“Di siriɔs tin dɛn we kin apin bikɔs ɔf di wɛda de kɔz siriɔs prɔblɛm fɔ pipul dɛn, siti dɛn, ɛn ɔl di tin dɛn we gɛt layf. Di briz kin ɛvi mɔ ɛn mɔ bikɔs di wɛda de chenj. Ɛn ɔlsay na di wɔl, dis de pwɛl pipul dɛn os dɛn ɛn mek dɛn nɔ ebul fɔ go fɛn dɛn an-to-mɔt. Di say we animal dɛn de na di si kin wam pasmak, ɛn dis go mek i pɔsibul fɔ lɛ bɔku animal dɛn [day].”—Inger Andersen, under-secretary-general of the United Nations and executive director of the UN Environment Programme, Julay 25, 2023.

 Fɔ se gɔvmɛnt dɛn go ebul kam togɛda fɔ sɔlv dɛn prɔblɛm dɛn ya we de afɛkt di wan ol wɔl? Dɛn go rili ebul sɔlv dɛn prɔblɛm dɛn ya ɛn mek dɛn nɔ apin igen?

 Di Baybul tɔk bɔt wan gɔvmɛnt we go ebul ɛn we gɛt fɔ mek ɔl di tin dɛn we dɔn pwɛl na di wɔl. I se “di Gɔd na ɛvin go mek wan kiŋdɔm,” we na wan gɔvmɛnt we go rul ɛn sɔlv ɔl di prɔblɛm dɛn na di wɔl. (Daniɛl 2:​44) Di tɛm we da gɔvmɛnt de go de rul, pipul dɛn “nɔ go du ɛni bad” tin to ɔda pipul dɛn ɔ to di wɔl.—Ayzaya 11:​9.