Ɛni ia, po de kil bɔku bɔku pipul dɛn bikɔs dɛn nɔ gɛt gud tin fɔ it ɛn dɛn de sik. Pan ɔl we sɔm kɔntri dɛn na di wɔl gɛt bɔku mɔni, plɛnti pipul dɛn de na di wɔl we stil po bad bad wan. Di Baybul sho se po na wan pan di prɔblɛm dɛn we de kɔntinyu fɔ ambɔg mɔtalman.—Rid Jɔn 12:8.

Wi go nid wan gɔvmɛnt fɔ di wan ol wɔl we go pul po kɔmɔt na di wɔl. Da gɔvmɛnt de fɔ gɛt di pawa fɔ sheb di tin dɛn we de na di wɔl ikwal wan ɛn i fɔ mek wɔ nɔ de igen, bikɔs wɔ na wan pan di men tin dɛn we kin mek pipul dɛn po. Gɔd dɔn prɔmis wi dis kayn gɔvmɛnt we go rul di wan ol wɔl.—Rid Daniɛl 2:44.

Gɔd dɔn pik in Pikin, we na Jizɔs fɔ rul mɔtalman. (Sam 2:4-8) Jizɔs go sev di po pipul dɛn ɛn stɔp fɛt-fɛt ɛn ɔda bad bad tin dɛn we de apin na di wɔl.—Rid Sam 72:8, 12-14.

Jizɔs, di “Prins we Gɛt Pis” we di Baybul bin dɔn tɔk bɔt, go mek pis ɛn kolat de ɔlsay na di wɔl. Dɔn ɔlman na di wɔl go de na in yon os, ɛnjɔy di wok we dɛn de du, ɛn gɛt bɔku tin dɛn fɔ it.—Rid Ayzaya 9:6, 7; 65:21-23.