Mama ɛn papa dɛn gɛt di big wok fɔ tich dɛn pikin dɛn bɔt Jiova. (Ɛfi. 6:4) Fɔ ɛp mama ɛn papa dɛn, Jiova in ɔganayzeshɔn dɔn mek bɔku tin dɛn. Aw yu go ebul yuz dɛn fɔ tren yu pikin dɛn?

• Fɛn di matirial. JW.ORG gɛt ɔl di tin dɛn we dɛn dɔn mek fɔ yɔŋ pipul dɛn, ivin vidio dɛn ɛn say fɔ rayt tin dɛn ɔ fɔ drɔ. a Fɔ fɛn dɛn tin ya, tayp “Children” ɔ “Teenagers” na di say fɔ sach.

• Pik di rayt tin dɛn. Di tin dɛn we de ɔnda di sɛkshɔn “Children” go ɛp yu fɔ pik di rayt tin dɛn fɔ yu pikin. Fɔ fɛn dɛn tin dɛn ya, sach fɔ “Family Worship Projects.”

• Yusɛf fɔ jɔyn. Dɛn nɔ mek wi vidio dɛn ɔ di tin dɛn we dɛn print we pikin dɛn fɔ du jɔs fɔ mek yu pikin gɛt tin fɔ du ɛn sɔntin we go tek in atɛnshɔn. Yu ɛn yu pikin nid fɔ tɔk bɔt dɛn ɛn ɛp am fɔ gɛt in yon padi biznɛs wit Jiova.