UNA GO DE WACH!
Fɔ Se Amagɛdɔn Go Bigin na Izrɛl?—Wetin di Baybul Se?
We di Baybul de tɔk bɔt aw Amagɛdɔn gɛt fɔ tan lɛk, i nɔ se na wɔ we gɛt fɔ de na wan smɔl pat na di wɔl, bɔt i se na wɔ we gɛt fɔ apin ɔlsay na di wɔl bitwin Gɔd ɛn ɔl mɔtalman gɔvmɛnt dɛn.
“Na mɛsej dɛn we kɔmɔt frɔm dimɔn dɛn . . . ɛn dɛn go to di kiŋ dɛn na di wan ol wɔl fɔ gɛda dɛn fɔ di wɔ we go apin insay Gɔd di Ɔlmayti in big de. . . . Dɛn gɛda dɛn na di ples we dɛn de kɔl insay Ibru Amagɛdɔn.”—Rɛvɛleshɔn 16:14, 16.
Di wɔd “Amagɛdɔn” kɔmɔt frɔm wan Ibru wɔd we na Har Meghid dohn, we min “Mawntin na Mɛgido.” Mɛgido na bin wan siti we bin de na Izrɛl dɛn tɛritri trade trade. Na dat mek, sɔm pipul dɛn biliv se dɛn go fɛt di wɔ ɔf Amagɛdɔn na Izrɛl. Bɔt lɛ wi mɛmba bak se, di eria usay Mɛgido de ɛn ɔl di ɔda eria dɛn we de na di Midul Ist nɔ dat big fɔ mek “di kiŋ dɛn na di wan ol wɔl” ɛn dɛn sojaman dɛn ebul fɔ gɛda de.
Dɛn bin rayt di buk we nem Rɛvɛleshɔn wit “sayn dɛn” ɔ sɔntin we min ɔda tin. (Rɛvɛleshɔn 1:1) So Amagɛdɔn nɔ de tɔk bɔt wan patikyula ples, bɔt na sɔntin we gɛt fɔ apin na di wan ol wɔl we di neshɔn dɛn go gɛt fɔ gɛda fɔ fɛt agens Gɔd in gɔvmɛnt.—Rɛvɛleshɔn 19:11-16, 19-21.
You May Also Like
IMPƆTANT BAYBUL TICHIN DƐN
Wetin Mek Gɔd De Alaw Wi fɔ Sɔfa?
Bɔku pipul dɛn kin aks wetin mek di wɔl ful-ɔp wit bad at, ɛn wetin mek pipul dɛn de sɔfa? Di Baybul gɛt ansa to dɛn kwɛstyɔn dɛn ya we go satisfay ɛn kɔrej wi.
IMPƆTANT BAYBUL TICHIN DƐN
Wetin Mek Gɔd Mek di Wɔl?
Di wɔl rili fayn. Gɔd put am di rayt say we i fɔ de frɔm di san, i de na di rayt say, ɛn i de muv wit di rayt spid. Wetin mek Gɔd wok tranga wan fɔ mek di wɔl?
