Rɛdi Yusɛf Naw fɔ De na di Nyu Wɔl
“Tɛl dɛn fɔ du wetin gud, . . . so dat dɛn go ol di rial layf wit tu an.”—1 TIM. 6:
SIŊ DƐN: 125, 40
1, 2. (a) Us blɛsin dɛn yu go rili want fɔ ɛnjɔy na Paradays? (Luk di pikchɔ nia dis atikul in taytul.) (b) Wetin go mek wi rili gladi na Paradays?
“DI RIAL LAYF.” We bɔku pipul dɛn kin yɛri bɔt dis, i kin mek dɛn mɛmba di op we dɛn gɛt fɔ de sote go na di Paradays we gɛt fɔ de na dis wɔl. Infakt, we di apɔsul Pɔl bin de rayt, i bin kɔmpia “layf we go de sote go” to “di rial layf.” (Rid Fɔs Lɛta To Timoti 6:
2 As wi de wet fɔ dɛn gud tin ya, wi fɔ no se di men blɛsin we wi go ɛnjɔy na wi padi biznɛs wit Jiova. Wi go rili gladi fɔ no se ɔl di badnem we dɛn dɔn put pan Jiova nɔ go de Mat. 6:
3. Wetin wi fɔ de rɛdi fɔ rayt naw?
3 Dɛn blɛsin ya kin bi wi yon, bikɔs Jizɔs tɛl wi se “to Gɔd ɔltin pɔsibul.” (Mat. 19:
AW WI GO RƐDI WISƐF?
4. Gi ɛgzampul we go sho aw wi kin rɛdi naw fɔ liv na di nyu wɔl.
4 Aw wi go rɛdi wisɛf fɔ liv na Gɔd in nyu wɔl? Tink bɔt dis: Lɛ wi se wi de plan fɔ go de na ɔda kɔntri. Aw wi go rɛdi wisɛf? Wi go bigin fɔ lan di langwej we di pipul dɛn de tɔk de. I go fayn fɔ lɛ wi lan bɔt aw dɛn de du tin. Wi kin tray fɔ it sɔm it dɛn we dɛn kin it. If wi de du dɛn tin ya, wi go bigin fɔ liv lɛk se wi de na da kɔntri de, bikɔs na so wi go want fɔ liv na di kɔntri we wi rich de. Semweso, wi kin rɛdi naw fɔ liv na di nyu wɔl we wi liv wi layf di we aw Jiova go want fɔ lɛ wi liv insay di nyu wɔl. Lɛ wi kam tɔk bɔt sɔm ɛgzampul dɛn.
5, 6. We wi de du wetin Jiova in ɔganayzeshɔn de tɛl wi, aw dat de tren wi fɔ liv insay di nyu wɔl?
5 Insay di nyu wɔl, na wetin Jiova want na in go bi. Insay dis wɔl we wi de, Setan want lɛ pipul dɛn tink se dɛn kin du ɛnitin we dɛn want. Bɔku pipul dɛn fil se i impɔtant fɔ lɛ dɛn du wetin dɛn want ɛn dɛn nɔ nid fɔ obe Gɔd. Wetin dɔn apin we dɛn de tink dis we? Mɔtalman de rili sɔfa ɛn dɛn nɔ gɛt gladi at. (Jɛr. 10:
6 Insay di nyu wɔl, wi go rili gladi we Jiova in ɔganayzeshɔn go de sho wi aw fɔ mek di wɔl bi Paradays, aw wi fɔ tich di wan dɛn we go gɛt layf bak, ɛn du ɔda tin dɛn we Jiova want fɔ mɔtalman. Bɔt wetin go apin if dɛn tɛl wi fɔ du wan patikyula wok we wi nɔ rili lɛk? Wi go du wetin dɛn tɛl wi fɔ du? Wi go du wi bɛst fɔ du di wok ɛn ivin ɛnjɔy fɔ du am? Bɔku pan wi go se yɛs! Rayt naw, wi de fala wetin Jiova in ɔganayzeshɔn de tɛl wi fɔ du? If wi de du so, dat min se wi de rɛdi fɔ gɛt layf we go de sote go ɔnda Jiova Gɔd in rul.
7, 8. (a) Wetin mek wi fɔ de du wetin Jiova in ɔganayzeshɔn de tɛl wi? (b) Us chenj dɛn di ɔganayzeshɔn dɔn mek? (c) Aw layf go tan lɛk insay di nyu wɔl?
7 Wi kin rɛdi wisɛf fɔ de na di nyu wɔl we wi de du wetin Jiova in ɔganayzeshɔn de tɛl wi fɔ du. Bɔt nɔto dat nɔmɔ, wi fɔ tray tranga wan fɔ gɛt satisfay maynd ɛn wi fɔ de jɔyn an fɔ wok togɛda wit wi brɔda ɛn sista dɛn. If wi de du wetin di wan dɛn we de bifo Jiova in ɔganayzeshɔn de tɛl wi fɔ du ɛn wi tray fɔ gɛt satisfay maynd ɛn ɛnjɔy ɛni nyu wok we dɛn gi wi, i min se insay di nyu wɔl wi go mɔs du di sem tin. (Rid Di Ibru Pipul Dɛn 13:17.) We di Izrɛlayt dɛn bin rich na di land we Gɔd bin dɔn prɔmis dɛn, dɛn bin sho dɛn usay dɛn fɔ de. (Nɔm. 26:
8 Na big big ɔnɔ fɔ de ɔnda Gɔd in Kiŋdɔm. So wi want fɔ tray tranga wan fɔ wok wit Jiova in ɔganayzeshɔn ɛn du ɛni wok we dɛn gi wi. Bɔt sɔntɛnde, as tɛm de go, dɛn kin chenj di wok we wi bin de du. Fɔ ɛgzampul, dɛn bin tɛl sɔm Bɛtɛlayt dɛn we de na Amɛrika fɔ go du di prichin wok ɛn naw dɛn de ɛnjɔy di prichin wok ɛn dɛn dɔn gɛt bɔku bɔku blɛsin dɛn we dɛn de yuz ɔl dɛn tɛm fɔ sav Jiova. Bikɔs sɔm travlin ovasia dɛn dɔn ol, dɛn dɔn mek dɛn bi spɛshal payɔnia dɛn. Bɔt nɔto jɔs bikɔs dɛn dɔn ol, ɔda rizin dɛn de we mek dɛn mek dis chenj. If wi tray fɔ gɛt satisfay maynd, wi pre to Gɔd fɔ lɛ i ɛp wi, ɛn wi du ɔl wetin wi ebul fɔ du na di wok we i dɔn gi wi, wi go gladi ɛn gɛt bɔku bɔku blɛsin dɛn pan ɔl we wi de liv na di tɛm we bad bad tin dɛn de apin. (Rid Prɔvabs 10:22.) Insay di nyu wɔl, wi go want fɔ de na wan patikyula say we wi rili lɛk. Bɔt wetin wi go du if Jiova in ɔganayzeshɔn tɛl wi fɔ go liv ɔdasay? I nɔ mata usay wi go de ɔ wetin wi go de du, wan tin we wi fɔ no na dat wi go rili gladi ɛn satisfay.—Nɛi. 8:10.
9, 10. (a) Wetin mek wi go nid fɔ peshɛnt insay di nyu wɔl? (b) Aw wi go sho se wi de peshɛnt?
9 Insay di nyu wɔl, wi go nid fɔ peshɛnt. Fɔ ɛgzampul, wi go yɛri se sɔm pipul dɛn rili gladi bikɔs dɛn fambul ɛn padi dɛn dɔn gɛt layf bak. Bɔt wi go gɛt fɔ wet te di wan dɛn we wi lɛk gɛt layf bak. If na so i bi, wi go gladi wit ɔda pipul dɛn ɛn kɔntinyu fɔ wet? (Rom 12:
10 Wi go rɛdi wisɛf fɔ liv na di nyu wɔl we wi peshɛnt wet we dɛn ajɔst di we aw wi bin ɔndastand sɔntin na di Baybul. Wi kin aks wisɛf dis kwɛstyɔn, wi de stɔdi ɛn peshɛnt as Jiova in ɔganayzeshɔn de ɛp wi fɔ ɔndastand di Baybul klia wan tide? If na so i bi, insay di nyu wɔl, i go izi fɔ wi fɔ peshɛnt ɛnitɛm we Jiova tɛl wi fɔ du sɔntin we nyu.—Prɔv. 4:
11. Wetin mek wi fɔ lan fɔ de fɔgiv wi brɔda ɛn sista dɛn naw? Aw dis go ɛp wi na di nyu wɔl?
11 Wan ɔda we we wi go rɛdi wisɛf fɔ liv na di nyu wɔl na we wi de fɔgiv. Di tɛm we Krays go de rul di wɔl fɔ Wan Tawzin Ia, i go te smɔl bifo ɔlman pafɛkt. (Akt 24:
12. Wetin mek wi fɔ rɛdi wisɛf naw fɔ liv na di nyu wɔl?
12 I nɔ min se insay di nyu wɔl wi go gɛt wetin wi want ɔltɛm ɛn di tɛm we wi want am. Wi go nid fɔ de tɛl Jiova tɛnki ɛn satisfay ilɛk usay wi de. Ɛn wi fɔ de du di tin dɛn we Jiova de tɛl wi fɔ du naw. We wi de liv wi layf naw di we aw Jiova go want lɛ wi liv na di nyu wɔl, wi Ibru 2:
SAV JIOVA WIT ƆL YU AT
13. Wetin wi go put fɔs na wi layf insay di nyu wɔl?
13 Lɛ wi tɔk bɔt wan ɔda we aw wi go rɛdi wisɛf fɔ de na di nyu wɔl, we nɔ de fa igen. Pan ɔl we Jiova dɔn prɔmis se tin fɔ it ɛn ɔda tin dɛn we wi nid go bɔku insay di nyu wɔl, wi go gladi mɔ we wi gɛt tayt padi biznɛs wit Jiova. (Mat. 5:
14. Wetin yɔŋ wan dɛn kin plan fɔ du we go mek dɛn rɛdi fɔ de sote go insay di nyu wɔl?
14 Wetin go mek wi gladi mɔ fɔ sav Jiova? Wan tin we go ɛp wi na we wi plan fɔ du sɔntin we go mek wi kam nia Jiova mɔ ɛn mɔ. If yu yɔŋ ɛn yu want fɔ yuz ɔl yu tɛm fɔ sav Jiova, yu nɔ tink se i go fayn fɔ rid mɔ bɔt dis na wi buk ɛn magazin dɛn so dat yu go no di difrɛn we dɛn aw pɔsin kin yuz ɔl in tɛm fɔ sav Jiova? We yu dɔn no wetin yu want fɔ du fɔ Jiova, yu go plan fɔ du am? * Yu kin tɔk to di wan dɛn we dɔn de yuz ɔl dɛn tɛm fɔ sav Jiova fɔ lɔng tɛm naw. We yu disayd fɔ yuz ɔl yu tɛm fɔ sav Jiova, di fayn trenin we Jiova in ɔganayzeshɔn go gi yu go mek yu rɛdi fɔ sav am insay di nyu wɔl.
15. Us tin dɛn wi kin plan fɔ du we go mek wi kam nia Jiova mɔ ɛn mɔ?
15 Wetin wi go plan fɔ du we go mek wi kam nia Jiova mɔ ɛn mɔ? Wi kin plan fɔ lan nyu we dɛn fɔ prich. Ɔ wi kin tray fɔ ɔndastand di advays dɛn na di Baybul gud gud wan ɛn lan aw wi kin fala dɛn advays ya pan ɛnitin we wi de du na wi layf. I go fayn lɛ wi tray fɔ rid gud gud wan, gi fayn tɔk ɛn fayn kɔmɛnt dɛn na wi mitin dɛn. Na tru se yu go tink bɔt ɔda tin dɛn we go fayn fɔ lɛ yu du. Di tru na
dat, we yu plan fɔ du sɔntin fɔ Jiova, i go ɛp yu fɔ gɛt mɔ zil ɛn mek yu rɛdi fɔ de insay di nyu wɔl.DI BƐST WE FƆ LIV WI LAYF NAW!
16. Wetin mek fɔ sav Jiova na di bɛst we we wi kin liv wi layf?
16 Fɔ se we wi de yuz ɔl wi tɛm fɔ rɛdi wisɛf fɔ liv na Gɔd in nyu wɔl min se wi nɔ go rili ɛnjɔy wi layf tide? Nɔ, nɔto so i bi! Fɔ sav Jiova na di bɛst we fɔ liv wi layf. Wi nɔ de sav Jiova bikɔs pɔsin de fos wi fɔ du dat ɔ jɔs bikɔs wi want fɔ sev we da big big trɔbul go kam. We wi gɛt tayt padi biznɛs wit Jiova, wi layf go bɛtɛ ɛn wi go rili gladi. Na so Jiova mek wi fɔ liv. We wi de du wetin Jiova tɛl wi fɔ du ɛn du tin we go mek i kɔntinyu fɔ lɛk wi, dat bɛtɛ pas ɛnitin na layf. (Rid Sam 63:
17. Wetin go rili impɔtant pas fɔ ɛnjɔy wisɛf ɛn du ɔda tin dɛn na Paradays?
17 Insay di nyu wɔl, wi go gɛt tɛm fɔ ɛnjɔy wisɛf ɛn du ɔda tin dɛn. Jiova mek wi fɔ lɛ wi ɛnjɔy layf ɛn du ɔda tin dɛn we go bɛnifit wi ɛn ɔda pipul dɛn, so wi fɔ biliv se Jiova go mek wi rili satisfay. (Ɛkli. 2:
18. Aw wi go sho se wi de rɛdi wisɛf fɔ gɛt layf we go de sote go na Paradays?
18 Insay Paradays, wi go gladi pas aw wi bin dɔn ɛva tink se wi go gladi. Lɛ wi sho se wi rili want fɔ liv na di nyu wɔl bay we wi de rɛdi wisɛf naw. Lɛ wi tray tranga wan fɔ du ɔl wetin Jiova de tɛl wi fɔ du naw ɛn du di prichin wok we i dɔn gi wi wit zil. Lɛ wi sho se di tin we go mek wi gladi pas ɔl na we wi de put Jiova in wɔship fɔs na wi layf. Wi biliv tranga wan se Jiova go du ɔl di tin dɛn we i dɔn prɔmis. So lɛ wi liv wi layf naw lɛk se wi de wet fɔ liv na di nyu wɔl!
^ par. 14 Rid wan buk we dɛn kɔl Young People Ask—Answers That Work, Vɔlyum 2, pej 311-318.