STƆDI ATIKUL 39
“A Si Bɔku Bɔku Pipul Dɛn”
“A luk bak, na de a si bɔku bɔku pipul we pɔsin nɔ ebul kɔnt . . . Dɛn bin tinap bifo di ay chia we kiŋ kin sidɔm, na di say we di [Yɔŋ] Ship insɛf bin de.”—RƐV. 7:9.
SIŊ 60 Dɛn Go Gɛt Layf
WETIN WI GO LAN? *
1. Wetin bin apin to di apɔsul Jɔn arawnd di ia 95?
ARAWND di ia 95, sɔntin bin apin to di apɔsul Jɔn we nɔ bin rili izi fɔ am. I bin dɔn ol, i bin de na di ayland we dɛn kɔl Patmɔs, ɛn i go mɔs bi se na in na bin di wangren apɔsul we bin de alayf da tɛm de. (Rɛv. 1:9) I bin no se pipul dɛn we bin de agens di tru Kristian dɛn bin de tich lay lay tin dɛn ɛn mek wanwɔd nɔ de insay di kɔngrigeshɔn. I bin tan lɛk se i nɔ go te no tru Kristian nɔ go de igen.—Jud 4; Rɛv. 2:15, 20; 3:1, 17.
Di apɔsul Jɔn bin si “bɔku bɔku pipul” dɛn we wɛr lɔng wayt klos ɛn dɛn ol pam tik branch dɛn na dɛn an (Luk paregraf 2)
2. Frɔm wetin de na Rɛvɛleshɔn 7:9-14, us wɔndaful vishɔn Jɔn bin si bɔt wetin gɛt fɔ apin tumara bambay? (Luk di pikchɔ na di frɔnt pej.)
2 Na insay da tɛm de Gɔd bin sho Jɔn wan wɔndaful vishɔn bɔt wetin gɛt fɔ apin tumara bambay. Insay da vishɔn de, wan enjɛl bin tɛl 4 ɔda enjɛl dɛn fɔ ol di briz we de kam wit di big big trɔbul te dɛn dɔn fɔ mak sɔm slev dɛn. (Rɛv. 7:1-3) Na dɛn slev dɛn de mekɔp di 144,000 we go rul wit Jizɔs na ɛvin. (Lyuk 12:32; Rɛv. 7:4) Dɔn, Jɔn tɔk bɔt wan ɔda grup. Di we aw di pipul dɛn bɔku bin mek i tɔk se: “A luk” we sho se i bin sɔprayz fɔ si tin we i nɔ bin de tink se i go si. Wetin Jɔn bin si? Di Baybul se i si “bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na [di] wɔl, dɛn bin de tɔk ɔl dɛn difrɛn difrɛn laŋwej na [di] wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di [Yɔŋ] Ship insɛf bin de.” (Rid Rɛvɛleshɔn 7:9-14.) Imajin aw Jɔn bin rili gladi fɔ no se bɔku bɔku pipul dɛn go wɔship Gɔd di rayt we tumara bambay!
3. (a) Wetin mek Jɔn in vishɔn fɔ mek wi gɛt fet mɔ ɛn mɔ? (b) Wetin wi go lan na dis atikul?
3 Wi shɔ se da vishɔn de bin mek Jɔn gɛt mɔ fet. Di vishɔn fɔ mek wi gɛt fet mɔ ɛn mɔ bikɔs wi de insay di las dez we i bin de tɔk bɔt! Wi de si we bɔku bɔku pipul dɛn de
kam fɔ wɔship Jiova ɛn gɛt di op se dɛn go sev di tɛm we da big big trɔbul go kam ɛn gɛt layf we go de sote go na dis wɔl. Insay dis atikul, wi go lan aw Jiova bin sho udat dɛn na dɛn bɔku bɔku pipul dɛn ya. Dɔn, wi go tɔk bɔt tu tin dɛn bɔt dɛn bɔku bɔku pipul dɛn ya: (1) dɛn nɔmba ɛn (2) di pipul dɛn we de na dis grup kɔmɔt ɔlsay na di wɔl. Dɛn pɔynt dɛn ya fɔ mek ɔl di wan dɛn we gɛt di op fɔ de na da grup de gɛt fet mɔ ɛn mɔ.USAY DI BƆKU BƆKU PIPUL DƐN GO DE?
4. Us tru tin dɛn we de na di Baybul we dɛn lay lay chɔch dɛn nɔ ɔndastand? Aw di Baybul Studɛnt dɛn difrɛn?
4 Lay lay chɔch dɛn nɔ de tich di tru tin dɛn we de na di Baybul fɔ se tɛm go kam we di wan dɛn we de du wetin Gɔd want go de sote go na dis wɔl. (2 Kɔr. 4:3, 4, NW) Tide, bɔku lay lay rilijɔn dɛn de tich se ɔl gud pipul dɛn de go na ɛvin we dɛn day. Bɔt dat difrɛn frɔm wetin di Baybul Studɛnt dɛn bin de tich frɔm we dɛn stat fɔ mek di Wach Tawa insay di ia 1879. Dɛn bin ɔndastand se Gɔd go mek dis wɔl bi Paradays bak ɛn bɔku bɔku pipul dɛn we de du wetin Gɔd want go de na dis wɔl nɔto ɛvin dɛn go go. Bɔt i bin tek tɛm fɔ lɛ dɛn ɔndastand klia wan udat na dɛn pipul dɛn ya we de du wetin Gɔd want.—Mat. 6:10.
5. Wetin di Baybul Studɛnt dɛn biliv bɔt di 144,000 pipul dɛn?
5 Dɔn bak, di Baybul Studɛnt dɛn bin kam fɔ lan frɔm di Baybul se dɛn go pul sɔm pipul dɛn na di wɔl fɔ rul wit Jizɔs na ɛvin. (Rɛv. 14:3) Dɛn pipul dɛn de go mekɔp di 144,000 Kristian dɛn we bin dɔn sav Gɔd fetful wan di tɛm we dɛn bin de na dis wɔl. We di bɔku bɔku pipul dɛn?
6. Wetin di Baybul Studɛnt dɛn bin biliv bɔt di bɔku bɔku pipul dɛn?
6 Insay Jɔn in vishɔn, i bin si wan grup we “tinap bifo di ay chia we kiŋ kin sidɔm, na di say we di [Yɔŋ] Ship insɛf bin de.” (Rɛv. 7:9) Dɛn wɔd dɛn de bin mek di Baybul Studɛnt dɛn biliv se jɔs lɛk di 144,000, di bɔku bɔku pipul dɛn bak go de na ɛvin. Bɔt if di 144,000 ɛn di bɔku bɔku pipul dɛn fɔ go de na ɛvin, aw di wan grup go difrɛn frɔm di ɔda grup? So di Baybul Studɛnt dɛn bin tink se di bɔku bɔku pipul dɛn go mɔs bi di Kristian dɛn we nɔ bin de obe Gɔd fayn fayn wan na di wɔl. Pan ɔl we dɛn de liv klin layf, sɔntɛm sɔm pan dɛn bin stil gɛt sɔntin fɔ du wit dɛn lay lay chɔch dɛn. Di Baybul Studɛnt dɛn bin kam fɔ biliv se dɛn kayn pipul dɛn de lɛk Gɔd smɔl bɔt i nɔ bin du fɔ lɛ dɛn rul wit Jizɔs. Bikɔs dɛn bɔku bɔku pipul dɛn ya nɔ bin lɛk Gɔd gud gud wan, dɛn go fit fɔ tinap bifo di tron na ɛvin bɔt dɛn nɔ go sidɔm na tron dɛn.
7. Akɔdin to di Baybul Studɛnt dɛn, udat dɛn go de na dis wɔl insay di Wan Tawzin Ia we Krays go rul? Wetin di Baybul Studɛnt dɛn bin biliv bɔt di fetful man dɛn we bin de trade trade?
7 Udat dɛn go liv na dis wɔl? Di Baybul Studɛnt dɛn bin biliv se afta we di 144,000 ɛn di bɔku bɔku pipul dɛn dɔn gɛda na ɛvin, plɛnti ɔda pipul dɛn go gɛt di chans fɔ de na dis wɔl ɛn ɛnjɔy ɔl di blɛsin dɛn we dɛn go gɛt insay Krays in Wan Tawzin Ia Rul. Di Baybul Studɛnt dɛn nɔ bin de tink se dɛn pipul dɛn de fɔ sav Jiova bifo di tɛm we Krays go bigin fɔ rul. Bifo dat, dɛn bin de tink se dɛn go lan bɔt Jiova insay di Wan Tawzin Ia we Krays go rul. Afta dat, di wan dɛn we gri fɔ du wetin Jiova tɛl dɛn go gɛt layf we go de sote go na dis wɔl, bɔt dɛn go dɔnawe wit di wan dɛn we nɔ gri fɔ du Sam 45:16.
wetin Jiova tɛl dɛn. Di Baybul Studɛnt dɛn bin tink bak se sɔntɛm sɔm pan di wan dɛn we go sav as prins dɛn na dis wɔl insay di tɛm we Krays go rul go go na ɛvin we di Wan Tawzin Ia go dɔn dɔn. Dɛn bin biliv bak se dɛn prins dɛn ya go de pat ɔf di “ancient worthies” (fetful man dɛn we bin day bifo Krays) we go gɛt layf bak insay di Wan Tawzin Ia we Krays go rul.—8. Us tri grup dɛn di Baybul Studɛnt dɛn bin de tink se Gɔd go blɛs?
8 Bɔt di Baybul Studɛnt dɛn bin tink se na tri grup dɛn de: (1) di 144,000, we go rul wit Jizɔs na ɛvin; (2) di bɔku bɔku pipul dɛn we nɔ gɛt bɛtɛ zil, we go tinap bifo di tron usay Jizɔs go sidɔm na ɛvin; ɛn (3) di ɔda plɛnti pipul dɛn we Jiova go tich wetin i want insay di Wan Tawzin Ia we Krays go rul. * Bɔt leta, Jiova bin ɛp dɛn fɔ ɔndastand dis tɔpik klia klia wan.—Prɔv. 4:18.
DI TRUT IN LAYT SHAYN BRAYT BRAYT WAN
Bɔku bɔku pipul dɛn we gɛt di op fɔ de na dis wɔl bin baptayz na di kɔnvɛnshɔn we dɛn bin gɛt insay 1935 (Luk na paregraf 9)
9. (a) Aw di bɔku bɔku pipul dɛn na dis wɔl go tinap “bifo di ay chia we kiŋ kin sidɔm, na di say we di [Yɔŋ] Ship insɛf bin de”? (b) Wetin mek di nyu we aw wi ɔndastand Rɛvɛleshɔn 7:9 rili mek sɛns?
9 Insay 1935, Jiova Witnɛs dɛn bin ɔndastand klia klia wan udat dɛn na di bɔku bɔku pipul dɛn na Jɔn in vishɔn. Jiova Witnɛs dɛn kam fɔ no se di bɔku bɔku pipul dɛn nɔ gɛt fɔ go na ɛvin fɔ tinap “bifo di ay chia we kiŋ kin sidɔm, na di say we di [Yɔŋ] Ship insɛf bin de.” Bifo dat, di tinap we dɛn go tinap bifo di tron min sɔntin. Pan ɔl we dɛn go de na dis wɔl, di bɔku bɔku pipul dɛn go tinap “bifo di ay chia we kiŋ kin sidɔm” bay we dɛn go gri se na Jiova gɛt di rayt fɔ rul di wan ol wɔl ɛn bay we dɛn de obe am. (Ayz. 66:1) Dɛn go tinap “bifo di ay chia we kiŋ kin sidɔm” bay we dɛn go sho se dɛn gɛt fet pan di day we Jizɔs day fɔ fri wi frɔm sin ɛn day. Semweso, Matyu 25:31, 32 se “ɔlman” ivin di wikɛd wan dɛn go “gɛda bifo” Jizɔs we sidɔm na in wɔndaful tron. Wi si klia wan se ɔl dɛn pipul dɛn ya nɔ de na ɛvin, bɔt dɛn de na dis wɔl. Dis we aw dɛn bin ajɔst di we aw wi bin ɔndastand Jɔn in vishɔn insay 1935 rili mek sɛns. I ɛksplen wetin mek di Baybul nɔ tɔk se dɛn bɔku bɔku pipul dɛn ya de go na ɛvin. Na jɔs wangren grup di Baybul se go gɛt layf we go de sote go na ɛvin, dat na di 144,000, we go rul wit Jizɔs as “kiŋ dɛn oba di wɔl.”—Rɛv. 5:10, NW.
10. Wetin mek nid de fɔ lɛ di bɔku bɔku pipul dɛn lan bɔt Jiova bifo di Wan Tawzin Ia we Krays go rul?
10 Frɔm 1935, Jiova Witnɛs dɛn bin dɔn ɔndastand se di bɔku bɔku pipul dɛn na Jɔn in vishɔn na di fetful Kristian dɛn we gɛt di op fɔ de na dis wɔl sote go. Fɔ lɛ dɛn go sev di tɛm we da big big trɔbul go kam, di bɔku bɔku pipul dɛn go nid fɔ lan bɔt Jiova ɛn stat fɔ wɔship am bifo di Wan Tawzin Ia we Krays go bigin rul. Dɛn go nid fɔ sho se dɛn gɛt strɔng fet so dat dɛn go “gɛt trɛnk fɔ bia ɔl dɛn tin we go bi na dis wɔl” bifo Krays in Wan Tawzin Ia Rul go bigin.—Lyuk 21:34-36.
11. Wetin mek sɔm Baybul Studɛnt dɛn bin de tink se sɔntɛm sɔm pipul dɛn go go na ɛvin afta Krays in Wan Tawzin Ia Rul?
11 Wetin wi go se bɔt di we aw di Baybul Studɛnt dɛn bin de tink bɔt di fetful wan dɛn na dis wɔl we go gɛt layf bak fɔ go de na ɛvin afta di Wan Tawzin Ia we Krays go rul? Di Fɛbwari 15, 1913, Wach Tawa
bin ɛksplen sɔntin bɔt dis. Pɔsin go de tink se: ‘Wetin mek di fetful man dɛn we bin de trade trade go gɛt layf fɔ de na dis wɔl bɔt Kristian dɛn we nɔ fetful lɛk dɛn go gɛt layf fɔ go de na ɛvin?’ Dɛn bin tink da we de bikɔs dɛn bin de tink di rɔŋ we bɔt tu tin: (1) di bɔku bɔku pipul dɛn go de na ɛvin ɛn (2) dɛn pipul dɛn de na di wan dɛn we nɔ gɛt bɛtɛ fet.12-13. Wetin di anɔyntɛd ɛn di bɔku bɔku pipul dɛn no bɔt di blɛsin we dɛn go gɛt?
12 Bɔt frɔm wetin wi dɔn lan, frɔm 1935, Jiova Witnɛs dɛn dɔn ɔndastand klia wan se di wan dɛn we go sev di tɛm we Amagɛdɔn go kam na dɛn na di bɔku bɔku pipul dɛn na Jɔn in vishɔn. Dɛn go “tinap traŋa wɛn da big trɔbul” go kam na dis wɔl, ɛn dɛn go “de ala lawd wan se, ‘Na Gɔd we sidɔm na di ay chia ɛn di [Yɔŋ] Ship dɔn sev wi!’” (Rɛv. 7:10, 14) Dɔn bak, di Baybul tich wi se di wan dɛn we go gɛt layf bak fɔ go na ɛvin go gɛt “bɛtɛ tin” pas di fetful man dɛn we bin de trade trade. (Ibru 11:40, NW) Wi brɔda dɛn bin bigin fɔ invayt pipul dɛn wit zil fɔ sav Jiova wit di op fɔ de sote go na dis wɔl.
13 Di bɔku bɔku pipul dɛn bin rili gladi fɔ dis op we dɛn gɛt. Dɛn ɔndastand se na Jiova de disayd usay in fetful savant dɛn go sav am, wɛda na ɛvin ɔ na dis wɔl. Di anɔyntɛd dɛn ɛn di bɔku bɔku pipul dɛn no se nɔto wetin dɛn du go mek dɛn gɛt layf na ɛvin ɔ na dis wɔl, bɔt na Jiova mek dat pɔsibul bay we i sɛn Jizɔs Krays fɔ kam day fɔ fri wi frɔm sin ɛn day.—Rom 3:24.
BƆKU BƆKU PIPUL DƐN
14. Afta 1935, wetin mek bɔku brɔda dɛn bin de wɔnda aw di tin dɛn we di Baybul tɔk bɔt di bɔku bɔku pipul dɛn go bi?
14 Afta we dɛn ɔndastand gud gud wan bɔt wetin gɛt fɔ apin to Jiova in pipul dɛn insay 1935, bɔku brɔda dɛn bin stil de wɔnda aw di wan dɛn we gɛt di op fɔ de na dis wɔl go bi bɔku bɔku pipul dɛn. Fɔ ɛgzampul, Ronald Pakin bin ol 12 ia di tɛm we dɛn bin ɔndastand klia wan udat na di bɔku bɔku pipul dɛn. I bin tɔk se: “Dɛn tɛm dɛn de, na bin lɛk 56,000 pɔblisha dɛn bin de ɔlsay na di wɔl, ɛn sɔntɛm bɔku pan dɛn na bin anɔyntɛd dɛn. So di bɔku bɔku pipul dɛn nɔ bin plɛnti.”
15. Aw di bɔku bɔku pipul dɛn nɔmba de kɔntinyu fɔ ad mɔ ɛn mɔ?
15 Bɔt as tɛm de go, dɛn bin sɛn mishɔnari dɛn na bɔku kɔntri dɛn, ɛn di pipul dɛn we bin de bi Jiova Witnɛs dɛn kɔntinyu fɔ plɛnti mɔ ɛn mɔ. Dɔn, insay Ayz. 60:22) Dɛn biɛn tɛm ya, Jiova in ɔganayzeshɔn dɔn de mek bɔku ɔda tin dɛn we de rili ɛp pipul dɛn fɔ lan bɔt wetin di Baybul de tich. Wi dɔn si klia wan se dɛn bɔku bɔku pipul dɛn ya dɔn pas 8 milyɔn naw.
1968, dɛn bin stat fɔ yuz di buk we gɛt di taytul The Truth That Leads to Eternal Life fɔ stɔdi pipul dɛn di Baybul. Di simpul we aw dis buk ɛksplen di tru tin dɛn we de na di Baybul bin mek mɔ pipul dɛn want fɔ lan bɔt Jiova pas aw i bin de bi. Insay 4 ia, i pas 500,000 pipul dɛn we baptayz fɔ bi nyu disaypul dɛn. As di Katolik chɔch bigin lɔs dɛn pawa oba Latin Amɛrika ɛn ɔda kɔntri dɛn ɛn we dɛn lift di ban we dɛn ban wi wok na di Ist pat na Yurop ɛn sɔm say dɛn na Afrika, bɔku bɔku pipul dɛn bin baptayz. (DI BƆKU BƆKU PIPUL DƐN WE KƆMƆT DIFRƐN SAY DƐN
16. Usay di bɔku bɔku pipul dɛn kɔmɔt?
16 We Jɔn bin de rayt in vishɔn, i bin tɔk se dɛn bɔku bɔku pipul dɛn de go kɔmɔt na “ɔl dɛn trayb ɛn ɔl dɛn neshɔn na [di] wɔl, dɛn bin de tɔk ɔl dɛn difrɛn difrɛn laŋwej na [di] wɔl, sɔm bin wayt, sɔm bin blak.” Di prɔfɛt Zɛkaraya bin dɔn tɔk sɔntin we fiba dis. I bin rayt se: “Da tɛm de, tɛn man pan ɔl di trayb dɛn na [di] wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.”—Zɛk. 8:23.
17. Wetin Jiova dɔn du fɔ ɛp pipul dɛn na ɔl dɛn neshɔn ɛn trayb dɛn?
17 Jiova Witnɛs dɛn no se fɔ gɛda pipul dɛn frɔm ɔl di difrɛn difrɛn langwej dɛn, dɛn nid fɔ prich di gud nyuz insay bɔku bɔku langwej dɛn. I dɔn pas 130 ia we wi dɔn de translet buk dɛn fɔ stɔdi di Baybul, bɔt naw wi de translet pas aw wi bin de translet trade insay bɔku bɔku langwej dɛn. Wi dɔn si klia wan se na Jiova de gɛda dɛn bɔku bɔku pipul dɛn na ɔl dɛn neshɔn dɛn. Bikɔs wi buk ɛn magazin dɛn de insay bɔku langwej dɛn, dis grup de wɔship Jiova wit wanwɔd, ivin if dɛn kɔmɔt ɔlsay na di wɔl. Ɛn dɛn sabi Jiova in pipul dɛn fɔ di zil we dɛn gɛt fɔ prich ɛn di lɛk we dɛn lɛk dɛnsɛf. Dat de mek wi gɛt fet mɔ ɛn mɔ!—WETIN DI VISHƆN MIN TO WI?
18. (a) Frɔm wetin de na Ayzaya 46:10, 11, wetin mek wi nɔ sɔprayz we Jiova dɔn du wetin di Baybul bin tɔk se go apin to di bɔku bɔku pipul dɛn? (b) Wetin mek di wan dɛn we gɛt di op fɔ de na dis wɔl nɔ fil se dɛn nɔ gɛt natin?
18 Wi gɛt bɔku rizin fɔ gladi fɔ di tin dɛn we di Baybul tɔk se go apin to di bɔku bɔku pipul dɛn! Wi nɔ sɔprayz fɔ si di kayn wɔndaful we aw Jiova dɔn mek dis bi. (Rid Ayzaya 46:10, 11.) Di bɔku bɔku pipul dɛn gladi fɔ di op we Jiova dɔn gi dɛn. Dɛn nɔ de fil se dɛn nɔ gɛt natin bikɔs Gɔd nɔ anɔynt dɛn wit in oli spirit fɔ rul wit Jizɔs na ɛvin. Na bɔku say dɛn na di Baybul, wi lan bɔt bɔku fetful man ɛn uman dɛn we di oli spirit bin de gayd; bɔt dɛn nɔ de pan di 144,000. Fɔ ɛgzampul, Jɔn we bin de baptayz pipul dɛn na wan pan dɛn. (Mat. 11:11) Devid bak na wan pan dɛn. (Akt 2:34) Dɛn ɛn bɔku ɔda pipul dɛn we wi nɔ go ebul kɔnt go gɛt layf bak ɛn de na Paradays na dis wɔl. Dɔn, dɛn ɛn ɔl di bɔku bɔku pipul dɛn go gɛt di chans fɔ sho se dɛn de biɛn Jiova ɛn di rayt we i gɛt fɔ rul.
19. We wi ɔndastand wetin Jɔn in vishɔn bɔt di bɔku bɔku pipul dɛn min, wetin dat go mek wi du?
19 Dis na di fɔstɛm fɔ lɛ Gɔd gɛda bɔku bɔku pipul dɛn frɔm ɔl di neshɔn dɛn fɔ kam togɛda fɔ wɔship am. Ilɛksɛf di op we wi gɛt na fɔ de na ɛvin ɔ na dis wɔl, wi nid fɔ ɛp plɛnti plɛnti pipul dɛn fɔ jɔyn di bɔku bɔku pipul dɛn we na di “ɔda ship dɛn.” (Jɔn 10:16) I nɔ go te igen, Jiova go briŋ di big big trɔbul we i bin dɔn tɔk se i go briŋ fɔ dɔnawe wit mɔtalman gɔvmɛnt ɛn dɛn lay lay rilijɔn we de mek pipul dɛn de sɔfa. Wɔndaful chans gɛt fɔ de fɔ ɔl di bɔku bɔku pipul dɛn bikɔs dɛn go ebul fɔ sav Jiova na dis wɔl sote go!—Rɛv. 7:14.
SIŊ 139 Imajin Aw Yu Go De Insay di Nyu Wɔl