Gɔd ɛn di Baybul de sho if wi lɛk wi brɔda dɛn?
15 Di nɛt bifo Jizɔs day, i bin se: “Naw a de gi una nyu lɔ we se: Una fɔ lɛk una kɔmpin. Una fɔ lɛk dɛn lɛkɛ aw a lɛk una. If una lɛk una kɔmpin, ɔlman go no se una na mi lanin bɔy dɛn.”—Jɔn 13:34, 35.
16 We wi lɛk wi brɔda ɛn sista dɛn, dat de sho aw wi lɛk Jiova. If wi nɔ lɛk Gɔd, wi nɔ go ebul fɔ lɛk wi brɔda dɛn. Ɛn if wi nɔ lɛk wi brɔda dɛn, wi nɔ go ebul fɔ lɛk Gɔd. Di apɔsul Jɔn bin rayt se: “If pɔsin nɔ lɛk in kɔmpin we i de si, aw i go lɛk Gɔd we i nɔ de si?” (Jɔn In Fɔs Lɛta 4:20) Di we aw wi lɛk Jiova ɛn di we aw wi lɛk wi brɔda dɛn de sho bak se wi lɛk di Baybul. Wetin mek wi se so? Na bikɔs if lɛk wetin wi de lan frɔm di Baybul, wi go want fɔ obe di lɔ dɛn we de de, we se wi fɔ lɛk Gɔd ɛn wi brɔda dɛn.—Pita In Fɔs Lɛta 1:22; Jɔn In Fɔs Lɛta 4:21.
Sho se yu lɛk yu brɔda ɛn sista dɛn (Luk na paregraf 17)
17. Us we dɛn we wi go sho se wi lɛk wi kɔmpin Kristian dɛn?
17 Rid Fɔs Lɛta Fɔ Tɛsalonayka 4:9, 10. Us we dɛn wi go sho se wi lɛk di wan dɛn we de na wi kɔngrigeshɔn? Sɔntɛm, wan brɔda ɔ sista we dɔn ol nid ɛp fɔ go na mitin ɛn fɔ go na os bak. Sɔntɛm, wan uman we in man bin dɔn day nid ɛp fɔ mek sɔm tin we dɔn pwɛl na in os. (Jems 1:27) Brɔda ɛn sista dɛn we dɛn at pwɛl, we de wɔri, ɔ we gɛt ɔda prɔblɛm dɛn go nid wi fɔ go nia dɛn ɛn ɛnkɔrej dɛn. (Prɔvabs 12:25; Lɛta Fɔ Kɔlɔse 4:11) Wi go sho se wi lɛk “wi kɔmpin Kristiɛn dɛn” bay wetin wi de se ɛn du.—Lɛta Fɔ Galeshya 6:10.
18. Wetin go ɛp wi fɔ sɔlv di af-af cham-mɔt we wi kin gɛt wit wi brɔda dɛn?
18 Di Baybul se insay di “las dez” na dis wikɛd wɔl, bɔku pipul dɛn go bisin nɔmɔ bɔt dɛnsɛf ɛn dɛn go want ɔltin fɔ dɛnsɛf. (Sɛkɛn Lɛta To Timoti 3:1, 2, NW) As Kristian dɛn, wi nid fɔ wok tranga wan fɔ kɔntinyu fɔ lɛk Jiova, in Wɔd di Baybul, ɛn wi kɔmpin dɛn. Sɔntɛnde, bikɔs wi nɔ pafɛkt wi kin gɛt af-af cham mɔt wit wi brɔda dɛn. Bɔt bikɔs wi lɛk wisɛf, wi go tray fɔ sɔlv ɛni prɔblɛm we wi de gɛt kwik kwik wan. (Lɛta Fɔ Ɛfisɔs 4:32; Lɛta Fɔ Kɔlɔse 3:14) Mek wi nɔ ɛva alaw ɛnitin fɔ ambɔg di lɔv we wi gɛt. Bifo dat, wi fɔ kɔntinyu fɔ lɛk Jiova, in Wɔd, ɛn wi brɔda dɛn mɔ ɛn mɔ.