Nɔ. Wi na Kristian dɛn, bɔt wi nɔ de tek wisɛf as Protɛstant dɛn. Wetin mek?

 Protɛstant dɛn na “rilijɔn we de agens Katolik dɛn.” Pan ɔl we na tru se Jiova Witnɛs dɛn nɔ gri wit di tin dɛn we dɛn de tich na Katolik Chɔch, wi nɔ de si wisɛf as Protɛstant fɔ dɛn rizin dɛn ya:

1.   Bɔku tin dɛn we Protɛstant dɛn biliv nɔ gri wit wetin di Baybul tich. Fɔ ɛgzampul, di Baybul tich se “na wangren Gɔd de,” nɔto Triniti. (Fɔs Lɛta To Timoti 2:5; Jɔn 14:28) Ɛn i tich klia wan se Gɔd de pɔnish di wikɛd wan dɛn, nɔto insay ɛl faya, bɔt dɛn nɔ go de igen igen.​—Sam 37:9; Sɛkɛn Lɛta Fɔ Tɛsalonayka 1:9.

2.   Wi nɔ de tɔk bad ɔ tray fɔ chenj di Katolik Chɔch ɔ ɛni ɔda rilijɔn. Bifo dat, wi de prich di gud nyus bɔt Gɔd in Kiŋdɔm, ɛn ɛp pipul dɛn fɔ gɛt fet pan di gud nyus. (Matyu 24:14; 28:19, 20) Wi nɔ de tray fɔ chenj ɔda rilijɔn dɛn bɔt wi de tich di tru bɔt Gɔd in Wɔd to pipul dɛn we rili want fɔ no bɔt di Baybul.​—Lɛta Fɔ Kɔlɔse 1:​9, 10; Sɛkɛn Lɛta To Timoti 2:​24, 25.