Nɔ, Jiova witnɛs dɛn nɔ de aks pipul dɛn fɔ gi tayt; na di mɔni dɛn we pipul dɛn kin mekɔp dɛn maynd fɔ gi, kin ɛp kɛr wi wok go bifo. Wetin na tayt, ɛn wetin mek Jiova Witnɛs dɛn nɔ de aks pipul dɛn fɔ tayt?

 Di lɔ bɔt tayt bin de insay di Lɔ we Gɔd bin gi di Izrɛlayt dɛn. I se “di pipul dɛn na Izrɛl fɔ sheb wetin dɛn gɛt, tɛn pat, ɛn tek wan pat gi” to di Livayt dɛn. Bɔt, di Baybul sho klia wan se dis Lɔ nɔ de fɔ Kristian dɛn.​—Di Ibru Pipul Dɛn 7:​5, 18; Lɛta Fɔ Kɔlɔse 2:​13, 14.

 Jiova Witnɛs dɛn nɔ de gi tayt; bifo dat dɛn de falamakata di fɔstɛm Kristian dɛn ɛn sɔpɔt dɛn prichin wok. Wi de du dat bay we wi de du di prichin wok fɔ fri ɛn we wisɛf kin gi mɔni fɔ ɛp mek di wok go bifo.

 Dat de sho se wi de du wetin di Baybul tɛl Kristian dɛn fɔ du. I se: “Ɔlman fɔ gi wetin i mekɔp fɔ gi, i nɔ fɔ sɔri ɛn i nɔ fɔ jɛs gi nɔmɔ bikɔs dɛn fos am fɔ gi; Gɔd lɛk pɔsin we gladi fɔ gi wetin i de gi.”—Sɛkɛn Lɛta Fɔ Kɔrint 9:7.