Sɔntɛm, jɔs lɛk bɔku pan wi, i kin at fɔ mek yu mɛmba wetin yu dɔn stɔdi. Bɔt, yu dɔn notis se i izi fɔ mek pɔsin mɛmba di ɛgzampul dɛn we Jizɔs bin de yuz? Yu ebul fɔ imajin dɛn, ɛn dat de ɛp yu fɔ mɛmba dɛn. Semweso, yu go ebul mɛmba bɔku pan wetin yu de stɔdi if yu tray fɔ imajin wetin yu de rid. Aw yu go ebul du dat? Na bay we yu de drɔ pikchɔ dɛn as yu de lan.

Bɔku tɛm, i kin izi fɔ lɛ pipul dɛn mɛmba di nyu tin dɛn we dɛn dɔn lan we dɛn drɔ pikchɔ dɛn. Dɛn dɔn kam fɔ si se we dɛn de drɔ pikchɔ dɛn, dat nɔ jɔs de ɛp dɛn fɔ mɛmba di wɔd dɛn, bɔt i de ɛp dɛn bak fɔ mɛmba di men pɔynt dɛn we dɛn dɔn lan. Di pikchɔ dɛn we dɛn de drɔ nɔto di wan dɛn we pipul dɛn we sabi drɔ kin drɔ, bɔt na simpul wan dɛn. Ɛn pipul dɛn dɔn kam fɔ si se di wan dɛn we dɔn ol kin bɛnifit mɔ frɔm dis kayn we fɔ stɔdi.

Di nɛks tɛm we yu de stɔdi, yu kin tray fɔ drɔ sɔm pikchɔ dɛn bɔt wetin yu dɔn lan. Yu go sɔprayz fɔ no se yu mɛmba bɔku tin dɛn!