“A Go Waka Na Yu Tru We”
“Tich mi, O Jiova bɔt yu we ɛn a go waka na yu tru we.”—SAM 86:11, NW.
1-3. (a) Aw wi fɔ si di tru tin dɛn we wi de lan na di Baybul? Gi wan ɛgzampul. (Luk di pikchɔ nia dis atikul in taytul.) (b) Wetin wi go tɔk bɔt insay dis atikul?
TIDE, i kɔmɔn fɔ mek pipul dɛn bay sɔntin na shɔp ɛn ritɔn am bak. Sɔntɛm dɛn nɔ lɛk wetin we dɛn bay lɛk aw dɛn bin tink se dɛn go lɛk am ɔ sɔntɛm di tin we dɛn bay gɛt prɔblɛm. So dɛn kin disayd fɔ chenj am fɔ ɔda tin ɔ tek dɛn mɔni bak.
2 Wi nɔ go ɛva du dis wit di tru tin dɛn we wi de lan na di Baybul. We wi dɔn “spɛnd” fɔ gɛt am, we min se, we wi dɔn lan di tru, wi nɔ ɛva want fɔ “lɔs” am, dat na fɔ lɛf am. (Rid Prɔvabs 23:23; Fɔs Lɛta To Timoti 2:4) Jɔs lɛk aw wi bin dɔn tɔk insay di fɔs atikul, wi bin spɛnd bɔku tɛm fɔ lan di tru. Dɔn bak, i go bi se wi dɔn lɛf biɛn wok we fɔ dɔn mek wi gɛt bɔku mɔni. Ɛn i go bi bak se, wi bin nid fɔ lɛf sɔm pan wi padi dɛn, chenj di we aw wi de tink ɛn du tin, ɔ lɛf fɔ put an pan tin dɛn we Jiova nɔ lɛk. Bɔt wi biliv tranga wan se, wi nɔ go kɔmpia di fayn fayn blɛsin dɛn we wi dɔn gɛt we wi lan di tru to di tin dɛn we wi dɔn lɛf biɛn.
3 Jizɔs bin pul wan parebul bɔt wan biznɛsman we bin de travul fɔ luk fɔ fayn fayn bid dɛn we dɛn kɔl pal. We di man bin fɛn wan we rili gɛt valyu, wantɛm wantɛm i sɛl ɔl wetin i gɛt so dat i go bay am. Da fayn bid de we dɛn kɔl pal tinap fɔ di tru tin bɔt Gɔd in Kiŋdɔm. Jizɔs bin yuz dis parebul fɔ sho aw di tru rili valyu to pipul dɛn we de luk fɔ am. (Matyu 13:45, 46) Fɔs, we wi lan di tru bɔt Gɔd in Kiŋdɔm ɛn ɔl ɔda tru tin dɛn frɔm di Baybul, wisɛf bin rɛdi fɔ sakrifays ɛnitin so dat wi go gɛt am. If wi kɔntinyu fɔ valyu di tru, wi nɔ go ɛva lɛf am. Bɔt i sɔri fɔ no se, sɔm pan Gɔd in pipul dɛn nɔ valyu di tru igen ɛn dɛn dɔn ivin lɛf am. Wi nɔ ɛva want fɔ du dat. Wi nid fɔ fala di Baybul in advays fɔ kɔntinyu fɔ “waka na di tru rod ɔltɛm.” (Rid Jɔn In Tɔd Lɛta 2-4.) Dat min se wi fɔ put wetin Gɔd want fɔs na wi layf ɛn sho dat bay di we aw wi de liv wi layf. Bɔt aw pɔsin go “lɔs,” ɔ lɛf di tru? Wetin mek? Wetin wi go du fɔ mek shɔ se wi nɔ ɛva du dat? Aw wi go mekɔp wi maynd fɔ “waka na di tru rod ɔltɛm”?
WETIN MEK SƆM PIPUL DƐN DƆN “LƆS” DI TRU ƐN AW DƐN “LƆS” AM?
4. Wetin mek sɔm pipul dɛn bin stɔp fɔ waka na di tru rod insay Jizɔs in tɛm?
4 Insay Jizɔs in tɛm, sɔm pipul dɛn we bin gladi fɔ lan di tru nɔ bin kɔntinyu fɔ waka na di tru rod. Fɔ ɛgzampul, afta we Jizɔs bin pafɔm wan mirekul ɛn fid bɔku pipul dɛn, dɛn pipul dɛn de bin fala am go na di ɔda say na di Si na Galili. Bɔt Jizɔs bin tɔk sɔntin we bin shɔk dɛn. I bin se: “A de tɛl una fɔ tru se, if una nɔ it Mɔtalman Pikin in bɔdi ɛn drink in blɔd, una nɔ go gɛt tru layf.” Bifo dɛn aks Jizɔs fɔ ɛksplen to dɛn wetin i bin min, dɛn bin se: “Dis tin ya we i lan wi tu traŋa [“fiaful,” NW]; udat go gri fɔ fala dɛn? So dat bin mek “plɛnti pan di pipul dɛn we bin de fala Jizɔs, tap fɔ fala am.”—Jɔn 6:53-66.
5, 6. (a) Wetin mek sɔm pipul dɛn dɔn lɛf di tru insay wi yon tɛm? (b) Aw pɔsin kin lɛf di tru smɔl smɔl?
5 I sɔri fɔ no se tide bak, sɔm pipul dɛn dɔn lɛf di tru. Wetin mek? Sɔm dɛn lɛf di tru bikɔs, dɛn nɔ gri wit di we aw di slev we fetful ajɔst di we aw wi bin ɔndastand wan Baybul vas ɔ wan brɔda tɔk ɔ du sɔntin we mɔna dɛn. Ɔda wan dɛn nɔ lɛk we pɔsin de gi dɛn advays frɔm di Baybul, ɔ dɛn bin gɛt siriɔs plaba wit pɔsin na di kɔngrigeshɔn. Ɛn ɔda pipul dɛn fala di lay lay tichin dɛn we di wan dɛn we dɔn lɛf fɔ wɔship Jiova de tich ɛn ɔda wan dɛn we de tɔk lay lay tin dɛn bɔt wi. Dis na jɔs sɔm pan di rizin dɛn we mek sɔm pipul dɛn dɔn lɛf fɔ sav Jiova bay wilful. (Di Ibru Pipul Dɛn 3:12-14) I bin fɔ dɔn fayn if dɛn abop pan Jizɔs jɔs lɛk aw Pita bin du. We di tin we Jizɔs tɔk bin shɔk ɔda pipul dɛn, Jizɔs bin aks in apɔsul dɛn if dɛnsɛf want fɔ lɛf fɔ fala am. Pita bin ansa se: “Masta, udat wi go go to?” Na yu de tɔk dɛn wɔd we de gi pɔsin layf we go de sote go.”—Jɔn 6:67-69.
Di Ibru Pipul Dɛn 2:1) Bɔku tɛm di wan dɛn we de lɛf di tru smɔl smɔl nɔ kin du am bay wilful. Bɔt di pɔsin kin alaw fɔ mek in padi biznɛs wit Jiova wik, ɛn as tɛm de go, i go lɔs am. Wetin wi go du fɔ mek dis kayn tin nɔ ɛva apin to wi?
6 Ɔda pipul dɛn dɔn lɛf di tru smɔl smɔl, sɔntɛm dɛn nɔ kin ivin notis wetin bin de apin. Pɔsin we de lɛf fɔ sav Jiova smɔl smɔl, tan lɛk bot we wata de go wit smɔl smɔl. Di Baybul wɔn wi fɔ mek wi tek tɛm “so dat wi nɔ go kɔmɔt na di rayt rod.” (WETIN WI GO DU FƆ MEK WI NƆ ƐVA LƆS DI TRU?
7. Wetin go ɛp wi fɔ mek wi nɔ ɛva lɔs di tru?
Wi nɔ go pik us advays dɛn na di Baybul we wi fɔ fala ɛn us wan wi nɔ fɔ fala
7 Fɔ mek wi go kɔntinyu fɔ du wetin di Baybul se, wi fɔ gri wit wetin de na di Baybul ɛn rɛdi fɔ du ɔl wetin Jiova tɛl wi fɔ du. Wi fɔ mek di tru bi di tin we impɔtant to wi pas ɛni ɔda tin na layf, ɛn fala di Baybul in advays dɛn pan ɛnitin we wi de du. We Kiŋ Devid bin de pre to Jiova, i bin prɔmis am se: “A go waka na yu tru we.” (Sam 86:11, NW) Devid bin mekɔp in maynd fɔ kɔntinyu fɔ waka na di rayt rod ɛn wisɛf fɔ du di sem tin. If wi nɔ du dat, wi go bigin fɔ tink bɔt di tin dɛn we wi bin dɔn lɛf biɛn fɔ lan di tru, ɛn wi go ivin want sɔm pan dɛn tin dɛn de bak. Bɔt wi nɔ go pik us advays dɛn na di Baybul we wi fɔ fala ɛn us wan wi nɔ fɔ fala. Wi fɔ kɔntinyu fɔ fala “ɔltin we tru.” (Jɔn 16:13) Insay di fɔs atikul, wi bin tɔk bɔt fayv tin dɛn we wi go dɔn lɛf biɛn fɔ lan di tru ɛn du wetin wi de lan. Naw, wi go lan aw wi go mek shɔ se wi nɔ ɛva go bak to di tin dɛn we wi lɛf biɛn.—Matyu 6:19.
8. Aw di we aw Kristian de yuz in tɛm kin mek i lɛf di tru smɔl smɔl? Gi wan ɛgzampul.
8 Tɛm. Fɔ mek wi nɔ go ɛva lɛf di tru, wi fɔ kɔntinyu fɔ yuz wi tɛm wit sɛns. If wi nɔ tek tɛm, wi go spɛnd bɔku pan wi tɛm fɔ du tin dɛn fɔ ɛnjɔy wisɛf, fɔ ple gem dɛn we wi lɛk, fɔ yuz di Intanɛt, ɔ fɔ wach tɛlivishɔn. Pan ɔl we dɛn tin dɛn ya nɔ bad, wi go de yuz di tɛm we wi bin de yuz fɔ stɔdi ɛn fɔ prich. Dis kayn tin bin apin to Ɛma. * (Luk di futnot.) Frɔm we i bin smɔl, i bin lɛk fɔ rayd ɔs ɛnitɛm we i gɛt chans. Bɔt i bin bigin fɔ fil bad bikɔs i bin de spɛnd bɔku pan in tɛm fɔ rayd ɔs, ɛn i bin disayd fɔ chenj di tin dɛn we i fɔ put fɔs na in layf. Ɛma bin lan bak bɔt wan sista we nem Kɔri Wɛls in ɛkspiriɛns, we bin de tek pat pan kɔmpitishɔn dɛn fɔ rayd ɔs. * (Luk di futnot.) Naw Ɛma de spɛnd bɔku pan in tɛm fɔ sav Jiova; dɔn i kin spɛnd mɔ tɛm naw wit in famili ɛn padi dɛn we de sav Jiova. Naw i de fil se in padi biznɛs wit Gɔd dɔn rili tayt, ɛn i gladi bikɔs i no se i de yuz in tɛm wit sɛns.
9. Aw mɔni ɛn prɔpati go bi di tin we impɔtant pas ɔl to wi?
9 Mɔni ɛn prɔpati dɛn. If wi want fɔ kɔntinyu fɔ de na di tru, wi nɔ fɔ alaw prɔpati fɔ bi di tin we rili impɔtant to wi. We wi bin lan di tru, wi bin kam fɔ no se fɔ sav Jiova impɔtant pas prɔpati dɛn, ɛn wi bin gladi fɔ lɛf dɛn biɛn fɔ lan di tru. Bɔt as tɛm de go, wi kin si pipul dɛn de bay di letɛs ilɛktroniks tin dɛn. Wi go bigin fil se wi de mis. Wi nɔ go satisfay igen wit wetin wi gɛt ɛn wi go bigin pe atɛnshɔn mɔ fɔ gɛt mɔni ɛn prɔpati pas fɔ sav Jiova. Dis mek wi mɛmba wetin bin apin to Dimas. I bin “lɛk dɛn tin we de na di wɔl” pasmak so i bin lɛf di wok we i bin gɛt fɔ du wit Pɔl. (Sɛkɛn Lɛta To Timoti 4:10) Sɔntɛm Dimas bin lɛk mɔni ɛn prɔpati pas aw i bin lɛk Gɔd. Ɔ sɔntɛm, i nɔ want fɔ lɛf ɛnitin biɛn igen fɔ wok wit Pɔl. Wetin na di lɛsin fɔ wi? Sɔntɛm trade wi bin rili lɛk mɔni ɛn prɔpati. If wi nɔ tek tɛm, wi go bigin lɛk dɛn tin dɛn de bak ɛn i go kɔntinyu sote wi lɛf fɔ lɛk di tru tin dɛn we wi dɔn lan.
10. Wetin wi nɔ fɔ alaw frɔm wi padi ɛn fambul dɛn?
10 Padi biznɛs wit ɔda pipul dɛn. Fɔ mek wi go kɔntinyu fɔ waka na di tru rod, wi nɔ fɔ alaw di wan dɛn we nɔ de sav Jiova fɔ mek wi bigin du tin jɔs lɛk dɛn. We wi jɔs lan di tru, wi padi biznɛs wit wi padi ɛn fambul dɛn we nɔto Jiova Witnɛs, bin chenj. Sɔntɛm, sɔm pan dɛn bin rɛspɛkt di nyu tin dɛn we wi biliv bɔt ɔda wan dɛn nɔ bin de trit wi fayn. (Pita In Fɔs Lɛta 4:4) Bɔt wi kin tray tranga wan fɔ mek wi trit wi fambul dɛn fayn. Bɔt wi nɔ go lɛf fɔ du wetin rayt na Jiova in yay fɔ mek dɛn gladi. Ɛn lɛk aw wi lan na Fɔs Lɛta Fɔ Kɔrint 15:33, wi tayt padi dɛn fɔ bi pipul dɛn we lɛk Jiova.
11. Wetin wi go du fɔ mek wi avɔyd fɔ tink ɛn du dɔti tin dɛn?
11 Dɔti tin dɛn we wi kin tink bɔt ɛn du. Fɔ mek wi go waka na di tru rod, wi nid fɔ bi pipul dɛn we oli ɔ klin na Jiova in yay. (Ayzaya 35:8; rid Pita In Fɔs Lɛta 1:14-16.) We wi lan di tru, wi bin nid fɔ chenj di we aw wi de liv wi layf fɔ mek wi go fala wetin di Baybul se. Sɔm pipul dɛn bin mek big chenj dɛn. Bɔt wi stil nid fɔ tek tɛm mek wi nɔ ɛva ɛkschenj di klin layf we wi de liv fɔ di kayn layf we go mek wi du mami ɛn dadi biznɛs di we aw Gɔd nɔ want. Wetin go ɛp wi fɔ mek wi nɔ put an pan mami ɛn dadi biznɛs di we aw Gɔd nɔ want? Tink bɔt wetin Jiova dɔn gi wi so dat wi go bi pipul dɛn we oli. I mek in Pikin, Jizɔs Krays day fɔ wi! (Pita In Fɔs Lɛta 1:18, 19) Fɔ mek wi klin na Jiova in yay, wi fɔ mɛmba ɔltɛm se di day we Jizɔs day fɔ wi na tin we rili valyu.
12, 13. (a) Wetin mek wi fɔ si sɛlibreshɔn dɛn di we aw Jiova de si dɛn? (b) Wetin nɛks wi go tɔk bɔt?
12 Kɔstɔm ɛn sɛrimoni dɛn we Gɔd nɔ lɛk. Wi fambul dɛn, wokmet dɛn, ɛn skulmet dɛn go tray fɔ mek wi jɔyn dɛn fɔ sɛlibret batde, ɔ ɔda ɔlide dɛn. Wetin go ɛp wi fɔ mek wi nɔ alaw dɛn fɔ fos wi fɔ jɔyn dɛn pan dɛn sɛlibreshɔn Lɛta Fɔ Ɛfisɔs 5:10) If wi abop pan Jiova ɛn in Wɔd, wi nɔ go fred wetin ɔda pipul dɛn tink.—Prɔvabs 29:25.
dɛn de? Wi nid fɔ de mɛmba ɔltɛm wetin mek Jiova se dɛn sɛlibreshɔn dɛn de nɔ fayn. Wi kin du risach bak na wi buk, magazin, ɛn ɔda tin dɛn so dat wi go mɛmba wisɛf aw sɔm patikyula ɔlide dɛn bigin. We wi tink gud wan bɔt di rizin dɛn we de na di Baybul, dat de mek wi nɔ de put an pan dɛn sɛlibreshɔn dɛn de, wi go biliv gud gud wan fɔ se wi de du “wetin di Masta want.” (13 Wi ɔl want fɔ kɔntinyu fɔ waka na di tru rod sote go. Bɔt wetin go ɛp wi fɔ mekɔp wi maynd gud gud wan fɔ kɔntinyu fɔ waka na di tru rod? Lɛ wi tɔk bɔt tri tin dɛn we go ɛp wi.
MEKƆP YU MAYND GUD GUD WAN FƆ WAKA NA DI TRU ROD
14. (a) We wi kɔntinyu fɔ stɔdi di Baybul, aw dat go ɛp wi fɔ mekɔp wi maynd nɔ fɔ lɛf di tru? (b) Wetin mek wi nid fɔ ɔndastand, gɛt sɛns, ɛn tek advays?
14 Fɔs, na fɔ kɔntinyu fɔ stɔdi di Baybul ɛn tink gud wan bɔt wetin yu de lan. Mek tɛm fɔ de du dat ɔltɛm. Di mɔ yu de stɔdi, na di mɔ yu go lɛk di tru tin dɛn we yu de lan ɛn yu go mekɔp yu maynd nɔ fɔ ɛva lɛf am. Prɔvabs 23:23 tɛl wi ‘fɔ spɛnd fɔ lɛ wi no di tru’ ɛn wi fɔ ‘no wetin rayt frɔm rɔŋ, ɛn ɔndastand wetin wi de du.’ I nɔ jɔs du fɔ sabi di tru tin dɛn na di Baybul. Wi nid fɔ du wetin wi de lan. We wi ɔndastand, wi de ebul fɔ kɔnɛkt di tin dɛn we wi de lan wit di tin dɛn we wi bin dɔn sabi. Sɛns de mek wi du wetin wi dɔn lan. Sɔntɛnde, di tru kin kɔrɛkt wi bay we i de sho wi sɔm pan di tin dɛn we wi nid fɔ chenj. Wi nɔ fɔ westɛm fɔ fala dɛn advays dɛn de, ɛn di Baybul se i valyu pas silva.—Prɔvabs 8:10.
15. Aw di tru tin dɛn we wi de lan go protɛkt wi lɛk bɛlt?
15 Sɛkɔn, mekɔp yu maynd fɔ du di tru tin dɛn we yu dɔn lan ɔltɛm. Di Baybul kɔmpia di tru to bɛlt we sojaman de wɛr. (Lɛta Fɔ Ɛfisɔs 6:14) Insay di tɛm we dɛn bin de rayt di Baybul, bɛlt bin de sɔpɔt ɛn protɛkt sojaman we i de fɛt wans di bɛlt tayt. If di bɛlt slak, i nɔ go ɛp am. Aw di tru tin dɛn we wi de lan de protɛkt wi lɛk bɛlt? If wi de mɛmba di tru tin dɛn we wi de lan ɔltɛm, i go protɛkt wi ɛn mek wi nɔ tink bɔt bad tin dɛn ɛn dat go ɛp wi fɔ disayd fɔ du gud tin dɛn. We wi gɛt siriɔs prɔblɛm ɔ we dɛn tɛmt wi fɔ du bad tin, di tru tin dɛn we de na di Baybul go ɛp wi fɔ mekɔp wi maynd fɔ du wetin rayt. Jɔs lɛk aw sojaman nɔ de ɛva go fɛt if i nɔ wɛr in bɛlt, wisɛf nɔ fɔ ɛva lɛf di tru. Wi fɔ mek shɔ se wi de fala di tru tin dɛn na di Baybul ɔltɛm. Sojaman dɛn kin put dɛn sɔd bak na dɛn bɛlt. Lɛ wi si aw wisɛf go du sɔntin lɛk dat.
16. We wi de tich ɔda pipul dɛn di tru tin dɛn, aw dat de ɛp wi fɔ kɔntinyu fɔ waka na di tru rod?
16 Tɔd, wi fɔ de tich ɔda pipul dɛn di tru tin dɛn we wi de lan. Dɛn kɔmpia di Baybul to sɔd. Jɔs lɛk aw gud sojaman kin mek shɔ se i ol in sɔd tayt wan, na so wisɛf nid fɔ ol Gɔd in Wɔd tayt. (Lɛta Fɔ Ɛfisɔs 6:17) Wi ɔl kin bi gud ticha dɛn we de “lan pipul di tru wɔd bɔt Gɔd.” (Sɛkɛn Lɛta To Timoti 2:15) We wi yuz di Baybul fɔ tich ɔda pipul dɛn, wi de sabi di tru tin dɛn we de insay de ɛn lɛk dɛn mɔ. Ɛn dat go mek wi mekɔp wi maynd fɔ kɔntinyu fɔ waka na di tru rod.
Di tru na valyu tin we Jiova dɔn gi wi
17. Wetin mek yu valyu di tru tin dɛn?
17 Di tru na valyu tin we Jiova dɔn gi wi. Dat de mek wi ebul fɔ gɛt tayt padi biznɛs wit wi Papa na ɛvin. I valyu pas ɛni ɔda tin we wi go ɛva gɛt. Jiova dɔn tich wi bɔku tin dɛn, bɔt wi jɔs bigin fɔ lan! I dɔn prɔmis se i go kɔntinyu fɔ tich wi sote go. So, na fɔ valyu di tru lɛk aw yu go valyu fayn fayn bid. Kɔntinyu fɔ “spɛnd fɔ lɛ yu no di tru ɛn we yu gɛt am, nɔ mek. . . te yu lɔs am.” Dɔn, lɛk Devid, yusɛf go du wetin yu dɔn prɔmis Jiova fɔ se, “a go waka na yu tru we.”—Sam 86:11, NW.
^ par. 8 Dɛn dɔn chenj in nem na dis atikul.
^ par. 8 Go na JW TV, ɛn luk ɔnda di say we se, INTERVIEWS AND EXPERIENCES > TRUTH TRANSFORMS LIVES.