Wan maredman ɛn in wɛf we de rid wan stori bɔt wi brɔda ɛn sista dɛn layf ɛni mɔnin tɔk se: “Dɛn stori dɛn ya de ɛnkɔrej wi ɛn mek wi gladi. Dɛn kin mɛmba wi se wisɛf ebul kɔntinyu fɔ fetful ilɛk wetin mit wi.” Wan sista we de fil di sem kayn we rayt se: “Dɛn stori dɛn ya de kɔrej mi, muv mi, ɛn mek a gladi. Wi brɔda ɛn sista dɛn layf rili gɛt minin. Dɛn stori dɛn de muv mi fɔ mek a du mɔ pan di prichin wok, ɛn dɛn de ɛp mi fɔ ɛp mi pikin dɛn fɔ mek dɛn sav Jiova ful-taym.”

Stori dɛn bɔt wi brɔda ɛn sista dɛn layf go muv yu fɔ tray fɔ rich fayn gol dɛn, fɔ lɛf bad abit dɛn, ɛn fɔ bia siriɔs prɔblɛm dɛn fetful wan ɛn wit gladi-at. Aw yu go ebul fɛn dɛn stori dɛn ya?

• Luk di atikul siriz na jw.org ɔ JW Laybri we gɛt di taytul “Life Stories of Jehovah’s Witnesses.”

• Luk fɔ “Life Stories of Jehovah’s Witnesses” na di Watchtower ONLINE LIBRARY^™ ɔ Watchtower Library.