Jiova Witnɛs dɛn De Gri fɔ Tek Tritmɛnt na Ɔspitul?
Yɛs, Jiova Witnɛs dɛn de gri fɔ tek tritmɛnt na ɔspitul. Wi kin tray fɔ kia fɔ wi bɔdi ɛn mek shɔ se wi nɔ du ɛnitin we go mek wi sik. Bɔt pan ɔl dat, wi kin stil “go to dɔkta.” (Lyuk 5:31) Infakt, sɔm Jiova Witnɛs dɛn de we na dɔktɔ, lɛk Lyuk we bin de di tɛm we di apɔsul dɛn bin de.—Lɛta Fɔ Kɔlɔse 4:14.
Bɔt sɔm tritmɛnt dɛn de we di Baybul nɔ gri wit, ɛn wi nɔ de tek dɛn. Fɔ ɛgzampul wi nɔ de gri fɔ tek blɔd bikɔs di Baybul se wi nɔ fɔ tek blɔd fɔ mek wi go liv. (Di Apɔsul Dɛn Wok 15:20) Semweso, di Baybul se wi nɔ fɔ tek ɛni tritmɛnt we gɛt fɔ du wit juju biznɛs.—Lɛta Fɔ Galeshya 5:19-21.
Bɔt, bɔku pan di tritmɛnt dɛn we de tide, nɔto tin dɛn we di Baybul nɔ gri wit. So, na pɔsin fɔ disayd fɔ insɛf us tritmɛnt i go tek. Wan Jiova Witnɛs go disayd fɔ tek wan tritmɛnt, bɔt wan ɔda Jiova Witnɛs go disayd nɔ fɔ tek da sem tritmɛnt de.—Lɛta Fɔ Galeshya 6:5.
You May Also Like
KWƐSTYƆN DƐN WE PIPUL DƐN KIN AKS ƆLTƐM
Wetin Mek Jiova Witnɛs dɛn Nɔ De Tek Blɔd?
Bɔku tin dɛn de we pipul dɛn nɔ ɔndastand bɔt Jiova Witnɛs dɛn ɛn fɔ tek blɔd. Lam di tru bɔt wetin wi biliv we i kam pan blɔd.
SHƆT FIM FƆ BIGIN PRICH
Udat na Jiova Witnɛs Dɛn?
Bɔku pipul dɛn rili want fɔ no udat na Jiova Witnɛs dɛn. Lan mɔ frɔm di pipul dɛn sɛf.
