Insay Eti, gɛng dɛn kin fɛt pasmak. Bad bad kraym dɛn de mek pipul dɛn de sɔfa na Sawt Afrika, Mɛksiko, ɛn insay Latin Amɛrika kɔntri dɛn. Ivin na say dɛn we fɛt-fɛt nɔ bɔku, pipul dɛn stil de fred ɛn wɔri we dɛn kin yɛri bɔt tif-tif, brok os, ɛn we dɛn kin bɔn pipul dɛn prɔpati.

 Wetin di Baybul se bɔt pipul dɛn we de brok lɔ ɔlsay na di wɔl?

 Di Baybul bin tɔk se, pipul dɛn we de brok lɔ de pat pan di sayn dɛn we go sho se “di tɛm want fɔ dɔn.” (Matyu 24:​3) So we Jizɔs Krays bin de tɔk bɔt di tin dɛn we go apin we di tɛm want fɔ dɔn, i bin tɔk se:

•   “Bikɔs bɔku pipul dɛn go de brok lɔ, plɛnti pipul dɛn lɔv go ridyus.”—Matyu 24:​12.

 Di Baybul bin tɔk bak se “insay di las dez,” pipul “dɛn nɔ go ebul kɔntrol dɛnsɛf, dɛn go wayl, [ɛn] dɛn nɔ go lɛk fɔ du gud.” (2 Timoti 3:​1-5) Wi de si pipul dɛn de brok lɔ tide bikɔs ɔf dɛn kayn bad bad abit dɛn ya.

 Bɔt, op de. Di Baybul prɔmis wi se, i nɔ go te igen di wan dɛn we de brok lɔ nɔ go de igen.

•   “Na smɔl tɛm nɔmɔ dɔn lɛf, ɛn di wikɛd wan dɛn nɔ go de igen; yu go luk fɔ dɛn usay dɛn bin de, bɔt dɛn nɔ go de de. Bɔt di wan dɛn we ɔmbul go de na di wɔl, ɛn dɛn go gladi bikɔs dɛn gɛt bɔku bɔku pis.”—Sam 37:​10, 11.

 Lan mɔ bɔt di op we di Baybul de gi ɛn wetin mek wi shɔ se di tin dɛn we de apin tide, de sho se Baybul prɔfɛsi de kam tru. Rid dɛn atikul dɛn ya.

 “A Real Hope for a Better Tomorrow”

 “What Is the Sign of ‘the Last Days,’ or ‘End Times’?”

 “Did the Bible Predict the Way People Think and Act Today?”