We wi de rid di Baybul, wi kin du risach fɔ ɔndastand gud gud wan wetin wi de rid. Bɔt wi nɔ fɔ jɔs stɔdi fɔ no mɔ bɔt di Baybul. Wi want fɔ lan bɔt tin dɛn we go ɛp wi fɔ no di kayn pɔsin we Jiova bi ɛn mek wi lɛk am mɔ ɛn mɔ. Fɔ mek wi ebul du dat, wi nid fɔ aks wisɛf, ‘Wetin dis Baybul akawnt tich mi bɔt Jiova?’

Fɔ ɛgzampul, yu kin tray fɔ lan mɔ bɔt aw Jiova dɔn sho in lɔv, sɛns, jɔstis, ɛn pawa. Bɔt Jiova gɛt bɔku ɔda wɔndaful kwaliti dɛn we yu kin lan bɔt. Usay yu go fɛn mɔ infɔmeshɔn bɔt in kwaliti dɛn?

Luk di list we gɛt pas 50 ɔda kwaliti dɛn we de na di Watch Tower Publications Index ɔnda di ɛdin “Jehovah” ɛn di sɔbɛdin “Qualities by Name.” Du risach bɔt di wan we fit di Baybul akawnt we yu de rid. (If na di Buk we De Ɛp Jiova Witnɛs dɛn fɔ No bɔt Sɔntin nɔmɔ yu ebul yuz, luk ɔnda di ɛdin “Jiova Gɔd” ɛn di sɔbɛdin “Jiova in Kwaliti Dɛn.”