Yu dɔn tek tɛm rid Di Wachtawa dɛn fɔ dis ia? Wɛl, si if yu go ebul ansa dɛn kwɛstyɔn dɛn ya:

Aw wi go bɛnifit if wi spɛn tɛm fɔ tɔk to, lisin to, ɛn tink bɔt Jiova?

Wi go ebul disayd fɔ du di rayt tin dɛn, bi gud ticha dɛn, wi fet go strɔng mɔ ɛn mɔ, ɛn wi go lɛk Jiova mɔ ɛn mɔ.—w22.01, pej 30 ɛn 31.

Aw wi go bɛnifit if wi lan fɔ biliv Jiova ɛn di wan dɛn we i dɔn pik fɔ de bifo?

Naw na di tɛm fɔ mek wi lan fɔ biliv di we aw Gɔd de du tin bay we wi nɔ de dawt wetin di ɛlda dɛn de tɛl wi fɔ du ɛn di tin dɛn we dɛn de disayd. We da big big trɔbul go bigin, wi go rɛdi fɔ obe ivin if dɛn tɛl wi fɔ du sɔntin we luk strenj ɔ we nɔ mek sɛns.—w22.02, pej 4 to 6.

Wetin di enjɛl bin de tray fɔ se we i bin de tɛl Zɛkaraya bɔt wan “plɔm layn na [Gɔvnɔ] Zɛrubabɛl in an”? (Zɛk. 4:​8-10, NWT)

Dis vishɔn bin ɛp Gɔd in pipul dɛn fɔ no se pan ɔl we di tɛmpul nɔ tan lɛk di fɔs wan, dɛn go dɔn fɔ bil am, ɛn i go de di we aw Gɔd want am.—w22.03, pej 16 ɛn 17.

Aw wi go bi gud “ɛgzampul . . . bay di we aw [wi] de tɔk”? (1 Tim. 4:​12)

Wi go tɔk wit rɛspɛkt ɛn tek tɛm tɔk we wi de prich, wi go siŋ wit ɔl wi at, kɔmɛnt ɔltɛm na mitin, ɛn tɔk tru ɛn ɛp ɔda pipul dɛn fɔ tinap tranga wan, ɛn avɔyd fɔ de kɔs.—w22.04, pej 6 to 9.

Wetin mek di tin dɛn we Daniɛl chapta 7 tɔk bɔt di 4 wayl animal dɛn (kiŋdɔm dɛn) na di sem wit wetin Rɛvɛleshɔn 13:​1, 2 tɔk bɔt wangren wayl animal?

Di wayl animal we Rɛvɛleshɔn 13 tɔk bɔt nɔ jɔs tinap fɔ wan patikyula kiŋdɔm, lɛk Rom. Bɔt, i tinap fɔ ɔl di gɔvmɛnt dɛn we dɔn de rul mɔtalman.—w22.05, pej 9.

Wetin na wan men tin we wi go du fɔ sho se wi gɛt kɔnfidɛns pan Gɔd in jɔstis?

If pɔsin dɔn tɔk sɔntin we mek wi fil bad, dɔn ɔfɛn wi, ɔ sin agens wi, wi de tray nɔ fɔ vɛks ɛn kip grɔj, wi de biliv se Jiova go jɔj fia wan. I go pul ɔl di prɔblɛm dɛn we sin dɔn kɔz.—w22.06, pej 10 ɛn 11.

Wetin brɔda we dɛn aks fɔ pre na mitin fɔ mɛmba?

Dɛn nɔ fɔ yuz dɛn prea fɔ kɔrɛkt ɔ tich di kɔngrigeshɔn ɔ fɔ mek anawnsmɛnt. Mɔ we mitin want fɔ bigin, dɛn nɔ nid fɔ yuz “bɔku wɔd dɛn.” (Mat. 6:​7)—w22.07, pej 24 ɛn 25.

Us we “di wan dɛn we bin de du wikɛd tin dɛn go gɛt layf bak fɔ mek dɛn jɔj dɛn”? (Jɔn 5:​29)

Dɛn nɔ go jɔj dɛn bad we bikɔs ɔf wetin dɛn bin dɔn du. Dɛn go tek tɛm wach di tin dɛn we dɛn go du ɛn di we aw dɛn go biev afta dɛn gɛt layf bak.—w22.09, pej 18.

Us fayn tɔk Brɔda J. F. Rutafɔd bin gi na wan kɔnvɛnshɔn insay Sɛptɛmba 1922?

Na wan kɔnvɛnshɔn na Sida Pɔynt, Oayo, insay Amɛrika, i bin tɔk se: “Di Kiŋ de rul! Na una gɛt di wok fɔ tɛl ɔlman bɔt dis. So una advatayz, advatayz, advatayz, di Kiŋ ɛn in Kiŋdɔm!”—w22.10, pej 3 to 5.

Us tri we dɛn Ayzaya chapta 30 tɔk se Gɔd de ɛp wi fɔ bia?

Dis chapta sho se (1) i de lisin ɛn ansa wi prea dɛn, (2) i de gayd wi, ɛn (3) i de blɛs wi naw ɛn tumara bambay.—w22.11, pej 9.

Wetin mek wi go se di wɔd dɛn we de na Sam 37:​10, 11, 29 bin kam tru trade ɛn i go kam tru tumara bambay?

Devid in wɔd dɛn tɔk bɔt di tɛm we ɔltin bin fayn fɔ di Izrɛlayt dɛn, lɛk di tɛm we Sɔlɔmɔn bin de rul. Jizɔs bin tɔk bɔt Paradays we go de tumara bambay ɛn i bin kot vas 11. (Mat. 5:​5; Lyuk 23:​43)—w22.12, pej 8 to 10, 14.