Wi nɔ jɔs de wɔship Jiova we wi de togɛda na mitin, asɛmbli, ɛn kɔnvɛnshɔn dɛn, bɔt wi de wɔship am bak we wi de wi wangren ɔ wit wi famili. Dis na sɔm tin dɛn we yu kin yuz we yu de du yu pasɔnal stɔdi ɛn famili wɔship:

• Pripia fɔ mitin dɛn. Una kin praktis di siŋ dɛn ɛn ɛp ɔlman na di famili fɔ pripia in kɔmɛnt.

• Rid Baybul akawnt. Afta yu dɔn rid, drɔ pikchɔ bɔt wetin yu rid ɔ rayt bɔt wetin yu dɔn lan.

• Rid bɔt prea na di Baybul ɛn tink bɔt aw yu kin yuz am fɔ mek yu pre fayn fayn wan.

• Wach vidio na jw.org ɛn tɔk bɔt am wit ɔda pipul dɛn ɔ rayt sɔntin bɔt am.

• Pripia fɔ fil savis. Sɔntɛm wan pɔsin na di famili go mek lɛk di pɔsin we yu de prich to ɛn yu kin praktis wetin yu want fɔ se.

• Tek tɛm wach di tin dɛn we Gɔd mek ɛn tink gud gud wan bɔt dɛn ɔ tɔk bɔt wetin dɛn tich yu bɔt Jiova. a