Wi ɔl nɔ gɛt bɛtɛ tɛm fɔ du pasɔnal stɔdi. So aw wi go ebul fɔ yuz wi tɛm di bɛst we? Fɔs, na fɔ tek yu tɛm. Yu go bɛnifit mɔ we yu tek tɛm stɔdi smɔl tin pas we yu de stɔdi bɔku tin dɛn kwik kwik wan.

Dɔn, tray fɔ no di tin dɛn we mɔ impɔtant. (Ɛfi. 5:​15, 16) Tink bɔt dɛn tin dɛn ya:

• Rid di Baybul ɛvride. (Sam 1:​2) Wi Baybul ridin shɛdul fɔ di mitin we wi kin gɛt insay di wik na fayn say fɔ stat.

• Pripia fɔ di Wachtawa Stɔdi ɛn di mitin we wi kin gɛt insay di wik. Rɛdi fɔ gi kɔmɛnt.—Sam 22:​22.

• We yu gɛt tɛm, tray fɔ no bɔt ɔda tin dɛn we de ɛp wi fɔ gɛt tayt padi biznɛs wit Jiova, lɛk wi magazin dɛn fɔ di pɔblik, vidio dɛn, ɛn tin dɛn we de na jw.org.

• Gɛt stɔdi projɛkt. Yu kin du risach bɔt wan prɔblɛm we de mit yu, wan kwɛstyɔn we yu gɛt, ɔ Baybul tɔpik we yu go lɛk fɔ ɔndastand gud gud wan. Fɔ gɛt aydia dɛn, rivyu di say we se “Bible Study Activities” na jw.org.