Branch Ɔfis dɛn ɛn Aw Fɔ Kam Si di Wok we Wi De Du
Wi de invayt yu fɔ si di wok we wi de du na wi branch ɔfis dɛn usay wi de print ɛn di ɔda wan dɛn. Luk fɔ di ples ɛn tɛm dɛn we yu kin kam si di wok we wi de du.
Tours Resumed: In many countries, we resumed tours of our branch offices on June 1, 2023. For details, contact the branch you would like to tour. Please do not visit if you test positive for COVID-19, display cold or flu-like symptoms, or have recently been exposed to someone who tested positive for COVID-19.
Sawt Afrika
Mek Arenjmɛnt Bifo Yu Kam
Yu fɔ mek arenjmɛt bifo yu kam fɔ kam si di ples? Yɛs. Ilɛk ɔmɔs pipul dɛn de kam, wi kin tɛl dɛn fɔ mek arenjmɛnt bifo tɛm so dat di ples nɔ go ful-ɔp pasmak, ɛn ɔlman go ɛnjɔy di visit. Mek arenjmɛnt wan wik bifo di tɛm we yu want fɔ kam. If na ɔlide tɛm yu want fɔ kam, duya mek arenjmɛnt lɔng tɛm bifo di de we yu de pik.
If yu nɔ bin dɔn mek arenjmɛnt bifo tɛm, yu go stil ebul fɔ kam si di ples? If yu nɔ bin dɔn mek arenjmɛnt bifo tɛm, sɔntɛm ples nɔ go de fɔ yu. Bikɔs ɔf di spes we de, nɔto bɔku pipul go ebul fɔ kam si di ples ɛni de.
Ustɛm yu fɔ kam? Fɔ mek di ples nɔ chok, duya na fɔ kam wan awa bifo di tɛm we yu bin mek arenjmɛnt fɔ.
Wetin Yu Fɔ Du If Yu Want fɔ Kam Waka na Bɛtɛl? Klik na di say we se “Mek Arenjmɛnt.”
Yu go ebul fɔ chenj ɔ kansul di arenjmɛnt we yu bin dɔn mek? Yɛs. Klik na di say we se “Wach ɔ Chenj Yu Arenjmɛnt.”
Wetin yu fɔ du if yu nɔ go ebul kam di de we yu want? Duya kɔntinyu fɔ de chɛk na di wɛbsayt. Spes kin de we ɔda pipul dɛn kin chenj ɔ kansul dɛn arenjmɛnt.
Fɔ Si di Wok we Wi De Du
1 Robert Broom Drive East
Rangeview
KRUGERSDORP
1739
SOUTH AFRICA
+27 11-761-1000
Duya, sɛn imel to wi na dis adrɛs: InboxBTHLTours.ZA@jw.org
Pɔsin we Kam fɔ Si di Os: Dɛn go ple wan fim we una bigin. As una de go, dɛn go de ple ɔda shɔt shɔt fim dɛn we de sho di difrɛn wok dɛn we dɛn de du na Bɛtɛl ɛn aw Bɛtɛl de sɔpɔt wi wɔship. Pikin dɛn kin gladi fɔ mek dɛn snap dɛn wit Kɛli ɛn Viktoria na di Bi Jiova in Padi say.
Pɔsin we Kam fɔ Si Printri 2 Sɛnta: Dɛn go ple tri fim dɛn we de sho wetin mek i impɔtant fɔ mek dɛn translet ɛn print wi buk ɛn magazin dɛn insay lokal langwej dɛn. Say de usay pɔsin go tinap fɔ si aw di printin machin dɛn de wok. Wan pan di men tin dɛn we dɛn de sho na Baybul we de sho di istri bɔt aw dɛn dɔn yuz Gɔd in nem insay sɔm lokal langwej dɛn Baybul.
Pɔsin we Kam fɔ Si Printri 3 Sɛnta: Say de usay pɔsin go tinap fɔ si di wan ol say usay dɛn kin pak di buk ɛn magazin dɛn we dɛn gɛt fɔ ship go difrɛn difrɛn say dɛn. Dɛn kin rayt di difrɛn kɔntri dɛn we dɛn de sɛn dɛn. Dɛn de ple tri fim dɛn we de sho aw dɛn de bil Kiŋdɔm Ɔl, aw dɛn kin ship buk ɛn magazin dɛn, ɛn aw dɛn kin mek odio ɛn vidio pɔblikeshɔn dɛn.
Say Usay Visitɔ dɛn Go Rɛst: Wan say de we fiba pak usay di wan dɛn we kam waka go ebul fɔ it smɔl tin. Dis na say usay dɛn kin pak bɔs dɛn, bɔt if na pɔblik ɔlide, ɔda motoka dɛn kin pak de.
Transpɔt: Dɛn gɛt bɔs dɛn we de kɛr pipul dɛn go na di difrɛn sɛnta dɛn.
Men Tin dɛn we Dɛn De Du
Dɛn de print ɛn baynd buk, magazin, brosho, ɛn trakt dɛn insay pas 150 langwej dɛn ɛn dɛn kin ship dɛn na bɔku bɔku kɔngrigeshɔn dɛn we de na 20 kɔntri dɛn. Dɛn de translet di Baybul ɛn Baybul buk, magazin ɛn fim dɛn insay pas 20 langwej dɛn. Na di “Regional Design Construction Department” we de na di branch de sɔpɔt di Kiŋdɔm Ɔl kɔnstrɔkshɔn wok na 42 Afrikan kɔntri dɛn.