1. Wetin na di spirichwal paradays? Wetin wi fɔ mekɔp wi maynd fɔ du?

 WAN paradays de na di wɔl tide we gɛt pipul dɛn we bizi de du gud tin dɛn. I ful-ɔp wit bɔku bɔku pipul dɛn we de ɛnjɔy tru tru pis. Di wan dɛn we ɔlrɛdi de na dis paradays dɔn mekɔp dɛn maynd nɔ fɔ ɛva kɔmɔt de. Dɛn want bak mek bɔku ɔda pipul dɛn jɔyn dɛn na dis wɔndaful ples. Wetin na dis paradays? Na di spirichwal paradays! a

2. Wetin wɔndaful bɔt di spirichwal paradays?

² I fayn fɔ no se Jiova dɔn mek wan fayn say we in pipul dɛn gɛt pis ɛn wanwɔd pan ɔl we dɛn de na Setan in wikɛd wɔl we ful-ɔp wit denja ɛn usay pipul dɛn ɛt dɛnsɛf. (1 Jɔn 5:19; Rɛv. 12:12) Wi Gɔd we lɛk wi de si aw di bad tin dɛn we de apin na dis wikɛd wɔl de ambɔg pipul dɛn, bɔt i dɔn mek in savant dɛn fil sef so dat dɛn go kɔntinyu fɔ sav am wit gladi-at. In Wɔd di Baybul tɔk bɔt di spirichwal paradays se na “say fɔ ayd” we sef ɛn na “gadin we gɛt wata ɔltɛm.” (Ayz. 4:6; 58:11) Bikɔs ɔf Jiova in blɛsin, di wan dɛn we de na dis paradays gɛt gladi-at ɛn dɛn sef insay dis wɔl we tin rili tranga.​—Ayz. 54:14; 2 Tim. 3:1.

3. Aw di prɔfɛsi we de na Ayzaya chapta 65 bin kam tru insay di Izrɛlayt dɛn tɛm?

³ Jiova bin yuz prɔfɛt Ayzaya fɔ tɔk bɔt aw tin go tan lɛk fɔ di wan dɛn we bin de na di spirichwal paradays. Yu  go ebul fɔ si dat insay Ayzaya chapta 65, we bin dɔn kam tru trade insay di ia 537 bifo Krays. Da tɛm de, dɛn bin fri di Ju dɛn we bin ripɛnt frɔm Babilɔn ɛn mek dɛn go bak na dɛn om-tɔŋ. Jiova bin blɛs in pipul dɛn ɛn ɛp dɛn fɔ mek Jerusɛlɛm we dɛn bin dɔn pwɛl pwɛl fayn bak, ɛn mek di tɛmpul bi di men ples bak we dɛn de wɔship Jiova na Izrɛl.​—Ayz. 51:11; Zɛk. 8:3.

4. Aw di prɔfɛsi we de na Ayzaya chapta 65 de kam tru tide?

⁴ Di sɛkɔn tɛm we Ayzaya in prɔfɛsi kam tru bin bigin insay di ia 1919 afta Krays we Jiova in savant dɛn we de wɔship am tide kɔmɔt na Babilɔn di Gret. Afta dat, di spirichwal paradays bin stat fɔ prɛd ɔlsay na di wɔl. Pipul dɛn we bin gɛt zil fɔ prich bɔt di Kiŋdɔm bin mek bɔku kɔngrigeshɔn dɛn ɛn dɛn bin de sho se dɛn gɛt spirichwal kwaliti dɛn. Man ɛn uman dɛn we bin lɛk fɛt-fɛt ɛn we bin de liv fri layf dɔn “gɛt di nyu abit dɛn we Gɔd mek akɔdin to wetin i want.” (Ɛfi. 4:24) As wi ɔl no, bɔku pan di blɛsin dɛn we Ayzaya tɔk bɔt go kam tru na di nyu wɔl we gɛt fɔ kam. Bɔt ivin naw, wi de bɛnifit bɔku we dɛn we wi de na di spirichwal paradays. Lɛ wi tɔk bɔt aw dis spirichwal paradays de afɛkt wi ɛn wetin mek wi nɔ fɔ ɛva kɔmɔt de.

AW DI WAN DƐN WE DE NA DI SPIRICHWAL PARADAYS DE FIL?

5. Akɔdin to di prɔmis we de na Ayzaya 65:13, wetin wi de ɛnjɔy na di spirichwal paradays?

⁵ Wi gɛt bɔku spirichwal fud ɛn wi de fil fayn. Ayzaya in prɔfɛsi de sho di big difrɛns bitwin aw layf tan lɛk fɔ di wan dɛn we de insay di spirichwal paradays ɛn aw i tan lɛk fɔ di wan dɛn we nɔ de de. (Rid Ayzaya 65:13.) Di tin dɛn we Jiova de gi in savant dɛn bɔku pas wetin dɛn nid fɔ kɔntinyu fɔ de nia am. Wi gɛt in oli spirit, in Wɔd di Baybul, ɛn bɔku spirichwal fud fɔ “it, . . . drink, . . . [ɛn] gladi.” (Luk bak Rɛvɛleshɔn 22:17.) Bɔt di tin we de apin to di wan dɛn we nɔ de na di spirichwal paradays difrɛn. Dɛn “angri . . . , tɔsti . . . , [ɛn] de shem.” Dɛn nɔ gɛt padi biznɛs wit Gɔd.​—Emɔs 8:11.

6. Aw Joɛl 2:21-24 tɔk bɔt sɔm pan di gift dɛn we Jiova de gi wi? Aw dɛn kin bɛnifit wi?

⁶ Insay Joɛl in prɔfɛsi, i tɔk bɔt tin dɛn we wi nid lɛk sid, wayn, ɛn ɔliv ɔyl fɔ sho se Jiova de gi In pipul dɛn ɔl wetin dɛn nid fɔ kɔntinyu fɔ gɛt strɔng fet ɛn i de gi dɛn advays dɛn bak frɔm di Baybul. (Joɛl 2:21-24) Fɔ ɛgzampul, i dɔn gi wi di Baybul ɛn wi pɔblikeshɔn dɛn we de tɔk bɔt di Baybul, wi wɛbsayt, wi mitin dɛn, asɛmbli, ɛn kɔnvɛnshɔn dɛn. Wi de bɛnifit frɔm dɛn tin dɛn ya ɛvride ɛn dat de mek wi bɛlful wit spirichwal it ɛn fil fayn mɔ ɛn mɔ.

7. Wetin de mek wi “gladi”? (Ayzaya 65:14)

⁷ Wi gladi ɛn satisfay. Gɔd in pipul dɛn de “ala wit gladi-at” bikɔs dɛn rili gladi fɔ wetin Jiova de du fɔ dɛn. (Rid Ayzaya 65:14.) Di tru tin dɛn, di fayn prɔmis dɛn we de na Gɔd in Wɔd, ɛn di strɔng op we wi gɛt bikɔs ɔf Krays in sakrifays de mek wi “gladi.” We wi de tɔk bɔt dɛn tin dɛn ya wit wi spirichwal brɔda ɛn sista dɛn, dat de mek wi rili gladi!​—Sams 34:8; 133:1-3.

8. Wetin na tu impɔtant tin dɛn we de insay di spirichwal paradays?

⁸ Di tu impɔtant tin dɛn we de insay di spirichwal paradays na di lɔv ɛn wanwɔd we Jiova in pipul dɛn gɛt. Dis “wanwɔd” de ɛp wi fɔ imajin aw layf go tan lɛk na  di nyu wɔl usay Jiova in savant dɛn go ɛnjɔy lɔv ɛn wanwɔd we pas di wan we dɛn de ɛnjɔy naw. (Kol. 3:14) Wan sista bin tɔk bɔt wetin i notis bɔt Jiova in pipul dɛn we i bin mit dɛn fɔ di fɔs tɛm. I tɔk se: “A nɔ bin no wetin fɔ du fɔ mek a gladi, ivin insay mi famili. Di fɔs tɛm we a si we pipul dɛn de sho se dɛn rili lɛk dɛnsɛf na we a mit Jiova Witnɛs dɛn.” Ɛnibɔdi we want fɔ gɛt tru tru gladi-at ɛn satisfay manyd nid fɔ de insay wi spirichwal paradays. Ilɛk wetin pipul dɛn na dis wɔl tink bɔt Jiova in savant dɛn, dɛn gɛt gudnem wit Jiova ɛn ɔl di wan dɛn we de wɔship am.​—Ayz. 65:15.

9. Us prɔmis Ayzaya 65:16, 17 gi bɔt di tin dɛn we de mek wi fil pen ɛn gɛt pwɛlat?

⁹ Wi at kol ɛn wi nɔ de wɔri. Ayzaya 65:14 tɔk se di wan dɛn we disayd nɔ fɔ de insay di spirichwal paradays de ‘kray bikɔs pen de na dɛn at, ɛn dɛn de kray lawd wan bikɔs dɛn at pwɛl.’ Bɔt wetin go apin to ɔl di tin dɛn we dɔn mek Jiova in pipul dɛn fil pen ɛn gɛt pwɛlat? I nɔ go te dɛn go ‘fɔgɛt bɔt di prɔblɛm dɛn ɛn Gɔd nɔ go si dɛn prɔblɛm dɛn de igen.’ (Rid Ayzaya 65:16, 17.) Jiova go pul ɔl wi prɔblɛm dɛn ɛn as tɛm de go, wi nɔ go ivin mɛmba aw dɛn prɔblɛm dɛn de bin de mek wi fil.

10. Wetin mek yu tink se na blɛsin fɔ de wit yu Kristian brɔda ɛn sista dɛn? (Luk bak di pikchɔ.)

¹⁰ Ivin naw, wi kin fil fayn we wi de na wi mitin dɛn usay wi kin rilaks ɛn nɔ pe atɛnshɔn pan di prɔblɛm dɛn we de mit wi na dis wikɛd wɔl. Wi de ɛp wi brɔda ɛn sista dɛn bak fɔ fil fayn we wi sho di kwaliti dɛn we Gɔd in spirit de mek pɔsin gɛt lɛk lɔv, gladi-at, pis, fɔ du gud, ɛn tek tɛm du tin. (Gal. 5:22, 23) Na big big blɛsin fɔ de na Gɔd in ɔganayzeshɔn! Di wan dɛn we kɔntinyu fɔ de insay di spirichwal paradays go si we ɔl di prɔmis dɛn we Gɔd mek bɔt di “nyu ɛvin ɛn nyu wɔl” de kam tru.

11. Akɔdin to Azaya 65:18, 19, aw di spirichwal paradays we Jiova dɔn mek fɔ afɛkt wi?

¹¹ Wi gɛt tɛnki ɛn zil. Ayzaya kɔntinyu fɔ ɛksplen wetin mek wi fɔ “gladi” insay di spirichwal paradays. Na Jiova mek di spirichwal paradays. (Rid Ayzaya 65:18, 19.) So wi nɔ sɔprayz we I de yuz wi fɔ ɛp pipul dɛn fɔ kɔmɔt na di ɔganayzeshɔn dɛn we de na dis wɔl we nɔ de tich dɛn di tru bɔt Gɔd ɛn we nɔ de ɛp dɛn fɔ kam insay di spirichwal paradays.  Wi gladi fɔ di blɛsin dɛn we wi de ɛnjɔy bikɔs wi de na di trut ɛn dat de muv wi fɔ tɛl ɔda pipul dɛn bɔt di trut.​—Jɛr. 31:12.

12. Aw di prɔmis dɛn we de na Ayzaya 65:20-24 de mek yu fil? Wetin mek?

¹² Wi gladi bak fɔ di op we wi gɛt bikɔs wi de na di spirichwal paradays. Jɔs tink bɔt ɔl di tin dɛn we wi go si ɛn du insay Gɔd in nyu wɔl! Di Baybul prɔmis se: “No pikin nɔ go de de igen we go jɔs liv fɔ tu-tri dez nɔmɔ, [ɛn] ol pa nɔ go de de we nɔ go liv fɔ di tɛm we pɔsin kin liv fɔ.” Wi go “bil os dɛn ɛn de de, [ɛn] plant vayn gadin dɛn ɛn it dɛn frut.” Wi “nɔ go wok fɔ natin,” bikɔs “Jiova dɔn blɛs” wi. I prɔmis se wi layf go gɛt rial minin, wi go satisfay, ɛn fil sef. “Ivin bifo dɛn kɔl,” i go no wetin ɛnibɔdi nid ɛn i go “mek ɔltin we gɛt layf gɛt wetin dɛn want.”—Ayz. 65:20-24; Sams 145:16.

13. Aw Ayzaya 65:25 tɔk bɔt di chenj dɛn we pipul dɛn de mek na dɛn layf we dɛn bigin fɔ sav Jiova?

¹³ Wi gɛt pis ɛn wi sef. Gɔd in spirit dɔn ɛp bɔku pipul dɛn we bin lɛk fɛt-fɛt ɛn we nɔ bin ɔnɛs fɔ mek big chenj dɛn na dɛn layf. (Rid Ayzaya 65:25.) Dɛn dɔn wok tranga wan fɔ lɛf di bad abit dɛn we dɛn bin gɛt. (Rom. 12:2; Ɛfi. 4:22-24) As wi ɔl no, Gɔd in pipul dɛn nɔ pafɛkt yet, so wi go kɔntinyu fɔ mek mistek dɛn. Bɔt, Jiova dɔn briŋ “ɔlkayn pipul dɛn” togɛda we lɛk am ɛn we lɛk dɛnsɛf, ɛn dat dɔn mek dɛn gɛt tru tru pis ɛn wanwɔd. (Tay. 2:11) Dis na mirekul we na di ɔlmayti nɔmɔ ebul pafɔm!

14. Aw di tin we apin to wan brɔda sho se wetin de na Ayzaya 65:25 na tru?

¹⁴ Fɔ se i rili pɔsibul fɔ mek pipul dɛn chenj dɛn abit dɛn? Tink bɔt dis ɛkspiriɛns. Wan yɔŋman we dɛn put na prizin bɔku tɛm bifo i de rich 20 ia bin de liv fri layf ɛn i bin lɛk fɛt-fɛt. Dɛn bin jel am bikɔs i bin de tif motoka, brok os fɔ tif, ɛn bikɔs ɔf ɔda siriɔs kraym dɛn we i bin de kɔmit. I bin rɛdi fɔ fɛt ɛnibɔdi. We i yɛri bɔt di tru tin dɛn na di Baybul fɔ di fɔs tɛm ɛn bigin atɛnd di mitin dɛn, i bin biliv tranga wan se i dɔn gɛt rizin fɔ liv, dat na fɔ wɔship Jiova na di spirichwal paradays. Afta i dɔn baptayz, bɔku tɛm i kin tink bɔt aw Ayzaya 65:25 aplay to am. I bin chenj frɔm pɔsin we lɛk fɛt-fɛt to pɔsin we lɛk pis.

15. Wetin mek wi want fɔ invayt ɔda pipul dɛn fɔ jɔyn wi na di spirichwal paradays? Aw wi go ebul du dat?

¹⁵ Ayzaya 65:13 bigin wit di wɔd dɛn we se: “Na dis Jiova we na di Masta We De Rul Ɔlman se.” Vas 25 dɔn wit di wɔd dɛn we se, “na dat Jiova se.” In wɔd dɛn de kam tru ɔltɛm. (Ayz. 55:10, 11) Di spirichwal paradays ɔlrɛdi de naw. Jiova dɔn mek wan spɛshal famili we de wɔship am. Bikɔs wi de na dis famili, wi rili gɛt pis naw ɛn wi sef insay dis wɔl we pipul dɛn lɛk fɛt-fɛt. (Sams 72:7) Na fɔ dɛn rizin dɛn ya mek wi want fɔ ɛp bɔku bɔku pipul dɛn fɔ jɔyn wi na wi Kristian famili. Wi go ebul du dis bay we wi pe atɛnshɔn fɔ mek disaypul dɛn.—Mat. 28:19, 20.

AW WI GO ƐP PIPUL DƐN FƆ MEK DƐN WANT FƆ KAM NA DI SPIRICHWAL PARADAYS?

16. Wetin go ɛp pipul dɛn fɔ mek dɛn want fɔ kam na di spirichwal paradays?

¹⁶ Wi ɔl go ebul du sɔntin fɔ mek ɔda pipul dɛn want fɔ kam na di spirichwal paradays. Fɔ mek wi go ebul du dis, wi nid fɔ falamakata Jiova. I nɔ de fos pipul dɛn fɔ kam na in ɔganayzeshɔn. Bifo dat, i de tek tɛm “briŋ” pipul dɛn to insɛf.  (Jɔn 6:44; Jɛr. 31:3) Pipul dɛn we gɛt gudat ɛn we dɔn lan bɔt Jiova in lɔv ɛn in wɔndaful kwaliti dɛn, de disayd fɔ dɛnsɛf fɔ kam nia am. Aw wi fayn kwaliti dɛn ɛn di fayn we aw wi de biev go ɛp ɔda pipul dɛn fɔ want fɔ kam insay di spirichwal paradays?

17. Wetin wi go du fɔ mek pipul dɛn want fɔ kam na di spirichwal paradays?

¹⁷ Wan tin we wi kin du fɔ mek ɔda pipul dɛn want fɔ kam na di spirichwal paradays na we wi de du gud to wi brɔda ɛn sista dɛn ɛn sho se wi lɛk dɛn. We pipul dɛn atɛnd wi mitin fɔ di fɔs tɛm, wi want dɛn fɔ tɔk di sem wɔd dɛn we di wan dɛn we nɔ bin biliv di Masta we sɔntɛm bin de atɛnd di mitin dɛn na Kɔrint bin tɔk. Dɛn bin se: “Gɔd rili de wit una.” (1 Kɔr. 14:24, 25; Zɛk. 8:23) So, wi nid fɔ kɔntinyu fɔ fala di advays we se wi fɔ “gɛt pis wit [wi] kɔmpin dɛn.”—1 Tɛs. 5:13.

18. Wetin go mek pipul dɛn want fɔ kam na wi ɔganayzeshɔn?

¹⁸ Wi fɔ tray ɔltɛm fɔ si wi Kristian brɔda ɛn sista dɛn di we aw Jiova de si dɛn. Wi go du dat bay we wi de pe atɛnshɔn pan dɛn fayn kwaliti dɛn ɛn nɔ pe atɛnshɔn pan dɛn mistek dɛn. I nɔ go te igen, dɛn go lɛf fɔ mek mistek dɛn. Wi fɔ sɔlv ɛni prɔblɛm di kayn we we de sho se wi gɛt lɔv, ɛn tray ɔltɛm ‘fɔ de du gud to wi kɔmpin dɛn, rili gɛt sɔri-at, ɛn fɔ de fɔgiv wi kɔmpin dɛn fɔ fri.’ (Ɛfi. 4:32) Dɔn, pipul dɛn we want fɔ mek dɛn trit dɛn fayn go want fɔ kam na di spirichwal paradays. b

 KƆNTINYU FƆ DE INSAY DI SPIRICHWAL PARADAYS

19. (a) Akɔdin to wetin de na di bɔks we gɛt di taytul “ Dɛn Kɔmɔt de ɛn Kam Bak,” wetin sɔm pipul dɛn se afta dɛn kam bak na di spirichwal paradays? (b) Wetin wi fɔ mekɔp wi maynd fɔ du? (Luk bak di pikchɔ.)

¹⁹ Wi rili gladi fɔ wi spirichwal paradays! I fayn pas aw i bin de trade ɛn mɔ pipul dɛn we de wɔship Jiova de de naw pas trade. Lɛ wi kɔntinyu fɔ sho se wi gladi fɔ di paradays we Jiova dɔn mek fɔ wi. Ɛnibɔdi we want fɔ rili fil fayn, gɛt satisfay maynd, lɛf fɔ wɔri, ɛn fil sef fɔ kam insay di spirichwal paradays ɛn nɔ ɛva kɔmɔt de! Bɔt wi rili nid fɔ tek tɛm bikɔs Setan de du ɔl wetin i ebul fɔ ful wi so dat wi go kɔmɔt de. (1 Pit. 5:8; Rɛv. 12:9) Mek wi nɔ alaw am fɔ ebul wi. Lɛ wi wok tranga wan fɔ protɛkt aw wi spirichwal paradays fayn, klin, ɛn di pis we de de.